ଜମିବାଡିକୁ କେନ୍ଦ୍ର କରି ଗଣ୍ଡଗୋଳ, ୨ ଗିରଫ
ଡାବୁଗାଁ, ୩୦/୮ (ମ.ନି.ସ.)- ନବରଙ୍ଗପୁର ଜିଲା ଡାବୁଗାଁ ଥାନା ପୋଲିସ ଜମିବାଡି କୁ କେନ୍ଦ୍ର କରି ଗଣ୍ଡଗୋଳ ଅଭିଯୋଗରେ ୨ ଜଣଙ୍କୁ ପୋଲିସ ଗିରଫ କରି ଶୁକ୍ରବାର କୋର୍ଟ ଚାଲାଣ କରିଛି | ସୂଚନାଯୋଗ୍ୟ:- ଡାବୁଗାଁ ଥାନା 
ଅଧୀନ ଚାଟିଗୁଡା ଗ୍ରାମ ରେ ୧୧.୮.୨୪ ଦିନ ପୂର୍ବାହ୍ନରେ ଚାଟିଗୁଡା ଲକି ଗୌଡ (୨୯) ଓ ଚନ୍ଦ୍ର ଗୌଡ (୨୪) ଗ୍ରାମରେ ନିଜ ମାଉସୀ ଘରକୁ ଯାଇ ଜମିବାଡିକୁ କେନ୍ଦ୍ର କରି ମାଉସୀ ର ପୁଅ ଶିବ ଗୌଡ ଙ୍କ ସହ ପାଟିତୁଣ୍ଡ କରି ମାଡ ମାରିଥିଲେ | ସେହି ସମୟରେ ଶିବ ଗୌଡ ଙ୍କ ମା ଓ ଭାଇ ଛଡା ଛାଡି କରିବାରୁ ତାଙ୍କୁ ମଧ୍ୟ ମାଡ ମାରିଥିଲେ ଏଥିରେ ଶିବ ର ମୁଣ୍ଡ ଫାଟି ଯାଇ ଆହତ ହୋଇଥିଲେ | ପରେ ୧୨.୮.୨୪ ଦିନ ଏନେଇ ଶିବ ଗୌଡ ଡାବୁଗାଁ ଥାନାରେ ଏତଲା ଦେଇଥିଲେ | ଉକ୍ତ ଏତଲାକୁ ଭିତ୍ତି କରି ଥାନା ଏଏସଆଇ ଗୋପାଳକୃଷ୍ଣ ହାଲୱା ଘଟଣାର ତଦନ୍ତ କରି ଲକି ଗୌଡ ଓ ତାର ଭାଇ ଚନ୍ଦ୍ର ଗୌଡ ଙ୍କୁ ଶୁକ୍ରବାର ଗିରଫ କରି କୋର୍ଟ ଚାଲାଣ କରିଛି | ଏନେଇ ଥାନା କେସ ନଂ ୧୫୬/୨୪ ରେ ଏକ ମାମଲା ରୁଜୁ କରାଯାଇଛି |
ଡାବୁଗାଁରୁ ପ୍ରଜ୍ଞାରଞ୍ଜନ ପରିଡାଙ୍କ ରିପୋର୍ଟ
