ଚୋରୀ କରିବା ଅଭିଯୋଗରେ ୩ ଯୁବକ ଗିରଫ
ଡାବୁଗାଁ, ୨୫/୯ (ମ.ନି.ସ.)- ନବରଙ୍ଗପୁର ଜିଲା ଡାବୁଗାଁ ଥାନା ପୋଲିସ ଚୋରୀ ଅଭିଯୋଗରେ ୩ ଜଣ ଯୁବକ ଙ୍କୁ ବୁଧବାର ଗିରଫ କରି କୋର୍ଟ ଚାଲାଣ କରିଛି | ସୂଚନାଯୋଗ୍ୟ:- ୨୦/୯/୨୪ ଦିନ ରାତିରେ ଡାବୁଗାଁ ଥାନାର ଶିଂସାରି ଫାଣ୍ଡି ଅଧୀନ ଓଲମାଗୁଡା ଗ୍ରାମ ଛକରେ ଥିବା ଏକ ମୋବାଇଲ ଦୋକାନର ସଟର ଭାଙ୍ଗି ବିଭିନ୍ନ ସାମଗ୍ରୀ ଚୋରୀ ହୋଇଥିଲା | ପରଦିନ ସକାଳୁ ଗ୍ରାମବାସୀ ଦୋକାନ ସଟର ଭଙ୍ଗା ଯାଇବା ଦେଖି ଦୋକାନ ମାଲିକ କାରାଗାଁ ଗ୍ରାମର କ୍ରୀଷ୍ଣାମୁରାରୀ ସିଂଙ୍କୁ ଖବର ଦେଇଥିଲେ | ଖଥିବର ପାଇ କ୍ରୀଷ୍ଣା ଦୋକାନ ରେ ପହଞ୍ଚି ଦେଖିଥିଲେ ଯେ ଚୋରୀ ହୋଇଛି | ଏହାପରେ ୨୩/୯/୨୪ ଦିନ କ୍ରୀଷ୍ଣାମୁରାରୀ ସିଂ ଡାବୁଗାଁ ଥାନାରେ ଏତଲା ଦେଇଥିଲେ | ଉକ୍ତ ଏତଲାକୁ ଭିତ୍ତି କରି ଶିଂସାରି ଫାଣ୍ଡି ଅଧିକାରୀ ହରିହର ଭତ୍ରା ଦଦନ୍ତ କରି ବିଭିନ୍ନ ସ୍ଥାନରେ ଚଢାଉ କରିଥିଲେ | ଚଢାଉ କରି ମଙ୍ଗଳବାର ୩ ଜଣ ଯୁବକ ଙ୍କୁ ପୋଲିସ ଥାନାକୁ ଆଣି ପଚରାଉଚରା କରିବାରୁ ଯୁବକ ମାନେ ଚୋରୀ କରିଥିବା ସ୍ଵୀକାର କରିଥିଲେ | ତାଙ୍କ ପକ୍ଷରୁ ଏଲସିଡି ଟିଭି – ୩ ଟି, ବ୍ଲୁଟୁଥ – ୫ ଟି, ମୋବାଇଲ – ୨ ଟି ଓ ଚାର୍ଜର କେବୁଲ ୨ ଟି ଜବତ କରାଯାଇଛି | ଅଭିଯୁକ୍ତ ମାନେ ହେଲେ ଡାବୁଗାଁ ଥାନା ଅଧୀନ ବିଜାପୁର ଗ୍ରାମର ସନ୍ତୋଷ ଦାଶ (୨୩), ଜାମୁଗୁଡା ଗ୍ରାମର ଭରତ ପନକା (୨୮) ଓ ଉମରକୋଟ ଥାନା ଅଧୀନ ଆସାମଗୁଡା ଗ୍ରାମର କର୍ଣ୍ଣ ଭତ୍ରା (୨୮) | ସମସ୍ତ ଅଭିଯୁକ୍ତ ଙ୍କୁ ଗିରଫ କରାଯାଇ ଆଜି ଅପରାହ୍ନରେ କୋର୍ଟ ଚାଲାଣ କରାଯାଇଛି | ଏନେଇ ଥାନା କେସ ନଂ ୧୭୩/୨୪ ରେ ଏକ ମାମଲା ରୁଜୁ କରାଯାଇଛି |
ଡାବୁଗାଁରୁ ପ୍ରଜ୍ଞାରଞ୍ଜନ ପରିଡାଙ୍କ ରିପୋର୍ଟ
