ମେଗା ରକ୍ତଦାନ ଶିବିର ଅନୁଷ୍ଠିତ, ୬୩ ୟୁନିଟ୍ ରକ୍ତ ସଂଗ୍ରହ
ବାଲେଶ୍ଵର,୧୨/୬/୨୪- ବାଲେଶ୍ଵର ଜିଲ୍ଲା ଖଇରା ବ୍ଲକ ନୟାଖଣ୍ଡି ପଞ୍ଚାୟତ ସୁନ୍ଦରପୁର ହାଇସ୍କୁଲ ପରିସରରେ ମେଗା ରକ୍ତଦାନ ଶିବିର ଅନୁଷ୍ଠିତ ହୋଇଯାଇଛି । ସୁନ୍ଦରପୁର ରଜ ମହୋତ୍ସବ କମିଟି ଏବଂ ଓଡିଶା ବ୍ଲଡ଼ ସେଣ୍ଟର ବାଲେଶ୍ଵରର ମିଳିତ ଉଦ୍ୟମରେ ଅନୁଷ୍ଠିତ ଶିବିରରେ ମୋଟ ୬୩ ୟୁନିଟ୍ ରକ୍ତ ସଂଗ୍ରହ ହୋଇଥିଲା । ଡାକ୍ତର ଲକ୍ଷ୍ମୀ ଏବଂ ତାଙ୍କର ଷ୍ଟାଫ୍ ମାମୁନି ମଲ୍ଲିକ, ବିଜୟ କୁମାର ପଟ୍ଟନାୟକ, ଜଗନ୍ନାଥ ପଣ୍ଡା, ବିନୋଦ ବିହାରୀ ଦାସ, ବିଦ୍ଯାଧର ସାହୁ ପ୍ରମୁଖ ବ୍ଲଡ଼ ସଂଗ୍ରହ କାର୍ଯ୍ୟରେ ନିୟୋଜିତ ଥିଲେ । ରକ୍ତଦାତା ମାନେ ସ୍ବେଚ୍ଛାକୃତ ଭାବେ କେନ୍ଦ୍ରକୁ ଆସି ରକ୍ତଦାନ କରିଥିଲେ । ଏଥିରେ ମହୋତ୍ସ ବକମିଟି ସଭାପତି ସୁରେନ୍ଦ୍ର ପ୍ରସାଦ ରାଉତ ସମ୍ପାଦକ ଚନ୍ଦ୍ରକାନ୍ତ କୁଅଁର, ମିଡିଆ ସଂଯୋଜକ ପ୍ରଭାତ କୁମାର ନାୟକ,ସଭ୍ୟ ଦାମୋଦର ମହାନ୍ତି, ପିତାମ୍ବର ନାୟକ, ବାବାଜୀ ଚରଣ ପଣ୍ଡା, ଲକ୍ଷ୍ମୀଧର ସ, ସହ- ସମ୍ପାଦକ ତପନ କୁମାର ସ ଏବଂ ସଭ୍ଯା ତଥା ସମାଜସେବୀ କୁଞ୍ଜଲତା ମାହୁନ୍ତ, କମିଟିର ସଦସ୍ୟ/ସଦସ୍ୟା ଏବଂ ମା’ ତାରିଣୀ ୟୁଥ୍ କ୍ଲବର ସମସ୍ତ ସଦସ୍ୟ ମାନେ ଶିବିର ପରିଚାଳନାରେ ପୂର୍ଣ୍ଣ ସହଯୋଗ କରିଥିଲେ । ଶେଷରେ ଡାକ୍ତରଙ୍କ ଦ୍ବାରା ପିତାମ୍ବର ନାୟକଙ୍କୁ ଟ୍ରଫି ଓ ସାର୍ଟିଫିକେଟ ପ୍ରଦାନ କରାଯାଇଥିଲା ।।
ବାଲେଶ୍ଵରରୁ ନରେନ୍ଦ୍ର ପ୍ରସାଦ ବେହେରାଙ୍କ ରିପୋର୍ଟ
