ଶ୍ରୀ ଅନ୍ନ ଅଭିଯାନ ତରଫରୁ ମିଲେଟ୍ସ ଖାଦ୍ୟମେଳା ଅନୁଷ୍ଠିତ
ତେନ୍ତୁଳିଖୁଣ୍ଟି ୨୬/୦୧/୨୫ // ଆଜି ୭୬ ତମ ସାଧାରଣତନ୍ତ୍ର ଦିବସ ଅବସରରେ ପଞ୍ଚାୟତ ସମିତି କାର୍ଯ୍ୟାଳୟ ପ୍ରାଙ୍ଗଣରେ ଶ୍ରୀ ଅନ୍ନ ଅଭିଯାନ ତଥା ଓଡ଼ିଶା ମିଲେଟ୍ସ ମିଶନ ତରଫରୁ ମିଲେଟ ଶସ୍ୟ ରେ ପ୍ରସ୍ତୁତ ଖାଦ୍ୟ ମେଳା ଅନୁଷ୍ଠିତ ହୋଇଯାଇଛି । ଏହି ଖାଦ୍ୟମେଳା କୁ ତେନ୍ତୁଳିଖୁଣ୍ଟି ବିଡ଼ିଓ ମନୋଜ କୁମାର ପାଣିଗ୍ରାହୀ ଓ ଅଗ୍ରଗାମୀ ର ପ୍ରକଳ୍ପ ନିର୍ଦ୍ଦେଶକ ଜଗନ୍ନାଥ ଜେନା ରିବନ୍ କାଟି ଏହାକୁ ଶୁଭ ଉଦ୍ଘାଟନ କରିଥିଲେ । ଏହାକୁ ବ୍ଲକ୍ ସଂଯୋଜକ ନିଶାନ୍ତ କୁମାର ବିଷୋୟୀ ପରିଚାଳନା କରିଥିଲେ ।
ଶ୍ରୀ ଅନ୍ନ ଅଭିଯାନ ତରଫରୁ ଆଜି ଏହି ମେଳା ରେ ମାଣ୍ଡିଆ ସୂପ, କାଙ୍ଗୁ କ୍ଷୀରି, ମାଣ୍ଡିଆ ଗୁଲାବ ଜାମୁନ୍ ସମସ୍ତଙ୍କ ମନ କିଣିଥିଲା l ଏହା ବ୍ୟତୀତ ମାଣ୍ଡିଆ ରେ ପ୍ରସ୍ତୁତ କେକ୍, ବିସ୍କୁଟ, ପକୁଡ଼ି, ବରା, ଦହି ବରା, ଖଡ଼ୁ ଆଦି ମଧ୍ୟ ମହିଳା ସ୍ୱୟଂ ସହାୟକ ଦଳ ଦ୍ଵାରା କରାଯାଇ ସମସ୍ତଙ୍କୁ ବିତରଣ କରାଯାଇଥିଲା ।
କାର୍ଯ୍ୟକ୍ରମକୁ ଆସିଥିବା ସମସ୍ତ ଅତିଥି, ବିଭିନ୍ନ ବିଦ୍ୟାଳୟ ରୁ ଆସିଥିବା ଛାତ୍ର ଛାତ୍ରୀ, ବ୍ଲକ୍ ଅଫିସ୍ ଷ୍ଟାଫ, ଜନସାଧାରଣ ସମସ୍ତେ ମାଣ୍ଡିଆ ସୁପ୍ ର ମଜା ଉଠାଇଥିଲେ l ଆଗକୁ ମଧ୍ୟ ଏହିପରି ମିଲେଟ୍ ଖାଦ୍ୟ ର ଚାହିଦା କିପରି କୋଣ ଅନୁକୋଣ ରେ ପହଞ୍ଚି ପାରିବ ସେହି ଦିଗ ରେ ଧ୍ୟାନ ଦେବା ପାଇଁ ବିଡ଼ିଓ ପାଣିଗ୍ରାହୀ ଶ୍ରୀ ଅନ୍ନ ଅଭିଯାନ ର ସମସ୍ତ କର୍ମକର୍ତ୍ତା ଙ୍କୁ କହିଥିଲେ । ଅଗ୍ରଗାମୀ ସଂସ୍ଥା ତରଫରୁ ଶୋମାଇ ମାଝୀ, ଅଶ୍ଵିନୀ ନାୟକ, ଟଙ୍କଧର ଝୋଡିଆ, ପ୍ରୋଦ୍ୟୁମ୍ନ ବାଘ, ଜୟ ପାତ୍ର, କୃପାସିନ୍ଧୁ ଗୌଡ଼, ସୁରେନ୍ଦ୍ର ନାୟକ ଏବଂ ଜଗନ୍ନାଥ ଦିଶାରି ଉପସ୍ଥିତ ରହି ଏହି ଖାଦ୍ୟ ମେଳା କୁ ସଫଳ କରିବାରେ ସାହାଯ୍ୟ କରିଥିଲେ ।
ଗୋବର୍ଦ୍ଧନ ସାହୁ , ତେନ୍ତୁଳିଖୁଣ୍ଟି
