କୋକସରା,୨୧/୪- କଳାହାଣ୍ଡି ଜିଲ୍ଲା କୋକସରା ଥାନା ଅନ୍ତର୍ଗତ କନ୍ଦାବୁଟ୍ରା ଗ୍ରାମରେ ବୁଧବାର ବିଳମ୍ବିତ ରାତିରେ ମୁଖା ପିନ୍ଧା ୪/୫ ଜଣ ଯୁବକ କନ୍ଦାବୁଟ୍ରା ଗାଁ ର ଲଛମନ ବେହେରା ଙ୍କ ଘରେ ଚୋରି କରିଥିବା ନେଇ କୋକସରା ଥାନା ରେ ଅଭିଯୋଗ ହୋଇଛି। ବୁଧବାର ବିଳମ୍ବିତ ରାତିରେ ଘରର କବାଟ ଭାଙ୍ଗି ପଶିଥିଲେ । ମୁଖାପିନ୍ଧା ଯୁବକ ମାନେ ମାରଣାସ୍ତ୍ର ଦେଖାଇ ଭୟଭୀତ କରି ଲଛମନ ଙ୍କ ସ୍ତ୍ରୀ ଓ ମା ପିନ୍ଧିଥିବା ୬ ଅଣି ସୁନା ଗହଣା ସହ ନଗଦ ୩୫ ହଜାର ଟଙ୍କା ଓ ଓ ୟମା କମ୍ପାନୀ ର ଏଫ.ଜେଡ ବାଇକ ନେଇ ଫେରାର ମାରିଥିଲେ। 
ଚୋରି ସମ୍ପର୍କରେ ଲଛମନ କୋକସରା ଥାନା ରେ ଅଭିଯୋଗ କରିବା ପରେ କୋକସରା ଥାନା ଅଧିକାରୀ ପ୍ରସନ୍ନ ବେହେରା ସମେତ ଧର୍ମଗଡ଼ ଉପଖଣ୍ଡ ପୋଲିସ ଅଧିକାରୀ ଧିରଜ କୁମାର ଚୋପଦାର ଘଟଣାସ୍ଥଳରେ ପହଞ୍ଚି ପାରିପାର୍ଶ୍ବିକ ଅବସ୍ଥା ଅନୁଧ୍ୟାନ କରିବା ସହ ପରିବାର ବର୍ଗ ଙ୍କୁ ପଚରାଉଚରା ଜାରି ରଖିଛନ୍ତି। ଏନେଇ କୋକସରା ଥାନା କେଶ ନମ୍ଵର ୯୨/୨୨ ରେ ମାମଲା ରୁଜୁ କରି ତଦନ୍ତ ଜାରି ରହିଥିବା ନେଇ କୋକସରା ଥାନା ଅଧିକାରୀ ପ୍ରସନ୍ନ ବେହେରା ସୂଚନା ଦେଇଛନ୍ତି।
ମ ନି ସ
