ଡାବୁଗାଁରେ ସାଧାରଣ ନିର୍ବାଚନ ଭୋଟଦାନ ଶେଷ
ଡାବୁଗାଁ, ୧୩/୪ (ମ.ନି.ସ.)- ନବରଙ୍ଗପୁର ଜିଲା ଡାବୁଗାଁ ବ୍ଲକ ରେ ସାଧାରଣ ନିର୍ବାଚନ ଭୋଟଦାନ ସୋମବାର ଶାନ୍ତି ଶୃଙ୍ଖଳାର ସହ ଶେଷ ହୋଇଛି | ଡାବୁଗାଁ ବ୍ଲକ ଅଧୀନ ମୋଟ ୫୫ ଟି ବୁଥ ରେ ମତଦାନ ଅନୁଷ୍ଠିତ ହୋଇଛି | ରାତି 
୬ ଘ॰ ସୁଦ୍ଧା ୫୧ ଟି ବୁଥରେ ମତଦାନ ଶେଷ ହୋଇଥିବା ବେଳେ ୪ ଟି ବୁଥରେ ମତଦାନ ଚାଲୁରହିଛି | ପାରିଆବେଡା, ମୁଣ୍ଡିଗୁଡା, ନନ୍ଦପୁରା ଓ ମେଣ୍ଡ୍ରା ବୁଥରେ ମତଦାନ ଚାଲୁରହିଛି | ଚଳିତ ବର୍ଷ ଭିନ୍ନକ୍ଷମ ଭୋଟର ମାନେ ମତଦାନ କରିଥିବା ଦେଖିବାକୁ ମିଳିଛି | ଉମୁରହାଣ୍ଡି ବୁଥରେ ମତଦାନ ସମୟ ପୂର୍ବରୁ ଭିଭିପାଟ ରେ ତ୍ରୁଟି ଥିବାରୁ 
ଭିଭିପାଟ ମେସିନ ବଦଳା ଯାଇଥିଲା | ସକାଳ ୬.୩୦ ସମୟରୁ ଭୋଟର ମାନେ ମତଦାନ କେନ୍ଦ୍ର ନିକଟରେ ଅପେକ୍ଷା କରିଥିବା ଦେଖିବାକୁ ମିଳିଥିଲା | ଡାବୁଗାଁ ବ୍ଲକ ରେ କୌଣସି ବୁଥରେ ଅପ୍ରୀତିକର ପରିସ୍ଥିତି ସୃଷ୍ଟି ହୋଇନାହିଁ | ଶାନ୍ତି ସୃଖଳା ସହ ମତଦାନ ହୋଇଛି | ଡାବୁଗାଁ ବ୍ଲକରେ ମୋଟ ଭୋଟର ୪୬,୩୪୪ ରହିଛନ୍ତି | ଚଳିତ ନିର୍ବାଚନରେ ପୁରୁଷ ମାନଙ୍କ ଠାରୁ ଅଧିକ ମହିଳା ଭୋଟର ମାନେ ମତଦାନ କରିଛନ୍ତି | ସନ୍ଧ୍ୟା ୭.୩୦ ଘ. ସମୟ ପର୍ଯ୍ୟନ୍ତ ଡାବୁଗାଁ ବ୍ଲକରେ ୮୫ ପ୍ରତିଶତ ମତଦାନ ହୋଇଛି |
ଡାବୁଗାଁରୁ ପ୍ରଜ୍ଞାରଞ୍ଜନ ପରିଡାଙ୍କ ରିପୋର୍ଟ
