ନର୍ଲା (ମ.ନି.ସ) କଳାହାଣ୍ଡି ଜିଲ୍ଲାର ରୁପ୍ରାରୋଡ ରେଳଷ୍ଟେସନରେ ରେଳଯାତ୍ରୀ ସୁରକ୍ଷା ସମିତି, ରୁପ୍ରାରୋଡ ପକ୍ଷରୁ ରେଳରୋକ ଆନ୍ଦୋଳନ ଜାରି ରହିଛି। ଏଠାରେ ଦୀର୍ଘ ଦିନରୁ ରହି ଆସୁଥିବା ଟ୍ରେନ ଗୁଡିକ କରୋନା ସଂକ୍ରମଣ ସମୟରେ ଚଳାଚଳ ବନ୍ଦ ରହିଥିବା ଓ କେତେକ ଟ୍ରେନ ରହଣୀ କରୁ ନ ଥିବା ଯୋଗୁଁ ଏ ଅଞ୍ଚଳର ଯାତ୍ରୀ ନାନା ଅସୁବିଧାର ସମ୍ମୁଖୀନ ହେଉଛନ୍ତି। ଏହାର ପ୍ରତିବାଦରେ ଆଜି ନର୍ଲା ବ୍ଳକ ଉପାଧ୍ୟକ୍ଷ ଦୁର୍ଗା ପ୍ରସାଦ ମହାନ୍ତି ଓ ଲକ୍ଷ୍ମୀ ନାରାୟଣ ଖେତାନଙ୍କ ନେତୃତ୍ୱରେ ଶତାଧିକ ଆନ୍ଦୋଳନକାରୀ ସକାଳ ୯ ଘଣ୍ଟା ସମୟରୁ ରୁପ୍ରାରୋଡ ରେଳଷ୍ଟେସନରେ ରେଳ ରୋକ ଆନ୍ଦୋଳନ କରିଛନ୍ତି। ଏଠାରେ ସୂଚନାଯୋଗ୍ୟ ଗତକାଲି ରେଳ ବିଭାଗ ବରିଷ୍ଠ ଅଧିକାରୀ, ଜିଲ୍ଲା ପ୍ରଶାସନର ଅଧିକାରୀ, ନର୍ଲା ପୋଲିସ ଓ ରେଳ ଯାତ୍ରୀ ସୁରକ୍ଷା ସମିତିର କର୍ମକର୍ତ୍ତା ମାନଙ୍କୁ ନେଇ ଏକ ବୈଠକ ଅନୁଷ୍ଠିତ ହୋଇଥିଲା। ତେବେ ବୈଠକରେ କୈାଣସି ସମାଧାନ ନ ହେବା ପରେ ଆଜି ରୁପ୍ରାରୋଡ ରେଳ ଯାତ୍ରୀ ସୁରକ୍ଷା ସମିତିର ଆନ୍ଦୋଳନ ଆରମ୍ଭ ହୋଇଛି।
ପ୍ରଦୀପ କୁମାର ଗଉଡ ନର୍ଲା ମସୀହା ପ୍ରତିନିଧି।
