ଭବାନୀପାଟଣାଠାରେ “ହରଘର ତ୍ରିରଙ୍ଗା” କାର୍ଯକ୍ରମ ନିମନ୍ତେ ପ୍ରସ୍ତୁତି ବୈଠକ
ଭବାନୀପାଟଣା ତା ୦୯.୦୮.୨୦୨୪ – ସ୍ଵାଧୀନତାର ୭୮ତମ ପର୍ବ ପାଳନ ଅବସରରେ ଏବଂ ଆଜାଦି କା ଅମୃତ ମହୋତ୍ସବ ପରିପ୍ରେକ୍ଷୀ ରେ ଆସନ୍ତା ୧୩ ତାରିଖ ରୁ ୧୫ ତାରିଖ ପର୍ଯନ୍ତ ତିନି ଦିନ ଧରି ହର ଘର ତ୍ରିରଙ୍ଗା କାର୍ଯକ୍ରମ ସାରା ଦେଶରେ ପାଳନ କରାଯିବ । ଏହି ଅବସର ରେ ରାଜ୍ୟସ୍ତରୀୟ ଆଭାଷୀ ମାଧ୍ୟମରେ ଅନୁଷ୍ଠିତ ନିର୍ଦ୍ଦେଶ ଅନୁଯାୟୀ କଳାହାଣ୍ଡି ଜିଲ୍ଲା , ବ୍ଲକ ଓ ପଞ୍ଚାୟତ ସ୍ତରରେ “ହର ଘର ତ୍ରିରଙ୍ଗା” କାର୍ଯକ୍ରମ ମହା ଆଡମ୍ବର ସହକାରେ ପାଳନ କରାଯିବା ।
ଏହି ଅବସର ରେ ଆଜି ସ୍ଥାନୀୟ ଜିଲ୍ଲାପରିଷଦ କଳାହାଣ୍ଡି ସ୍ଥିତ ସି.ଡି.ଓ ଙ୍କ କାର୍ଯ୍ୟାଳୟ ପ୍ରକୋଷ୍ଠରେ ସି.ଡି.ଓ ଦୟାମୟ ପାଢଙ୍କ ଅଧ୍ୟକ୍ଷତାରେ ଏକ ପ୍ରସ୍ତୁତି ବୈଠକ ଅନୁଷ୍ଠିତ ହୋଇଯାଇଅଛି । ଭବାନୀପାଟଣାରେ ଆସନ୍ତା ୧୩.୦୮.୨୦୨୪ ରିଖ ଦିନ ପ୍ରଦୋଷ ୭.୩୦ ମି ସମୟରେ ଏକ ବିଶାଳ ଶୋଭାଯାତ୍ରା ତ୍ରିରଙ୍ଗା ସହ ସ୍ଲୋଗାନ ଓ ଦେଶାତ୍ମବୋଧକ ସଙ୍ଗୀତ ସହ ରିଜର୍ଭ ପୋଲିସ ପଡିଆରେ ପହଞ୍ଚିବ । ଶୋଭାଯାତ୍ରାରେ ସ୍କୁଲ କଲେଜ ଛାତ୍ର ଛାତ୍ରୀ , ଜନ ପ୍ରତିନିଧି , ଏସ.ଏଚ.ଜି ମା , ପି. ଆର. ଆଇ ସଦସ୍ୟ , ଅଙ୍ଗନବାଡୀ କର୍ମୀ , ସରକାରୀ ଅଧିକାରୀ , ବିଭିନ୍ନ ଅନୁଷ୍ଠାନ ସଭ୍ୟ ମାନେ ଅଂଶ ଗ୍ରହଣ କରିବେ । ଶୋଭାଯାତ୍ରା ରେ ଏକ ଭ୍ରାମ୍ୟମାଣ ରଥ ସହ ମୋଟର ସାଇକେଲ ରାଲି ଅଂଶ ଗ୍ରହଣ କରିବେ । ରିଜର୍ଭ ପଡିଆ ରେ ତ୍ରିରଙ୍ଗା ଶପଥ , ତ୍ରିରଙ୍ଗା କାନଭାସ , ତ୍ରିରଙ୍ଗା ସମ୍ମାନ,ତ୍ରିରଙ୍ଗା ସେଲଫି ସହ ଦେଶାତ୍ମବୋଧକ ସଙ୍ଗୀତ ଓ ନୃତ୍ୟ କାର୍ଯ୍ୟକ୍ରମ ଅନୁଷ୍ଠିତ ହେବ । ଗ୍ରାମ ଓ ସହରର ପ୍ରତ୍ଯେକ ଘର ମାନଙ୍କରେ ତ୍ରିରଙ୍ଗା ଜାତୀୟ ପତାକା ଉଡାଇବାକୁ ଆବଶ୍ୟକ ତ୍ରିରଙ୍ଗା ପ୍ରସ୍ତୁତ କରାଯାଉଛି । ଜିଲ୍ଲାରେ ପ୍ରାୟ ୧,୪୯,୫୦୦ ତ୍ରିରଙ୍ଗା ମିଶନ ଶକ୍ତି ମା ମାନଙ୍କ ଦ୍ଵାରା ପ୍ରସ୍ତୁତ କରାଯାଉଛି।ଜାତୀୟ ଏକତା ଓ ଦେଶ ପ୍ରୀତି ପରି ଏକ ମହାନ ପରମ୍ପରା କୁ ବଜାୟ ରଖିବା ପାଇଁ ଏହି କାର୍ଯ୍ୟକ୍ରମ ଅନୁଷ୍ଠିତ ହେଉଛି ।
ବୈଠକ ରେ ଭାରପ୍ରାପ୍ତ ଉପଜିଲ୍ଲାପାଳ , ଭବାନୀପାଟଣା, ଡି.ଆଇ.ପି.ଆର.ଓ, ଇ. ଓ ପୌରପରିଷଦ , ବି. ଡି. ଓ , ଭବାନୀପାଟଣା , ଡି. ପି. ସି ମିଶନ ଶକ୍ତି , ଡି ପି ଏମ , ଓ ଏଲ ଏମ,ଡି.ଏସ.ଡବ୍ଲୁ .ଓ,ପି ଏମ , ପି ଏମ ଆର୍ ଏଚ ଓ ଅନ୍ୟ ଅଧିକାରୀ ମାନେ ଉପସ୍ଥିତ ଥିଲେ ।
ବିଷ୍ଣୁ ଚରଣ ସ୍ୱାଇଁ ଙ୍କ ରିପୋର୍ଟ୍
