ନୂଆପଡା: ନୂଆପଡା ଜିଲ୍ଲା ଖଡିଆଳର ବରିଷ୍ଠ କଳାକାର ଅରୁଣ ଜ୍ୟୋତି ଶର୍ମାଙ୍କ ୫୮ ବର୍ଷ ବୟସରେ ପରଲୋକ ହୋଇ ଯାଇଛି । ସେ ଜଣେ ବରିଷ୍ଠ କଲାକାର ଥିଲେ । ଛାତ୍ର ଜୀବନରୁ ଅଭିନୟ କରି ବିଭିନ୍ନ ନାଟକ, ଡ୍ରାମା କରି ବେଶ ପରିଚିତ ଥିଲେ । ସ୍ୱର୍ଗତ ଶର୍ମା ଗତ ୨୦୦୩ ରୁ ୨୦୦୮ ପର୍ଯ୍ୟନ୍ତ ଖଡିଆଳ ସହର ଭିତରେ ଅଭିନବ ବିକଳ୍ପ ବିଦ୍ୟାଳୟ (ଏଆଇଇ) ରେ ସେଛାସେବୀ ଶିକ୍ଷକ ଭାବରେ ମଧ୍ୟ କାର୍ଯ୍ୟ କରିଥିଲେ । ସରକାର ୨୦୦୮ ରେ ଏହି ଅଭିନବ ବିକଳ୍ପ ବିଦ୍ୟାଳୟକୁ ନିଶ୍ଚିତ ଶିକ୍ଷା ଯୋଜନା( ଇଜିଏସ) ରେ ମିଶ୍ରଣ ପରେ ସେ ଶିକ୍ଷକତା ଛାଡ଼ିଦେଇଥିଲେ । ଚାକିରି ରେଗୁଲାର ହେବା ପାଇଁ ଅନେକ ସଂଘର୍ଷ ମଧ୍ୟ କରିଥିଲେ ଓ ସର୍ଗତ ଶର୍ମା ମଧ୍ୟ ଚାକିରି ରୁ ବଞ୍ଚିତ ହୋଇଥିଲେ । ସେ ଜଣେ ଉଦଘୋଷକ ଭାବରେ ମଧ୍ୟ ଖଡିଆଳ ସହହରର ବେଶ ପରିଚିତ ଥିଲେ । ଚଳିତ ପଞ୍ଚାୟତ ନିର୍ବାଚନ ଓ ଏନ ଏ ସି ନିର୍ବାଚନରେ ତାଙ୍କ ଭାଷଣ ରେକର୍ଡିଂଗ ହୋଇ ଗ୍ରାମାଞ୍ଚଳରେ ଓ ସରରାଞ୍ଚଳରେ ଡ।କ ବାଜି ଯନ୍ତ୍ର ସାହାଯ୍ୟରେ ଲୋକ ଶୁଣିଥିଲେ । ଜଣେ ହାସ୍ୟ କଳାକାର ଥିଲେ । ଦର୍ଶକଙ୍କୁ ହସାଇ ହସାଇ ବେଦମ କରି ପାରୁଥିଲେ । ସେ ହିନ୍ଦୀ, ଓଡିଆ, ଇଂରାଜୀ କୋଶଲୀ, ଉର୍ଦୁ ଭାଷା ଜାଣିଥିଲେ । ସେ ଖଡିଆଳ ସାଂସ୍କୃତିକ ଅନୁଷ୍ଠାନର ଜଣେ ସକ୍ରିୟ ସଦସ୍ୟ ରୁପେ ଦିର୍ଘ ୨୮ ବର୍ଷ କାର୍ଯ୍ୟ କରି ଖଡିଆଳରେ କଳାର ବିକାଶ କରିଥିଲେ । ସେ ଗତ କିଛିବର୍ଷ ଖଡିଆଳ ବିଧାୟକ ସର୍ଗତ ଦୁର୍ଯ୍ୟୋଧନ ମାଝୀଙ୍କ ସହିତ ମିଶି ବିଜୁ ଜନତା ଦଳରେ କାର୍ଯ୍ୟ କରିଥିଲେ । ତାଙ୍କର ମୃତ୍ୟୁରେ ଖଡିଆଳ ଅଞ୍ଚଳରେ ଗଭିର ଶୋକ ପ୍ରକାଶ କରାଯାଇଛି । ତାଙ୍କର ୨ ଜଣ ପୁଅ ଥିବା ବେଳେ ତାଙ୍କ ପତ୍ନି ଏବେ ବେସାହାର ହୋଇ ଯାଇଛନ୍ତି । ସର୍ଗତ ଶର୍ମାଙ୍କ ପରିବାର ଙ୍କୁ ସରକାରୀ ସହାୟତା ଯୋଗାଇ ଦେବାକୁ କଳାକାର ମହଲରେ ଦାବୀ ହୋଇଛି ।ନୂଆପଡା ରୁ ସୁଜିତ କୁମାର ପ୍ରଧାନ ଙ୍କ ରିପୋର୍ଟ
