ସମ୍ପୂର୍ଣ୍ଣତା ଅଭିଯାନ ଉଦଘାଟନ ଉତ୍ସବ ପାଳନ
ଡାବୁଗାଁ, ୪/୭ (ମ.ନି.ସ.)- ନବରଙ୍ଗପୁର ଜିଲା ଡାବୁଗାଁ ବ୍ଲକ କାର୍ଯ୍ୟ|ଳୟ ପରିସରରେ ସମ୍ପୂର୍ଣ୍ଣତା ଅଭିଯାନ ଉଦଘାଟନ ଉତ୍ସବ ବ୍ଲକ ଅଧ୍ୟକ୍ଷା ବୀଣା ମାଝିଙ୍କ ଅଧ୍ୟକ୍ଷତାରେ ପାଳିତ ହୋଇଯାଇଛି | ଏଥିରେ ପ୍ରଥମେ ଡାବୁଗାଁ ସରକାରୀ ପଞ୍ଚାୟତ ଉଚ୍ଚ ବିଦ୍ୟାଳୟରୁ ଏକ ରାଲି 
ବାହାରି ବ୍ଲକ କାର୍ଯ୍ୟ|ଳୟ ଠାରେ ପହଞ୍ଚିଥିଲା | ପରେ ଅତିଥି ମାନଙ୍କ ଦ୍ଵାରା ବିଭିନ୍ନ ବିଭାଗର ଷ୍ଟଲ ଗୁଡିକ ଉଦଘାଟନ କରଯାଇଥିଲା | ପରେ ଶପଥ ପାଠ ହୋଇଥିଲା | ଏହି କାର୍ଯ୍ୟକ୍ରମର ମୁଖ୍ୟ ଉଦ୍ଦେଶ୍ୟ ହେଲା:- ଗର୍ଭବତୀ ମହିଳା ମାନଙ୍କର ସଠିକ ସମୟରେ ଯାଞ୍ଚ ଓ ପୁଷ୍ଟିକର ପୋଷଣ ପ୍ରାପ୍ତ କରାଇବା, ସମସ୍ତ ଶିଶୁଙ୍କୁ ସଂପୂର୍ଣ୍ଣ ଟୀକାକରଣ, ୩୦ ବର୍ଷରୁ ଊର୍ଦ୍ଧ୍ଵ ସମସ୍ତ ଲୋକ ମାନଙ୍କର ମଧୁମେହ ଓ ରକ୍ତଚାପର ଯାଞ୍ଚ କରାଯିବା, ସମସ୍ତ କୃଷକଙ୍କୁ ମୃତ୍ତିକା ସ୍ୱାସ୍ଥ୍ୟ କାର୍ଡ ବଣ୍ଟନ, ସମସ୍ତ ସ୍ଵୟଂ ସହାୟକ ଗୋଷ୍ଠୀକୁ ଆବର୍ତ୍ତି କାଳୀନ ପାଣ୍ଠି ଯୋଗାଇ ଦେବା, ବିଦ୍ୟାଳୟ ମାନଙ୍କରେ ସମସ୍ତ ଅତ୍ୟାବଶ୍ୟକୀୟସୁବିଧା ଉପଲବ୍ଧ କରାଇବା ଆଦି ୬ ଗୋଟି କାର୍ଯ୍ୟକ୍ରମ ଆସନ୍ତା ସେପ୍ଟେମ୍ବର ୩୦ ତାରିଖ ସୁଦ୍ଧା ଶତ ପ୍ରତିଶତ ସଂପୂର୍ଣ୍ଣ କରିବା ନିମନ୍ତେ ସମ୍ପୂର୍ଣ୍ଣତା ଅଭିଯାନ ର ଆରମ୍ଭ ହୋଇଛି | 
ଏହି କାର୍ଯ୍ୟକ୍ରମ ରେ ମୁଖ୍ୟ ଅତିଥି ଭାବେ ଡାବୁଗାଁ ବିଧାୟକ ମନୋହର ରନ୍ଧାରୀ, ଜିଲା ଯୋଜନା ଉପନିର୍ଦ୍ଦେଶକ ଐଶ୍ଵର୍ଯ୍ୟ ଭଞ୍ଜ, ନୀତି ଆୟୋଗ ର ପ୍ରତିନିଧି ପିରାମିଡ ଫାଉଣ୍ଡେସନ ର କାର୍ଯ୍ୟକ୍ରମ ପରିଚାଳକ ବିକ୍ରମ ପଣ୍ଡା, ଜିଲା ପରିଷଦ ସଭ୍ୟ ଧନସିଂ ଭତ୍ରା ଓ ଗୁପ୍ତ ବିଶୋଇ, ସାଂସଦ ପ୍ରତିନିଧି ଜେ. ରାଜଶେଖର ରାଓ, ବିଡିଓ ଶରତ ମାଝି ପ୍ରମୁଖ ମଞ୍ଚାସୀନ ଥିଲେ | ଶେଷରେ ୫ ଟି ସ୍ଵୟଂ ସହାୟକ ଗୋଷ୍ଠୀକୁ ୧୫ ହଜାର ଟଙ୍କା ଲେଖାଏଁ ଆବର୍ତ୍ତି କାଳୀନ ପାଣ୍ଠି ପ୍ରଦାନ, ୫ ଜଣ ଚାଷୀ ଙ୍କୁ ମୃତ୍ତିକା ସ୍ୱାସ୍ଥ୍ୟ କାର୍ଡ ବଣ୍ଟନ, ଚିତ୍ରାଙ୍କନ ପ୍ରତିଯୋଗୀତାରେ କୃତକାର୍ଯ୍ୟ ପ୍ରତିଯୋଗୀ ମାନଙ୍କୁ ପୁରସ୍କୃତ କରାଯାଇଥିଲା | ଶେଷରେ ସଂସ୍କୃତିକ କାର୍ଯ୍ୟକ୍ରମ ପରିବେଷଣ କରାଯାଇଥିଲା | ଉକ୍ତ କାର୍ଯ୍ୟକ୍ରମକୁ ଗ୍ରାମ ପଞ୍ଚାୟତ ଉନ୍ନୟନ ଅଧିକାରୀ ପଦ୍ମନାଭ ଭାଲ୍ଲା ଓ ପଞ୍ଚାୟତ ନିର୍ବାହୀ ଅଧିକାରୀ ଏ.ଡି ପ୍ରସାଦ ପରିଚାଳନା କରିଥିବା ବେଳେ ବ୍ଲକ ଓ ଆଇସିଡିଏସ ଅଧିକାରୀ ଓ କର୍ମଚାରୀ ମାନେ ସହଯୋଗ କରିଥିଲେ |
ଡାବୁଗାଁରୁ ପ୍ରଜ୍ଞାରଞ୍ଜନ ପରିଡାଙ୍କ ରିପୋର୍ଟ
