ପ୍ରତିଭା ପରିବାର ତରଫରୁ ସ୍ବର୍ଗତ ରବିବାରନାରାୟଣ ପାଣିଗ୍ରାହୀଙ୍କ ସ୍ମୃତିଚାରଣ ସଭା
ଖଇରା,୧୮/୮/୨୪- ବାଲେଶ୍ଵର ଜିଲ୍ଲା ଖଇରା ” ପ୍ରତିଭା ପରିବାର ” ତରଫରୁ ଡାକ୍ତର ସ୍ବର୍ଗତ ରବିନାରାୟଣ ପାଣିଗ୍ରାହୀଙ୍କ ସ୍ମୃତିଚାରଣ ସଭା ଖଇରା ପଞ୍ଚାୟତ ଛକ ନିକଟ ଡାକ୍ତର ହରେକୃଷ୍ଣ ରାଉତଙ୍କ କ୍ଲିନିକ୍ ପରିସରରେ ଅନୁଷ୍ଠିତ ହୋଇଯାଇଛି । ସଭାପତି ବୁଦ୍ଧିରାମ ପାଣିଗ୍ରାହୀଙ୍କ ସଭାପତିତ୍ବରେ ସ୍ମୃତିଚାରଣ ସଭା ଅନୁଷ୍ଠିତ ହୋଇଥିଲା । ଏଥିରେ ପ୍ରଶାନ୍ତ କୁମାର ଦାସ, ଚନ୍ଦ୍ର ଶେଖର ପଣ୍ଡା, ଦୀନବନ୍ଧୁ ଦାଶ, ପିତାମ୍ବର ପତି, ଡାକ୍ତର ହରେକୃଷ୍ଣ ରାଉତ, ରଘୁନାଥ ପତ୍ରୀ, ଗୟାଧର ହାତୀ ଓ ନରେନ୍ଦ୍ର ପ୍ରସାଦ ବେହେରା ପ୍ରମୁଖ ପ୍ରତିଭା ପରିବାରର ସଭ୍ୟ ଏବଂ ପଦପଦବୀଧାରୀ ମାନେ ଅଂଶ ଗ୍ରହଣ କରି ସ୍ମୃତିଚାରଣ କରିଥିଲେ । ସମସ୍ତେ ସ୍ବର୍ଗତ ଡାକ୍ତର ରବିନାରାୟଣ ପାଣିଗ୍ରାହୀ ବିଷୟରେ ନିଜ ନିଜର ମତବ୍ୟକ୍ତ କରିଥିଲେ । ସେଥି ମଧ୍ୟରୁ ଅମର ଆତ୍ମା, ଅନୁଷ୍ଠାନ ପ୍ରେମୀ, ପ୍ରତିଭା ପରିବାରର ବରିଷ୍ଠ ପରିଜନ ଓ ଆଧୁନିକ ଯୁଗର ଶୁଶ୍ରୂତ ବୋଲି ରଘୁନାଥ ପତ୍ରୀ କହିଥିବା ବେଳେ ଦୀନବନ୍ଧୁ ଦାଶ ସ୍ବର୍ଗତ ପାଣିଗ୍ରାହୀଙ୍କୁ ଦୁର୍ଲଭ ମଣିଷ ବୋଲି କହିଥିଲେ । ଈଶ୍ୱରସମ ବ୍ଯକ୍ତିତ୍ବ, କଥାରେ ଅଧେ ରୋଗ ଭଲ ହୋଇଯାଏ, ଏହା ଅପୂରଣୀୟ କ୍ଷତି ବୋଲି କମଳେଶ ଦାସ କହିଥିଲେ । ସେବାର ପଟାନ୍ତର ନାହିଁ ବୋଲି ରମାକାନ୍ତ ଶତପଥୀ କହିଥିଲେ । ସର୍ବଜନ ପରିଚିତ, ଆଦର୍ଶ ଚିକିତ୍ସକ, ବିନା ଅର୍ଥରେ ଲୋକଙ୍କୁ ସେବା ଯୋଗାଉଥିଲେ ଯାହା ଚିକିତ୍ସକଙ୍କ ମଧ୍ୟରେ ବ୍ଯତିକ୍ରମ ବୋଲି ଡାକ୍ତର ହରେକୃଷ୍ଣ ରାଉତ କହିଥିଲେ । ମନର ଯନ୍ତ୍ରଣା – ଆଧି, ଶରୀର ଯନ୍ତ୍ରଣା – ବ୍ଯାଧି, ଜନ୍ମମାଟିର ମୋହ ତାଙ୍କୁ ଘାରିଥିଲା, ସେ ଜଣେ ପିତାମାତାଙ୍କର ଶ୍ରେଷ୍ଠ ସନ୍ତାନ, ପରିବେଶବିତ୍ତ୍ ଓ ତାଙ୍କ ପରିବାର ଅନ୍ୟମାନେ ମଧ୍ୟ ଡାକ୍ତର ଅଛନ୍ତି ବୋଲି ବୁଦ୍ଧିରାମ ପାଣିଗ୍ରାହୀ କହିଥିଲେ । ୭୮ ବର୍ଷ ବୟସରେ ବାର୍ଦ୍ଧକ୍ୟ ଜନିତ ମୃତ୍ୟୁ ହୋଇଛି ତାଙ୍କର । ବାଲେଶ୍ଵର ଜିଲ୍ଲା ଔପଦା ବ୍ଲକ ଫତେପୁର ପଞ୍ଚାୟତ ପାଇକପଡା ଶାସନ ଜନ୍ମ ମାଟି ହୋଇଥିଲେ ହେଁ ଭଦ୍ରକ ସହର ଥିଲା ବାସସ୍ଥାନ । ନର୍ସିଂହୋମ ଖୋଲି ଅନେକ ଲୋକଙ୍କୁ ଉତ୍ତମ ସେବା ପ୍ରଦାନ କରୁଥିଲେ । ଖଇରା ମେଡ଼ିକାଲରେ ଥିବା ବେଳେ ତାଙ୍କ ଚିକିତ୍ସାରେ ଲୋକମାନେ ଉପକୃତ ହେଉଥିଲେ । ତାଙ୍କର ବିଧଵା ପତ୍ନୀ ସମେତ ୧ ପୁଅ ଓ ୧ ଝିଅ ଅଛନ୍ତି । ତାଙ୍କ ମୃତ୍ୟୁରେ ସମାଜରେ ଅପୂରଣୀୟ କ୍ଷତି ହୋଇଥିବା ଅଞ୍ଚଳବାସୀଙ୍କ ଠାରୁ ଖବର ସଂଗ୍ରହରୁ ଜଣାଯାଇଛି ।।
ବାଲେଶ୍ଵର ଖଇରାରୁ ନରେନ୍ଦ୍ର ପ୍ରସାଦ ବେହେରାଙ୍କ ରିପୋର୍ଟ
