ବ୍ଲକ ଟପ୍ପରଙ୍କୁ ପ୍ରଶଂସା ପତ୍ର ପ୍ରଦାନ କରିବ ମୋ ଅନୁଷ୍ଠାନ
ବାଲେଶ୍ଵର,୨୭/୫/୨୪- ଗତକାଲି(୨୬/୫/୨୦୨୪) ହାଇସ୍କୁଲ ପରୀକ୍ଷା ଫଳ ପ୍ରକାଶ ପାଇଛି । ଏହି ଫଳାଫଳରେ ସର୍ବୋଚ୍ଚ ନମ୍ବର ରଖି ଉତ୍ତୀର୍ଣ୍ଣ ହୋଇଥିବା ରାଜ୍ୟର ବିଭିନ୍ନ ବିଦ୍ୟାଳୟ ଟପ୍ପର ମାନଙ୍କୁ ” ମୋ ଅନୁଷ୍ଠାନ ସାହିତ୍ୟ ସଂସଦ “, ଆଳଦା, ଖଇରା, ବାଲେଶ୍ଵର ପୂର୍ବରୁ ପ୍ରଶଂସା ପତ୍ର ପ୍ରଦାନ କରିଛି ଯେଉଁ ମାନଙ୍କ ବାୟୋଡାଟା ହସ୍ତଗତ ହୋଇଥିଲା । ଏବର୍ଷ ମଧ୍ୟ ରାଜ୍ୟର ସମସ୍ତ ବ୍ଲକ ଟପ୍ପର ମାନଙ୍କୁ ପ୍ରଶଂସା ପତ୍ର ପ୍ରଦାନ କରିବା ପାଇଁ ” ମୋ ଅନୁଷ୍ଠାନ ” ନିଷ୍ପତ୍ତି ନେଇଛି । ଯାହା ଅନୁଷ୍ଠାନର ପ୍ରତିଷ୍ଠାତା ଓ ସମ୍ପାଦକ ନରେନ୍ଦ୍ର ପ୍ରସାଦ ବେହେରା ପ୍ରକାଶ କରିଛନ୍ତି । ଏହାର ଉଦ୍ଦେଶ୍ୟ ଶିକ୍ଷା କ୍ଷେତ୍ରରେ ଆଗକୁ ବଢିବା ପାଇଁ ଉତ୍ସାହିତ କରିବା ଏବଂ ଅନୁଷ୍ଠାନ ସୁଦୂର ପ୍ରସାରି ହେବା । ଏହି ନିଶୁକ୍ଳ ସେବା ପ୍ରଦାନ କ୍ଷେତ୍ରରେ ସହଯୋଗ କରିବା ପାଇଁ ରାଜ୍ୟର ସମସ୍ତ ଜିଲ୍ଲା ଶିକ୍ଷାଧିକାରୀ(ଡିଇଓ) ଏବଂ ଜିଲ୍ଲାପାଳଙ୍କୁ ଅନୁରୋଧ କରିଛନ୍ତି ସମ୍ପାଦକ । ପ୍ରକାଶ ଥାଉକି ୨୦୧୯ ମସିହାରେ ” ମୋ ଅନୁଷ୍ଠାନ ସାହିତ୍ୟ ସଂସଦ ” ଗଠିତ ଏବଂ ୨୦୨୦ ମସିହାରେ ସରକାରୀ ପଞ୍ଜିକୃତ ହୋଇ ଗଦ୍ୟ ସାହିତ୍ୟର ଉନ୍ନତି ନିମନ୍ତେ ଆଗେଇ ଚାଲିଛି । ଯାହାର ପଞ୍ଜିକୃତ ନମ୍ବର ୪୦୧୧୨୦୦୦୬୨୪/୨୦୨୦ ଏବଂ ଅନୁଷ୍ଠାନର ଯୋଗାଯୋଗ ନମ୍ବର ୯୮୫୩୧୪୨୫୧୦ ଅଟେ । ଆସନ୍ତୁ ସମସ୍ତେ ମିଳିମିଶି ସହଯୋଗ କରି ଟପ୍ପର ମାନଙ୍କୁ ପ୍ରଶଂସା ପତ୍ର ମାଧ୍ୟମରେ ଉତ୍ସାହିତ କରି ଶିକ୍ଷାକୁ ଆଗେଇ ନେବା । ରାଜ୍ୟର ସମସ୍ତ ସାମ୍ବାଦିକ/ସାମ୍ବାଦିକା, ସାହିତ୍ୟ ବନ୍ଧୁ ଏବଂ ପ୍ରଚାର ପ୍ରସାର କ୍ଷେତ୍ରରେ ସହଯୋଗ କରୁଥିବା ସଂସ୍ଥା ମାନଙ୍କୁ ମଧ୍ୟ ନିବେଦନ କରିଛନ୍ତି ଅନୁଷ୍ଠାନର ପ୍ରତିଷ୍ଠାତା ଓ ସମ୍ପାଦକ । ମୋ ଅନୁଷ୍ଠାନ ପରିବାର ତରଫରୁ ରାଜ୍ୟର ସମସ୍ତ ଉତ୍ତୀର୍ଣ୍ଣ ଛାତ୍ରଛାତ୍ରୀ ମାନଙ୍କୁ ଅଭିନନ୍ଦନ ଓ ଶୁଭେଚ୍ଛା ପ୍ରଦାନ କରିବା ସଙ୍ଗେ ସଙ୍ଗେ ସେମାନଙ୍କ ଚଲାପଥ କୁସୁମିତ ନିମନ୍ତେ ଜଗତରନାଥ ଶ୍ରୀଜଗନ୍ନାଥଙ୍କ ନିକଟରେ ପ୍ରାର୍ଥନା କରାଯାଇଛି । ଯେଉଁ ମାନଙ୍କ ବାୟୋଡାଟା ହସ୍ତଗତ ହେବ ସେମାନଙ୍କୁ ନିଶ୍ଚିତ ଭାବେ ଏହି ନିଶୁକ୍ଳ ପ୍ରଶଂସା ପତ୍ର ପ୍ରଦାନ କରାଯିବ । ପ୍ରଶଂସା ପତ୍ର ପ୍ରସ୍ତୁତି ପରେ କେବେ କେଉଁ ଦିନ କେଉଁଠି କି ପ୍ରକାର ପ୍ରଦାନ କରାଯିବ ସୂଚନା ମାଧ୍ୟମରେ ସମସ୍ତଙ୍କୁ ଜଣାଇ ଦିଆଯିବ । ବାୟୋଡାଟା ସଂଗ୍ରହର ସମୟସୀମା ଆସନ୍ତା ତା ୦୫/୬/୨୪ ରିଖ ପର୍ଯ୍ୟନ୍ତ ରଖାଯାଇଛି । ତେଣୁ ବିଳମ୍ବ ନ କରି ଖୁବ୍ ଶୀଘ୍ର ମୋବାଇଲ ନମ୍ବର ୯୮୫୩୧୪୨୫୧୦ କୁ ବାୟୋଡାଟା ପଠାଇ ଯୋଗାଯୋଗ କରିବା ହୁଅନ୍ତୁ ।।
ବାଲେଶ୍ଵରରୁ ନରେନ୍ଦ୍ର ପ୍ରସାଦ ବେହେରାଙ୍କ ରିପୋର୍ଟ
