ଶିକ୍ଷକ ସମ୍ମିଳନୀ ଓ ଗୁଣାତ୍ମକ ଶିକ୍ଷା ରେ ଶିକ୍ଷକଙ୍କ ଭୂମିକା ଶୀର୍ଷକ ଆଲୋଚନା ଚକ୍ର ଅନୁଷ୍ଠିତ
କୋଇଡା – ୧୧/୦୨ // ସୁନ୍ଦରଗଡ଼ ଜିଲ୍ଲାର କୋଇଡା ଗୋଷ୍ଟୀ ଶିକ୍ଷା ଅଧିକାରୀ ଙ୍କ କାର୍ଯ୍ୟାଳୟ ର ରୂପାନ୍ତିକରଣ ଓ ଶୁଭ ଉଦଘାଟନ ଅବସରରେ ବିଘ୍ନବିନାଶକ ଙ୍କ ମୂର୍ତ୍ତି ସ୍ଥାପନ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି I ଏହି ଅବସରରେ ଭଞ୍ଜପାଲି ନୋଡାଲ ଉଚ୍ଚ ବିଦ୍ୟାଳୟ ପରିସରରେ ଶିକ୍ଷକ ସମ୍ମିଳନୀ ଓ ଗୁଣାତ୍ମକ ଶିକ୍ଷା ରେ ଶିକ୍ଷକ ଙ୍କ ଭୂମିକା ଶୀର୍ଷକ ଆଲୋଚନା ଚକ୍ର ଅନୁଷ୍ଠିତ ହୋଇଯାଇଛି I ମୁଖ୍ୟ ଅତିଥି ଭାବେ ଯୋଗ ଦେଇ କୋଇଡା ବ୍ଲକ ଅଧକ୍ଷ ସୁରେଶ କୁମାର ନାଏକ ପ୍ରଦୀପ ପ୍ରଜ୍ବଳନ କରି ଆନୁଷ୍ଠାନିକ ଭାବେ କାର୍ଯ୍ୟକ୍ରମ ର ଶୁଭାରମ୍ଭ କରିଥିଲେ I ସଂମାନିତ ଅତିଥି ରୂପେ କୋଇଡା ଡିଗ୍ରୀ ମହାବିଦ୍ୟାଳୟ ର ଇତିହାସ ବିଭାଗ ର ଅଧ୍ୟାପକ ପ୍ରଦୀପ କୁମାର ପଟନାୟକ, ବରସୁଆଁ ଲୌହ ଖଣି ର ସିଏସଆର ପ୍ରବନ୍ଧକ ଅମୀୟ ରାଉତ, ଟେଂସା ସରପଞ୍ଚ ଅନିତା ପୂର୍ତ୍ତୀ, ସମାଜସେବୀ ପ୍ରଭାତ ପଣ୍ଡା, ସେଲ ହସ୍ପିଟାଲ ର ଦନ୍ତ ବିଶେଷଜ୍ଞ ଡାକ୍ତର ଅଯୋଧ୍ୟା ପ୍ରସାଦ ପଣ୍ଡା ପ୍ରମୁଖ ଯୋଗ ଦେଇ ଗୁଣାତ୍ମକ ଶିକ୍ଷା ରେ ଶିକ୍ଷକ ଙ୍କ ଭୂମିକା ଉପରେ ଆଲୋକପାତ କରିଥିଲେ I କାର୍ଯ୍ୟକ୍ରମ ଦ୍ୱିତୀୟ ପର୍ଯାୟ ରେ ବଣାଇ, ଗୁରୁଣ୍ଡିଆ, କୁତ୍ରା ବ୍ଲକ ର ଗୋଷ୍ଟୀ ଶିକ୍ଷା ଅଧିକାରୀ ମାନେ ଯୋଗ ଦେଇ ଉପସ୍ଥିତ ଥିବା ସମସ୍ତ ବ୍ଲକ ର ପ୍ରଧାନ ଶିକ୍ଷକ ଓ ଶିକ୍ଷୟତ୍ରୀ ଏବଂ ଅନ୍ୟ ଶିକ୍ଷକ ଶିକ୍ଷୟତ୍ରୀ ମାନଂକୁ ଗୁଣାତ୍ମକ ଶିକ୍ଷା ଓ ଶିକ୍ଷକ ମାନଙ୍କ ର ଭୂମିକା ବିଷୟରେ ବୁଝାଇଥିଲେ I ଏହି କାର୍ଯ୍ୟକ୍ରମ ରେ କୋଇଡା ଗୋଷ୍ଟୀ ଶିକ୍ଷା ଅଧିକାରୀ ଅଭିମନ୍ୟୁ ବେହେରା ସଭାପତିତ୍ୱ କରିଥିବା ବେଳେ ଟେଂସା ସିଆରସିସି ପ୍ରଶାନ୍ତ କୁମାର ପରିଡା ମଞ୍ଚ ପରିଚାଳନା କରିଥିଲେ I ଏହି ଅବସରରେ ସମସ୍ତ ଅତିଥି, ଅବସର ପ୍ରାପ୍ତ ଶିକ୍ଷକ ଶିକ୍ଷୟତ୍ରୀ ଏବଂ ସାମ୍ବାଦିକ ମାନଂକୁ ସମ୍ବର୍ଦ୍ଧିତ କରାଯାଇଥିଲା I ମନୋରମା ଦାସଙ୍କ ଦ୍ୱାରା ଲିଖିତ ଶିଶୁ ପୁସ୍ତକ ଉନ୍ମୋଚିତ କରାଯାଇଥିଲା I କୋଇଡା ବ୍ଲକ ଶିକ୍ଷକ ସଙ୍ଘ ତରଫରୁ ଆୟୋଜିତ ଏକ ରକ୍ତଦାନ ଶିବିର ରେ ବଣାଇ ରକ୍ତ ଭଣ୍ଡାର ର ଡାକ୍ତର ଅନିରୁଦ୍ଧ ବେହେରା ତତ୍ୱାବଧାନ ରେ ୩୭ୟୁନିଟ ରକ୍ତ ସଂଗ୍ରହ କରାଯାଇଥିଲା I ସ୍ବେଛାସେବୀ ସଂଗଠନ ଏସପେୟାର ମୁଖ୍ୟ ଵାପିଲି ଗୋସ୍ୱାମୀ ଏବଂ ସମସ୍ତ ସଦସ୍ୟ ମାନେ ଶିକ୍ଷା ମେଳା ପ୍ରଦର୍ଶନ କରିବା ସହିତ କାର୍ଯ୍ୟକ୍ରମ ରେ ସହଯୋଗ କରିଥିଲେ I
କୋଇଡା ରୁ ଅକ୍ଷୟ ବିଶ୍ବାଳ ମସିହା ନିଉଜI
