ପୋଲିସ କୁ ଆକ୍ରମଣ ଘଟଣାରେ ୨ ଗିରଫ
ଡାବୁଗାଁ, ୧୩/୧ (ମ.ନି.ସ.)- ନବରଙ୍ଗପୁର ଜିଲା ଡାବୁଗାଁ ଥାନା ୨୦୨୨ ମସିହାରେ ପୋଲିସକୁ ଆକ୍ରମଣ ଘଟଣାରେ ସୋମବାର ପୋଲିସ ୨ ଜଣ ଙ୍କୁ ଗିରଫ କରି କୋର୍ଟ ଚାଲାଣ କରିଛି | ସୂଚନାଯୋଗ୍ୟ:- ଡାବୁଗାଁ ଥାନା ଅଧୀନ ପୂଜାରିଗୁଡା ଗ୍ରାମର ଲଛମୀ ପନକାଙ୍କ ଝିଅ ଭଦ୍ରିକା ପନକା(୨୪) ଝରିଗୁଡା ଗ୍ରାମର ସୁଶୀଲ ନାଗ ଙ୍କୁ ୨୦୧୯ ମସିହାରେ ପ୍ରେମ ବିବାହ କରିଥିଲେ | ୧୮.୭.୨୦୨୨ ଦିନ ସନ୍ଧ୍ୟାରେ ଝିଅର ମୃତ୍ୟୁ ଖବର ପାଇ ବାପା ଲଛମୀ ଜ୍ଵାଇଁ ସୁଶୀଲ ଙ୍କୁ ଘରକୁ ଯାଇ ଝିଅ ଭଦ୍ରିକା ଙ୍କ ଝୁଲନ୍ତା ମୃତ ଦେହ ଦେଖିଥିଲେ | ୧୯.୭.୨୦୨୨ ଦିନ ସକାଳେ ଝିଅକୁ ହତ୍ୟା କରାଯାଇଥିବା ନେଇ ଡାବୁଗାଁ ଥାନାରେ ଏତଲା ଦେଇଥିଲେ | ଏହପରେ ଡାବୁଗାଁ ଥାନା ର ପୂର୍ବତନ ଥାନା ଅଧିକାରୀ ଅଭିମନ୍ୟୁ ଦୂର୍ଗା ଥାନା କେସ ନଂ ୧୧୯/୨୨ ରେ ଏକ ମାମଲା ରୁଜୁ କରି ପୋଲିସ କର୍ମଚାରୀ ମାନଙ୍କ ସହ ଘଟଣାସ୍ଥଳରେ ପହଞ୍ଚି ତଦନ୍ତ କରିଥିଲେ | ତଦନ୍ତ ସମୟରେ ପୋଲିସ ମୃତ ମହିଳା ଙ୍କ ସ୍ଵାମୀ ସୁଶୀଲ ନାଗ ଙ୍କୁ ଉଠାଇ ଆଣିବା ବେଳେ ଉତ୍ୟକ୍ତ ଲୋକେ ଅଭିଯୁକ୍ତ ସହ ପୋଲିସକୁ ପୋଲିସ କୁ ଗୋଡାଇ ଗୋଡାଇ ଆକ୍ରମଣ କରିଥିଲେ | ଏନେଇ ପୋଲିସ କୁ ଆକ୍ରମଣ କରିଥିବା କିଛି ଲୋକ ଙ୍କ ନାମରେ ପୋଲିସ ପକ୍ଷରୁ ୧୨୦/ ୨୨ ରେ ଏକ ମାମଲା ରୁଜୁ ହୋଇଥିଲା ସେହି ଦିନଠାରୁ ଅଭିଯୁକ୍ତ ମାନେ ଫେରାର ଥିଲେ | ରବିବାର ରାତ୍ରିରେ ଥାନା ସବଇନିସ୍ପେକ୍ଟର ଚନ୍ଦନ ସାହୁ କୌଣସି ସୂତ୍ରରୁ ଖବର ପାଇ ଉକ୍ତ ଘଟଣାରେ ସମ୍ପୃକ୍ତ ୨ ଅଭିଯୁକ୍ତ ତାଙ୍କ ଘରୁ ଉଠାଇ ଥାନାକୁ ଆଣିଥିଲେ | ସେମାନେ ହେଲେ ନବରଙ୍ଗପୁର ଥାନା ଅଧୀନ ତାରାଗାଁ ଗ୍ରାମ ନିକଟ ପୋଖନାଗୁଡା ଗ୍ରାମର ଡୁମର ହରିଜନ (୫୨) ଓ ବୁଲୁ ହରିଜନ (୪୮) | ଆଜି ୨ ଅଭିଯୁକ୍ତ ଙ୍କ ଡାକ୍ତରୀ ମାଇନା କରାଯିବା ପରେ ଅପରାହ୍ନରେ କୋର୍ଟ ଚାଲାଣ କରାଯାଇଛି |
ଡାବୁଗାଁରୁ ପ୍ରଜ୍ଞାରଞ୍ଜନ ପରିଡାଙ୍କ ରିପୋର୍ଟ
