ନୂଆପଡ଼ା ଜିଲ୍ଲା ର ଧରମବନ୍ଧା ଥାନା ଅନ୍ତର୍ଗତ କେନ୍ଦୁବାହାଲ ଗାଁ ରେ ସାପ କାମୁଡ଼ାରେ ମାଁ ଓ ଝିଅ ଦୁଇ ଜଣ ପ୍ରାଣ ହରାଇଛନ୍ତି । ମୃତକ ମାଁ ନିରାଶ ଶବର ଓ ଝିଅ ସବିତା ଶବର। ଏବେ ଜିଲ୍ଲା ମୁଖ୍ୟାଳୟରେ ମୃତ ମାଁ ଓ ଝିଅଙ୍କ ଶବ ପଡି ରହିଛି । ଗତ କାଲି ରାତିରେ କେନ୍ଦୁବାହାରା ଗାଁର ଶ୍ୟାମଲାଲ ଶବରଙ୍କ ସ୍ତ୍ରୀ ନିରାଶ, ଝିଅ ସବିତା ଖାଇ ପିଇ ତଳେ ଶୋଇଥିଲେ । ରାତି ପ୍ରାୟ ୨ଟା ରେ ଏକ ବିଷାକ୍ତ ସାପ ଆସି ପ୍ରଥମେ ଝିଅ ସବିତା ଓ ପରେ ମାଁ ନିରାଶଙ୍କୁ କାମୁଡି ଥିଲା । ଏହା ଜାଣିବା ପରେ ପରିବାର ଲୋକେ ମାଁ ଓ ଝିଅକୁ ଗୁରୁତର ଅବସ୍ଥାରେ ଉଦ୍ଧାର କରି ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରିଥିଲେ । ତେବେ ମାଁ ଓ ଝିଅଙ୍କ ଅବସ୍ଥା ସଙ୍କଟାପନ୍ନ ହେବାରୁ ଡାକ୍ତର ଉଭୟଙ୍କୁ ବୁର୍ଲା ମେଡ଼ିକାଲ କଲେଜକୁ ସ୍ଥାନାନ୍ତର କରିଥିଲେ । ତେବେ ଉଭୟ ମାଁ ଓ ଝିଅଙ୍କୁ ବୁର୍ଲା ନେବା ବେଳେ ବରଗଡ଼ ଜିଲ୍ଲା ପଦ୍ମପୁର ନିକଟରେ ପ୍ରଥମେ ମାଁ ଓ ପରେ ଝିଅଙ୍କ ମୃତ୍ୟୁ ହୋଇଥିଲା । ବର୍ତମାନ ଶବ ବ୍ୟବଚ୍ଛେଦ ପାଇଁ ପ୍ରସ୍ତୁତି ଛାଲିଛି । ନୂଆପଡା ରୁ ସୁଜିତ କୁମାର ପ୍ରଧାନ ଙ୍କ ରିପୋର୍ଟ
