ସଫେଇ ମିତ୍ର ସୁରକ୍ଷା ଶିବିର କାର୍ଯ୍ୟକ୍ରମ
ଡାବୁଗାଁ, ୨୬/୯ (ମ.ନି.ସ.)- ନବରଙ୍ଗପୁର ଜିଲା ଡାବୁଗାଁ ବ୍ଲକ ପରିସରରେ ସଫେଇ ମିତ୍ର ସୁରକ୍ଷା ଶିବିର ମାଧ୍ୟମରେ”ସ୍ୱଚ୍ଛତା ହିଁ ସେବା” କାର୍ଯ୍ୟକ୍ରମ ଗୁରୁବାର ଅନୁଷ୍ଠିତ ହୋଇଯାଇଛି । ଏହି କାର୍ଯ୍ୟକ୍ରମ ରେ ଡାବୁଗାଁ 
ବିଡିଓ ଶରତ ମାଝୀ ଙ୍କ ଅଧ୍ୟକ୍ଷତାରେ ଏବିଡିଓ ପଦ୍ମନାଭ ତ୍ରିପାଠୀ, ଡାବୁଗାଁ ଗୋଷ୍ଠି ସ୍ୱାସ୍ଥ୍ୟ କେନ୍ଦ୍ର ର କର୍ମଚାରୀ ଡା. ବଦ୍ରି ପ୍ରସାଦ ନାୟକ, ଡା. ଅଶୋକ କୁମାର ବାରିକ, ଫାର୍ମାସିଷ୍ଟ ଦିଲୀପ ଗୁପ୍ତା, ମହିଳା ସ୍ୱାସ୍ଥ୍ୟକର୍ମୀ ରଞ୍ଜିତା ବିଷୋୟୀ , ଏନସିଡି ପରାମର୍ଶ ଦାତା ସୁଶିଲ କର୍କରା, ପେସା ସଂଯୋଜକ ଶୁଭଶ୍ରୀ ମହାଙ୍କୁଡ ପ୍ରମୂଖ ଯୋଗ ଦେଇ ଲୋକଙ୍କୁ ସ୍ୱଚ୍ଛତା ବିଷୟରେ ବ୍ୟାପକ ଭାବେ ବୁଝାଇଥିଲେ । କିପରି ନିଜ ପରିବେଶ କୁ ସ୍ୱଚ୍ଛ ରଖିବା ସେ ନେଇ 
ଆଲୋଚନା କରିଥିଲେ । ନବରଙ୍ଗପୁର ପୌରପାଳିକାର କର୍ମଚାରୀ ତ୍ରିନାଥ ମୁଦୁଲି ଙ୍କ ନିର୍ଦ୍ଦେଶ ରେ ସଫେଇ କର୍ମଚାରୀ ଦ୍ୱୟ ଗୋପାଳ ନାୟକ ଓ ରାଜେଶ ହରିଜନ ଉପସ୍ଥିତ ରହି ଲୋକମାନଙ୍କୁ ଘର ର ଅଳିଆ ଆଡ଼େ ସାଢ଼େ ନ ପକାଇ ଗୋଟିଏ ସ୍ଥାନରେ ରଖିବା, ଡ୍ରେନରେ ନ ପକାଇବା, ଅଳିଆ ଗାଡି ଆସିଲେ ଅଳିଆ ଗାଡିରେ ପକାଇବା ଦ୍ଵାରା ପରିବେଷ ସୁସ୍ଥ ରହିଲେ ଆମେ ସୁସ୍ଥ ରହିବା ବୋଲି ସଚେତନ କରିଥିଲେ । ଡ୍ରେନରେ ଅଳିଆ ଆବର୍ଜନା ପକାଇଲେ ମଶା ଭଳି ବିଭିନ୍ନ ରୋଗ ସୃଷ୍ଟି ହୁଏ | ଏଥିପାଇଁ ଆମେ ସଜାଗ ହେଲେ ରୋଗ ଦାଉରୁ ରକ୍ଷା ପାଇପାରିବା lଏହି କାର୍ଯ୍ୟକ୍ରମ କୁ ଡାବୁଗାଁ ଗୋଷ୍ଠୀ ସମ୍ବଳ ସଂଯୋଜକ ରଞ୍ଜନ କୁମାର ମହାଙ୍କୁଡ ପରିଚାଳନା କରିଥିଲେ । ପରେ ଉପସ୍ଥିତ ଥିବା ସମସ୍ତ ଲୋକଙ୍କ ଠାରୁ ୯ ପ୍ରକାର ର ରକ୍ତ ପରୀକ୍ଷା ଶହ ସ୍ୱାସ୍ଥ୍ୟ ପରୀକ୍ଷା କରାଯାଇ ଔଷଧ ବଣ୍ଟନ କରାଯାଇଥିଲା।
ଡାବୁଗାଁରୁ ପ୍ରଜ୍ଞାରଞ୍ଜନ ପରିଡାଙ୍କ ରିପୋର୍ଟ
