ଆଇସିଆରଆଇଏସଏଟି ସଂସ୍ଥା ପକ୍ଷରୁ ଚାଷୀଙ୍କୁ ଚଣା ବିହନ ବଣ୍ଟନ
ନବରଙ୍ଗପୁର:(୨୧/୧୨/୨୪)(ରବି ନାରାୟଣ ମହାନ୍ତି)-ନବରଙ୍ଗପୁର ଜିଲ୍ଲା ଝରୀଗାଁ ବ୍ଲକର ଭିକ୍ଷା ପଂଚାୟତ, ଚିତାବେଡା ପଂଚାୟତ, ଏକାମ୍ବା ପଂଚାୟତ ଓ ବେଲଗାଁ ପଞ୍ଚାୟତରେ ଆଜି ଆଇସିଆରଆଇଏସଏଟି (ଇକ୍ରିସେଟ) ନାମକ ଏକ ସଂସ୍ଥା ପକ୍ଷରୁ ଚାଷୀମାନଙ୍କୁ ନାକଚଣା ବିହନ ବଣ୍ଟନ କରାଯାଇଛି |ଏହି ଚଣାବଣ୍ଟନ କାର୍ଯ୍ୟକ୍ରମରେ ଝରୀଗାଁ ବିଧାୟକ ନରସିଂହ ଭତରା,ବ୍ଲକ କୃଷି ଅଧିକାରୀ ଗଜାନନ ସାହୁ,ପୂର୍ବତନ ଭିକ୍ଷା ସରପଞ୍ଚ ରିକ୍ଷୀରାମ ବଞ୍ଜାରା, ଗଣପତି ସାହୁ, କାଲା ଦା ପ୍ରମୁଖ ଉପସ୍ଥିତ ରହିଥିଲେ |ଭିକ୍ଷା ପଂଚାୟତର ମୋଟ ୨୩୦ଜଣ ଚାଷୀଙ୍କୁ ନାକଚଣା ବିହନ ବଣ୍ଟନ କରାଯାଇଥିବା ସୂଚନା ମିଳିଛି |ବିଧାୟକ ଶ୍ରୀ ଭତରା ଏହି ଅବସରରେ ଚାଷୀମାନଙ୍କୁ ବୁଝେଇଛନ୍ତି କି ଖରିପ ଧାନ ଅମଳ ପରେ ଚାଷ ଜମିରେ ଡାଲି ଜାତୀୟ ଫସଲ କରିବା ଦ୍ୱାରା ସେମାନେ ନିଜ ଜମିରୁ ହିଁ ଡାଲି ଜାତୀୟ ଫସଲ ପାଇପାରିବେ ଓ ନିଜ ଆବଶ୍ୟକ ମୁତାବକ ଚଣା ନିଜ ପାଖରେ ରଖି ବଳକା ଚଣା ବଜାରରେ ବିକ୍ରୟ କରି ବେଶ ଦୁଇ ପଇସା ରୋଜଗାର ମଧ୍ୟ କରିବେ |ତାଛଡା କ୍ଷେତରେ ବିଭିନ୍ନ ଚଣା ଚାଷ କରିବା ଦ୍ୱାରା କ୍ଷେତର ଉର୍ବରତା ମଧ୍ୟ ବୃଦ୍ଧି ପାଇ ଥାଏ |ଯଦଦ୍ୱାରା ସେମାନେ ରାସାୟନିକ ସାର ବାବଦକୁ ଖର୍ଚ୍ଚ କରୁଥିବା ଟଙ୍କା ମଧ୍ୟ କମିଯିବ ବୋଲି କହିଥିଲେ |
ନବରଙ୍ଗପୁର ଜିଲ୍ଲାରୁ ରବି ନାରାୟଣ ମହାନ୍ତିଙ୍କ ରିପୋର୍ଟ ମସିହା ନିଉଜ୍
