ହିମାଦ୍ରୀଙ୍କୁ ମିଳିଲା ପତଞ୍ଜଳି ଯୋଗ ସମିତିର ସୋସିଆଲ ମିଡ଼ିଆ ପ୍ରଭାରୀ ଦାୟିତ୍ୱ
କାମାକ୍ଷାନଗର(ମନିସ )21/11/24-ଢେଙ୍କାନାଳ ଜିଲ୍ଲା କାମାକ୍ଷାନଗରର ଯୁବ ଇଞ୍ଜିନିୟର ହିମାଦ୍ରୀ ଦାସଙ୍କୁ ମିଳିଲା ଢେଙ୍କାନାଳ ପତଞ୍ଜଳି ଯୋଗ ପୀଠ ର ସୋସିଆଲ ମିଡ଼ିଆ ପ୍ରଭାରୀ ଦାୟିତ୍ୱ। ଢେଙ୍କାନାଳ ଜିଲ୍ଲା ପ୍ରଭାରୀ ରବି ନାରାୟଣ ସାହୁଙ୍କ ସୁପାରିଶ କ୍ରମେ ରାଜ୍ୟ ପତଞ୍ଜଳି ଯୋଗ ପୀଠ ର ମୁଖ୍ୟ ସୁଧାଂଶୁ ଅଧିକାରୀ, ରାଜ୍ୟ ପ୍ରଭାରୀ ରାଧାମାଧବ ବହିଦାର, ରାଜ୍ୟ ସୋସିଆଲ ମିଡ଼ିଆ ପ୍ରଭାରୀ କ୍ଷିତିଶ ପଟ୍ଟନାୟକ ଏହି ଗୁରୁ ଦାୟିତ୍ୱ ପ୍ରଦାନ କରିଛନ୍ତି।ସମାଜରେ ଲୋକଙ୍କ ଜୀବନ ଶୈଳୀ, ଖାଦ୍ୟ, ପାନୀୟ ଓ ପରିବେଶର ପ୍ରଭାବ ଯୋଗୁଁ ରୋଗ ବ୍ୟାଧି ମହାମାରୀର ରୂପ ନେଇଛି। ଯାହାକୁ ପ୍ରତିହତ କରିବା ପାଇଁ ଯୋଗ ଗୁରୁ ରାମଦେବ ବାବାଙ୍କ ନେତୃତ୍ୱରେ ଦେଶ ବ୍ୟାପି ଯୋଗ ଶିବିର ଅନୁଷ୍ଠିତ ହୋଇଯାଇଛି। ଗାଁ ଗାଁକୁ ଯାଇ ସ୍କୁଲ, କଲେଜ ଓ ବିଭିନ୍ନ ଅନୁଷ୍ଠାନକୁ ଯାଇ ଯୋଗ ଶିବିର ମାଧ୍ୟମରେ ଲୋକଙ୍କୁ ନିରୋଗ କରିବା ପାଇଁ ପ୍ରଶିକ୍ଷଣ ପ୍ରଦାନ କରିବା ସହ ସଚେତନତା କରିବା ପାଇଁ ଅନୁମତି ପ୍ରଦାନ କରାଯାଇଛି । ଏଥିସହିତ କାମାକ୍ଷାନଗର ଯୋଗ ପ୍ରଶିକ୍ଷଣ ଶିବିରରେ ହିମାଦ୍ରୀଙ୍କୁ ବିଧାୟକ ଶତୃଘ୍ନ ଜେନାଙ୍କ ଦ୍ୱାରା ସମ୍ମାନିତ କରାଯାଇଥିଲା।
ପ୍ରହ୍ଲାଦ ମୁଦୁଲିଙ୍କ ରିପୋର୍ଟ
