ରାଣୀ ରକ୍ଷା ଲକ୍ଷ୍ମୀବାଇ ଆତ୍ମ ପ୍ରଶିକ୍ଷଣ ଉଦଯାପିତ
ଡାବୁଗାଁ, ୨୨/୧ (ମ.ନ.ସ.)- ନବରଙ୍ଗପୁର ଜିଲା ଡାବୁଗାଁ ବ୍ଳକ ସଦର ମହକୁମା ସ୍ଥିତ ଭୈରବ ଉଚ୍ଚ ମାଧ୍ୟମିକ ବିଦ୍ୟାଳୟର ଛାତ୍ରୀ ମାନଙ୍କୁ ନେଇ ରାଣୀ ଲକ୍ଷ୍ମୀବାଇ ଆତ୍ମ ରକ୍ଷା ପ୍ରଶିକ୍ଷଣ ଶିବିର ବୁଧବାର ଅପରାହ୍ନ ୨ ଘ ସମୟରେ ଉଦଯାପିତ ହୋଇଯାଇଛି l ପ୍ରଶିକ୍ଷୀକା ଭାବେ ମାଳିଗୁଡ଼ା ସରକାରୀ ଉନ୍ନୀତ ପ୍ରାଥମିକ ବିଦ୍ୟାଳୟର ଶିକ୍ଷୟତ୍ରୀ ସୁକାନ୍ତି ସାହୁ ଓ ମେଦନା ସରକାରୀ ଉନ୍ନୀତ ଉଚ୍ଚ ପ୍ରାଥମିକ 
ବିଦ୍ୟାଳୟର ଶିକ୍ଷୟତ୍ରୀ ବିଜୟଲକ୍ଷ୍ମୀ ମଣ୍ଡଳ ପ୍ରଶିକ୍ଷଣ ଦେଇଥିଲେ l ଆଜି କାଲି ଦୁନିଆରେ ଝିଅ ମାନଙ୍କ ସୁରକ୍ଷା ନିହାତି ଜରୁରୀ ହୋଇ ପଡୁଥିବା ବେଳେ ଆତ୍ମ ରକ୍ଷା ପ୍ରଶିକ୍ଷଣର ପ୍ରୟୋଜନ ଅତ୍ୟନ୍ତ ଜରୁରୀ l ଆତ୍ମ ରକ୍ଷା ପ୍ରଶିକ୍ଷଣ ରେ ସମସ୍ତ କୌଶଳ ଛାତ୍ରୀମାନେ ଧ୍ୟାନର ସହ ମନେ ରଖି ଅସୁବିଧା ସମୟରେ ପ୍ରୟୋଗ କରି ନିଜେ ନିଜକୁ ସୁରକ୍ଷା ଦେଇ ପାରିବେ ଏଥିରେ ଦ୍ଵିମତ ନାହିଁ l ଏଭଳି ତାଲିମ ପ୍ରତ୍ୟେକ ଛାତ୍ରୀ ମାନଙ୍କ ପାଇଁ ନିହାତି ଜରୁରୀ l ଉକ୍ତ ତାଲିମ ଛାତ୍ରୀ ମାନଙ୍କ ପାଇଁ ଏକ ସୁରକ୍ଷା କବଚ ହେବ l ସମ୍ପୃକ୍ତ ବିଦ୍ୟାଳୟର ଅଧ୍ୟକ୍ଷ ରମେଶ ଚନ୍ଦ୍ର ନାହାକଙ୍କ ଅଧ୍ୟକ୍ଷତା ରେ ମୁଖ୍ୟ ଅତିଥି ଭାବେ ବ୍ଲକ ଅଧ୍ୟକ୍ଷା ବୀଣା ମାଝି, ଯୋଗ ଦେଇ ଛାତ୍ରୀ ମାନଙ୍କୁ ପ୍ରମାଣ ପତ୍ର ପ୍ରଦାନ କରିଥିଲେ | ଏଥିରେ ଅଧ୍ୟାପକ ସନ୍ତୋଷ କୁମାର ସିଂ ଲାଲ, ଲିପୁ ଚନ୍ଦ୍ର ମାଝୀ, ପଦମ ଭତ୍ରl, ସରୋଜ ବୋଡ଼କିଆ,ପ୍ରଦୀପ ଭତ୍ରl, ଅଧ୍ୟାପିକା ଖୁଲଣାବତୀ ପୂଜାରୀ ,ରଶ୍ମିତା ପାଢୀ, ଶୁଭସ୍ମିତା ଭୂଷଣ, ଚିନ୍ମୟୀ ସୁନ୍ଦରା ଓ ସମସ୍ତ କର୍ମଚାରୀ ସହଯୋଗ କରିଥିବା ବେଳେ ସଂଯୋଜିକା ତଥା ଅଧ୍ୟାପିକା ପ୍ରତିକ୍ଷା ପ୍ରିୟ ଦର୍ଶନି ସ୍ଵାଇଁ ମଞ୍ଚ ପରିଚାଳନା କରିଥିଲେ l ଉକ୍ତ ତାଲିମରେ ୧୭୬ ଜଣ ଛାତ୍ରୀ ତାଲିମ ନେଇଥିବା ବେଳେ ସମସ୍ତ ଛାତ୍ରୀ ମାନଙ୍କୁ ମଞ୍ଚାସୀନ ସମସ୍ତ ଅତିଥି ମାନଙ୍କ ଦ୍ଵାରା ମାନ ପତ୍ର ପ୍ରଦାନ କରାଯାଇଥିଲା l ସମସ୍ତ ଛାତ୍ରୀ ମାନଙ୍କୁ ଆତ୍ମ ରକ୍ଷା ତାଲିମ ର ସଦୁପଯୋଗ କରାଇବାକୁ ପରାମର୍ଶ ଦେଇଥିଲେ l
ଡାବୁଗାଁରୁ ପ୍ରଜ୍ଞାରଞ୍ଜନ ପରିଡାଙ୍କ ରିପୋର୍ଟ
