୩ମାସର ଚାଉଳ ପାଇଁ ବିଡ଼ିଓଙ୍କ ଦ୍ୱାରସ୍ତ ସରପଞ୍ଚ ଓ ହିତାଧିକାରୀ
ଆଜି ୧୦ ଘଣ୍ଟାରେ ପଞ୍ଚାୟତ ରୁ ଚାଉଳ ନ ପାଇ ଫେରିଲେ ହୀତାଧିକାରୀ।
ନବରଙ୍ଗପୁର:(ତା ୧|/୦୯)(ରବି ନାରାୟଣ ମହାନ୍ତି)-ହିତାଧିକାରୀଙ୍କୁ ପ୍ରତିମାସରେ ମୁଣ୍ଡପିଛା ପାଞ୍ଚ କିଲୋ ଚାଉଳ ଯୋଗେଇ ଦେବା ପାଇଁ ସରକାର ଖାଦ୍ୟ ସୁରକ୍ଷା ଯୋଜନା କରିଛନ୍ତି |ହେଲେ ବିଭାଗୀୟ ଅଧିକାରୀ ମାନଙ୍କ ଅବହେଳା ଯୋଗୁଁ ମାସ ମାସ ଧରି ହିତାଧିକାରୀ ଚାଉଳ ପାଇବାରୁ ବଞ୍ଚିତ ରହୁଛନ୍ତି |ଏଭଳି ଏକ ଘଟଣା ଦେଖିବାକୁ ମିଲିଛି ନବରଙ୍ଗପୁର ଜିଲ୍ଲା ଝରୀଗାଁ ବ୍ଲକର ଇଚ୍ଛାପୁର ପଞ୍ଚାୟତରେ |ପଞ୍ଚାୟତର ସରପଞ୍ଚ ଜଗଦୀଶ ମାଝୀଙ୍କ କହିବା ପ୍ରକାରେ ତାଙ୍କ ପଞ୍ଚାୟତର ଇଚ୍ଛାପୁର, ଢ଼େପଗୁଡା, କାଦମଳି, କର୍ଲାପଡା, ସିନ୍ଧିପଡା ଓ ଆଦିବାସୀ ପଡାର ପାଖାପାଖି ଶତାଧିକ ହିତାଧିକାରୀ ୩ମାସ ରୁ ୬ମାସର ଚାଉଳ ପାଇବାରୁ ବଞ୍ଚିତ ରହିଛନ୍ତି |ପଞ୍ଚାୟତ ସମିତି ବୈଠକରେ ମଧ୍ୟ ସରପଞ୍ଚ ୩ମାସର ଚାଉଳ ମିଳିନଥିବା ଅଭିଯୋଗ ଉଠେଇଥିଲେ l ମଞ୍ଚାସିନ ଅଧିକାରୀମାନେ ଅତିଶୀଘ୍ର ଚାଉଳ ପ୍ରଦାନ କରାଯିବା ନେଇ ପ୍ରତିଶୃତି ପ୍ରଦାନ କରିଥିଲେ |ହେଲେ ଦୀର୍ଘଦିନ ପରେ ମଧ୍ୟ ହିତାଧିକାରୀଙ୍କୁ ଚାଉଳ ନ ବଣ୍ଟାଯିବାରୁ ଗତ କାଲି ସରପଞ୍ଚ ବାଧ୍ୟହୋଇ ହିତାଧିକାରୀ ମାନଙ୍କୁ ସାଙ୍ଗରେ ଧରି ବ୍ଲକ କାର୍ଯାଳୟରେ ପହଂଚି ବ୍ଲକ ପିଣ୍ଡାରେ କାର୍ଡ ଧରି ଧାରଣା ଦେଇଥିବା ଦେଖିବାକୁ ମିଳିଥିଲା l ପରେ ଅପରାହ୍ନ ସୁଦ୍ଧା ଚାଉଳ ମିଳିବ ବୋଲି ବିଡିଓ ଓ ଯୋଗାଣ ଅଧିକାରୀ କହିଥିବା ବେଳେ ମାତ୍ର ୧୮ ବସ୍ତା ପହଂଚି ଥିଲା,ଆଜି ୧୦ ଘଣ୍ଟାରେ ଏତିକି ଚାଉଳ କାହାକୁ ବଣ୍ଟାଯିବ ବୋଲି ବଣ୍ଟା ନ ଯାଇ ସ୍ଥଗିତ ରହିଛି l ଚାଉଳ କେହି ପାଇ ନାହାଁନ୍ତି l
ମସିହା ନିୟୁଜ୍ ସର୍ଭିସ୍
