ବାଣୀପୀଠ ମହୋତ୍ସବ ଉଦ୍ଯାପନ ସଭାରେ ଶାରଦାମଣି ସ୍ମୃତି ସମ୍ମାନ-୨୦୨୪ରେ ସମ୍ବର୍ଦ୍ଧିତ ହେଲେ ବାଲେଶ୍ବର କବୟିତ୍ରୀ ଜ୍ଯୋତ୍ସ୍ନାରାଣୀ ମହାନ୍ତି
ବାଲେଶ୍ବର, ୩୧/୧୨/୨୪- ମୟୂରଭଞ୍ଜ ଜିଲ୍ଲା ବଡ଼ସାହି ବ୍ଲକ ଅନ୍ତର୍ଗତ ବିବେକାନନ୍ଦ ବିହାର ଠାରେ ଚାଲିଥିବା ୪୫ତମ ବାଣୀପୀଠ ମହୋତ୍ସବ ଉଦ୍ଯାପନ ଅବସରରେ ସକାଳେ ରାଜ୍ୟସ୍ତରୀୟ କବିତା ପାଠୋତ୍ସବ ‘କବିତା କୁସୁମାଞ୍ଜଳୀ’ର କାର୍ଯ୍ୟକ୍ରମ ତା ୨୯/୧୨/୨୪ ରିଖରେ ଅନୁଷ୍ଠିତ ହୋଇଥିଲା । ସକାଳ ୮ ଘଟିକାରେ ପ୍ରଥମେ ଡ଼କ୍ଟର ତ୍ରିନାଥ ପଟ୍ଟନାୟକ ସାରସ୍ବତ ପତାକା ଉତ୍ତୋଳିତ କରିଥିଲେ । ସାରସ୍ବତ ପତାକାର ଇତିହାସ ସଂପକରେ ବୟଜେଷ୍ଠ କବି ବିପିନ ବିହାରୀ ମହାନ୍ତି ମତବ୍ୟକ୍ତ କରିଥିଲେ । ମା’ ନିଶାମଣି ରାଉତ ଜ୍ଞାନ ଜ୍ୟୋତି ପ୍ରଜ୍ଜଳନ କରିଥିବା ବେଳେ ସୋନାକ୍ସି ଗୁରୁମା, ଲକ୍ଷ୍ମୀପ୍ରିୟା, ଆଦ୍ୟାଶା, ଶିବାନୀ ଓ ମନିଷାଙ୍କ ଦ୍ୱାରା ପ୍ରତିଭା ପୂଜନ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା । ଅନୁଷ୍ଠାନର ଅଧ୍ୟକ୍ଷ ଡ଼କ୍ଟର କୁମାର ବାବୁଲିଙ୍କ ତତ୍ତ୍ଵାବଧାନରେ କବିତା କୁସୁମାଞ୍ଜଳୀ ଆରମ୍ଭ ହୋଇଥିଲା । ସଚୀନ୍ଦ୍ର କୁମାର ବିଶ୍ଵାଳ, ବଙ୍କିମ ଚନ୍ଦ୍ର ବାରିକ ଓ ଡକ୍ଟର ସ୍ୱାଗତିକା ସାହୁ ମଞ୍ଚ ପରିଚାଳ କରିଥିବାବେଳେ କବିତା ସଂଯୋଜନା କବି ସନ୍ନ୍ୟାସୀ ପାତ୍ର, କବି ନମିତା ରାଉତ କରିଥିଲେ । ଉକ୍ତ ସଭାରେ ରାଧାମାଧବ ରଥ ଅଧ୍ୟକ୍ଷତା କରିଥିଲେ l ମୁଖ୍ୟଅତିଥି ଭାବେ ତଃ ସ୍ଵର୍ଣ୍ଣଲତା ଲେଙ୍କା ଯୋଗଦାନ କରିଥିଲେ । ମୁଖ୍ୟବକ୍ତା ଭାବେ ଝାରସୁଗୁଡାର କବି ଡକ୍ଟର ପ୍ରିୟମ୍ବଦା ଦାସ ଯୋଗଦାନ କରି ଥିଲେ । ଆଦରଣୀୟ ଅତିଥିଭାବେ ଡ଼କ୍ଟର ସନ୍ତୋଷ କୁମାର ପଣ୍ଡା ଓ ସମ୍ମାନିତ ଅତିଥି ଭାବେ ଧ୍ୱନିପ୍ରତିଧ୍ୱନୀର ସଂପାଦକା ସୌରିନ୍ଧ୍ରୀ ସାହୁ, ପରିବେଶବିତ୍ ସ୍ୱରାଜ କହଁର, ଡୋଳାମଣି ଶତପଥି ଓ ସତ୍ୟବ୍ରତ ମିଶ୍ର ଯୋଗଦାନ କରିଥିଲେ । ସେହିପରି ରାଜ୍ୟ ସ୍ତରୀୟ କବି, ଲେଖକ ଓ କଳାକାର ସମ୍ମେଳନ ଆସରରେ ଡକ୍ଟର ଜଗତବନ୍ଧୁ ଆଚାର୍ଯ୍ୟ ପୌରହିତ୍ୟ କରିଥିଲେ । ମୁଖ୍ୟ ଅତିଥି ଭାବେ କବି ପ୍ରମିଳା ପଣ୍ଡା ଯୋଗଦାନ କରି ସାହିତ୍ୟ ଗ୍ରାମାଞ୍ଚଳ ମୁଖି ହେବା ଆବଶ୍ୟକ କାରଣ ଗାଁରେ ହିଁ ପ୍ରକୃତ ସାହିତ୍ୟ ଏବେବି ବଂଚ଼ିଛି ବୋଲି ମତବ୍ୟକ୍ତ କରିଥିଲେ । ମୁଖ୍ୟବକ୍ତା ଭାବେ ଡ଼କ୍ଟର ଭରତ ଚନ୍ଦ୍ର ଦାଶ ଓ ଆଦରଣୀୟ ଅତିଥି ଭାବେ ମୟୂରଭଞ୍ଜ ଜିଲ୍ଲା ସାମ୍ବାଦିକ ସଂଘର ସଭାପତି ଅରୁଣ କୁମାର ଓତା, ସମୟଚକ୍ରର ସଂପାଦକ ସର୍ବେଶ୍ଵର ଜେନା, ରାଗ୍ଧା ଡିଗ୍ରୀ କଲେଜର ଅଧ୍ୟକ୍ଷା ଡ଼କ୍ଟର ଅସୀମା ସାହୁ ଓ ବାଲେଶ୍ବର ଜିଲ୍ଲା ଖଇରା ସ୍ଥିତ ” ମୋ ଅନୁଷ୍ଠାନ ସାହିତ୍ୟ ସଂସଦ ” ର ସଂପାଦକ କବିକମଳ ନରେନ୍ଦ୍ର ପ୍ରସାଦ ବେହେରା ଯୋଗଦାନ କରି ସାହିତ୍ୟ ଓ କବିତା କିଭଳି ଭାବେ ଦୀର୍ଘଜିବୀ ହେବ ସେ ସଂପର୍କରେ ଭିଭିନ୍ନ ଉପାଦେୟ ତଥ୍ୟ ଉପସ୍ଥାପନ କରିଥିଲେ । ଅତିଥି ମାନଙ୍କ ଦ୍ୱାରା ଆମ ଗାଁ ମକର ସାହିତ୍ୟ ପତ୍ରିକା ପଲ୍ଲୀପ୍ରଭା ଓ ମାସିକ ଶିଶୁ ପତ୍ରିକା ଆମ ସୁନାଚାନ୍ଦ ଉନ୍ମୋଚିତ ହୋଇ ଥିଲା । ଅନୁଷ୍ଠାନର ସଂପାଦିକା ପୁହାଣ ସୂର୍ଯ୍ୟକାନ୍ତି ରାଉତ ବାର୍ଷିକ ବିବରଣୀ ପାଠ କରିଥିବା ବେଳେ ଅତିଥି ପରିଚୟ ଶିବଶଙ୍କର ଭୂୟାଁ ଓ ଧନ୍ୟବାଦ ଅର୍ପଣ ଶାନ୍ତିପ୍ରବୀର ରାଉତ କରିଥିଲେ । ଏହି ଅବସରରେ ବାଲେଶ୍ବର ଜିଲ୍ଲା ଜଳେଶ୍ବର ବ୍ଲକର ସମାଜସେବୀ ଓ କବୟିତ୍ରୀ ଜ୍ଯୋତ୍ସ୍ନାରାଣୀ ମହାନ୍ତିଙ୍କ ଅନୁଷ୍ଠାନ ଶାରଦାମଣି ସ୍ମୃତି ସମ୍ମାନ-୨୦୨୪ ରେ ସମ୍ମାନିତ କରିଥିଲା। ଏଥିସହିତ ରାଜ୍ୟର ସବୁ ଜିଲ୍ଲାରୁ ଆସିଥିବା ପ୍ରତିଭାଧର ସାରସ୍ବତ ସାଧକଙ୍କୁ ସମ୍ମାନୀତ କରାଯାଇଥିଲା ।।
ବାଲେଶ୍ବରରୁ ନରେନ୍ଦ୍ର ପ୍ରସାଦ ବେହେରାଙ୍କ ରିପୋର୍ଟ
