ତେରେସିଂହାରେ ନାମଯଜ୍ଞ ପାଇଁ ଶୁଭଖମ୍ୱ ସ୍ଥାପନ
କର୍ଲାମୁଣ୍ଡା: କଳାହାଣ୍ଡି ଜିଲ୍ଲା କର୍ଲାମୁଣ୍ଡା ବ୍ଲକ ଅନ୍ତର୍ଗତ ତେରେସିଂହା ଗ୍ରାମର ବେଲପଡ଼ା ଠାରେ ମାଁ ଗଜଲକ୍ଷ୍ମୀ ପୂଜାର ୨୪ବର୍ଷ (ଦ୍ୱିତୀୟ ସଂକଳ୍ପ) ପୂର୍ତ୍ତି ଅବସରରେ ଷୋହଳ ପ୍ରହର ନାମଯଜ୍ଞ ଅନୁଷ୍ଠିତ ହେବ l ଏଥି ପାଇଁ ବୁଧବାର ଶୁଭଖମ୍ବ ସ୍ଥାପନ ହୋଇ ଯାଇଛି l ଏଥିରେ କର୍ତ୍ତା ଭାବେ ଗ୍ରାମର ପୂର୍ବତନ ସରପଞ୍ଚ ଚତୃଭୁଜ ରଣା ଓ ତାଙ୍କ ଧର୍ମପତ୍ନୀ କୁମାରୀ ରଣା ଯଜ୍ଞକର୍ତ୍ତା ଦାୟିତ୍ୱରେ ରହିଥିବା ବେଳେ ପୂଜକ ଡୋଳାମଣି ପଣ୍ଡିଆ ପୂଜାକାର୍ଯ୍ୟ ସଂପାଦନ କରିଥିଲେ l ଏହି ଅବସରରେ ମାଁ ଗଜଲକ୍ଷ୍ମୀ ପୂଜା କମିଟୀର ସଭାପତି ଯୁଗଳ କିଶୋର ନାଏକ, ଉପ-ସଭାପତି ରଶ୍ମି ରଞ୍ଜନ ରଣା, ସମ୍ପାଦକ କ୍ଷେତ୍ରମଣି ରଣା, ସହ-ସମ୍ପାଦକ ବସନ୍ତ କୁମାର ସାହୁଙ୍କ ସମେତ ଗ୍ରାମର ଅନେକ ଭକ୍ତ ବୃନ୍ଦ ଉପସ୍ଥିତ ରହିଥିଲେ l