ପଟ୍ଟା ଜାଗାରେ ନିର୍ମାଣ ଚାଲିଛି ମିଶନ ଶକ୍ତି ଗୃହ |ଅଭିଯୋଗ କଲେ ଜମି ମାଲିକକୁ ମିଲୁଛି ଧମକ
ନବରଙ୍ଗପୁର (ତା ୦୫/୦୯)(ରବି ନାରାୟଣମହାନ୍ତି)-ନବରଙ୍ଗପୁର ଜିଲ୍ଲାର ଝରୀଗାଁ ବ୍ଲକ ଏକ ଆଦିବାସୀ ଅଧ୍ୟୁଷିତ ଅଞ୍ଚଳ ହୋଇଥିବା ବେଳେ, ଏଠାରେ ବସବାସ କରୁଥିବା ଆଦିବାସୀ ମଧ୍ୟ ଅତି ନିରୀହ ଓ ସରଳ |ଏହି ସରଳତାର ଲାଭ ଉଠାଉଛନ୍ତି ସ୍ଥାନୀୟ ଠିକାଦାର, ବିଭାଗୀୟ ଯନ୍ତ୍ରୀ ଓ ପ୍ରତିଷ୍ଠିତ ବ୍ୟକ୍ତିମାନେ |ଏହାର ଏକ ଜ୍ୱଳନ୍ତ ଉଦାହରଣ ପାଲଟିଛି ଝରିଗାଁ ବ୍ଲକ ଭାଲୁକନାଡି ପଂଚାୟତ ଅନ୍ତର୍ଗତ କସ୍ତୁରୀଆ ପଡା ଠାରେ |ଗ୍ରାମର ଜଣେ ପଟ୍ଟାଧାରୀ ବ୍ୟକ୍ତିଙ୍କ ପଟ୍ଟା ଜମି ଉପରେ ନିର୍ମାଣ ହେଉଛି ଆମ ଓଡିଶା ନବୀନ ଓଡିଶାର ମିଶନ ଶକ୍ତି ଗୃହ |ପଟ୍ଟାଧାରୀ ବ୍ୟକ୍ତି ଏଇଟା ମୋର ପଟ୍ଟା ଜମି ବୋଲି ଅଭିଯୋଗ କଲେ ମିଳୁଛି ଜୀବନରେ ମାରିଦେବାର ଧମକ |ଗ୍ରାମର ଡମ୍ବରୁ ସାନ୍ତାଙ୍କ ପୁଅ ଧନସାଇ ସାନ୍ତା (୫୦)ଙ୍କ ନାମରେ ଚଚା ମୌଜାରେ ରହିଛି ୦. ୪୧ସେଣ୍ଟ ଜମି, ଯାହାର ଖାତା ନମ୍ବର ୧୯ରହିଥିବା ବେଳେ ପ୍ଲଟ ନମ୍ବର ୧୬୯ ରହିଛି |ହେଲେ ଏହି ପଟ୍ଟା ଜମି ଉପରେ ଉଭୟ ଠିକାଦାର ସନ୍ତୋଷ ମହାନ୍ତି ଓ ବିଭାଗୀୟ ଯନ୍ତ୍ରୀ ରାମ ବେହେରାଙ୍କ ମଧୁ ଚନ୍ଦ୍ରିକାରେ ଠିଆ ହେଉଛି ମିଶନ ଶକ୍ତି ଗୃହ |ଏନେଇ ଜମି ମାଲିକ ଉଭୟ ବିଡିଓ ଓ ତହସିଲଦାରଙ୍କୁ ଅଭିଯୋଗପତ୍ର ମଧ୍ୟ ପ୍ରଦାନ କରି ତଦନ୍ତର ଦାବୀ କରିଆସୁଥିଲେ ମଧ୍ୟ ତଦନ୍ତ ହେଉନଥିବା ସେ ଅଭିଯୋଗ କରିଛନ୍ତି |ବ୍ଲକରେ ଏମିତି ବେନିୟମ ଭାବେ କେତେ ଯେ କୋଠା ଗଢି ଉଠିଥିବ ତାର ହିସାବ ହି ନାହିଁ |ନିରୀହ ଆଦିବାସୀ ମାନେ ପ୍ରାଣ ଭୟରେ ମୁହଁ ନଖୋଲି ଚୁପ ରହୁଛନ୍ତି, ଯାହାର ଫାଇଦା ଉଠାଉଛନ୍ତି, ଯନ୍ତ୍ରୀ, ଠିକାଦାର ଓ ପ୍ରତିଷ୍ଠିତ ବ୍ୟକ୍ତି |ବର୍ତ୍ତମାନ ଦେଖିବାକୁ ବାକି ରହିଲା ପ୍ରଶାସନ ଏହି ବେନିୟମ ଭାବେ ନିର୍ମାଣ ହେଉଥିବା କୋଠାକୁ ଭାଙ୍ଗୁଛି ନା ଆଉ କଣ ପଦକ୍ଷେପ ନେଉଛି |
ମସିହା ନିୟୁଜ୍ ସର୍ଭିସ୍
