ଜଣାଣ

ମାନଗୋବିନ୍ଦ ସ୍ବାଇଁ

ବଡ଼ଦାଣ୍ଡ ଦୃଶ୍ୟ ଭକ୍ତଙ୍କ ଗହଳି

    କାଳିଆର ଦେଖ ମେଳି

ମନ୍ଦିରୁ ଆସଇ ଢଳି ଢଳି ପ୍ରଭୁ

 ଘନ କଳା ବନମାଳୀ।

ଟାହିଆ ହଲୁଛି ଚାମର ପଡୁଛି

   ପଡେ ହରି ବୋଲ ଶଦ୍ଦ

ଗହଳି ଭିତରେ ମୁରୁକି ହସୁଛି

   ଚାହିଁଲେ ଖସେ ବିପଦ।

ନିମିଷେ ଦେଖୁଛି ନିମିଷେ ଲୁଚୁଛି

    ବଡ଼ଦାଣ୍ଡ ତାର ଖେଳ

ଭକତ ଦେଖିଲେ ପାପ ଦୂର ଯାଏ

   ଭକ୍ତ ପାଏ ନିଜ ବଳ।

ରଥ ପରେ ବସି ଦର୍ଶନ ଦିଅନ୍ତି

   ବର୍ଷେ ଥରେ ବଡଦାଣ୍ଡେ

ସଭିଙ୍କୁ ଦର୍ଶନ ସଭିଙ୍କ ମଙ୍ଗଳ

   ଶାନ୍ତି ରଖନ୍ତି ବ୍ରହ୍ମାଣ୍ଡେ।

ବଡ଼ଦାଣ୍ଡ ଗୀତ ବଡ଼ଦାଣ୍ଡ ନୃତ୍ୟ

   ମନୋରଞ୍ଜନ ର ଶୋଭା

ଭକ୍ତ ପାଇଁ ସଦା ବରଷକୁ ଥରେ

    ବଡ଼ଦାଣ୍ଡ ହୁଏ ଉଭା।

ଗୋଜାବନ୍ଧ ମହାକାଳପଡ଼ା

କେନ୍ଦ୍ରାପଡ଼ା