ଜମ୍ମୁ କାଶ୍ମୀରର ଫୁଲୱାମା ବିସ୍ପୋରଣରେ ଶହୀଦ ଯବାନ ମାନଙ୍କୁ ମନେ ପକାଇ ଏକ ରାଲିର ଆୟୋଜନ
ନବରଙ୍ଗପୁର:(୧୪/୦୨)(ରବିନାରାୟଣମହାନ୍ତି)ନବରଙ୍ଗପୁର ଜିଲ୍ଲା ପାପଡାହାଣ୍ଡି ବ୍ଲକରେ ଥିବା ଗୁରୁକୃପା ପବ୍ଲିକ ସ୍କୁଲ ୨୦୧୯ ରେ ହୋଇଥିବା ଜମ୍ମୁ କାଶ୍ମୀରର ଫୁଲୱାମା ବିସ୍ପୋରଣରେ ଶହୀଦ ଯବାନ ମାନଙ୍କୁ ମନେ ପକାଇ ଏକ ରାଲିର ଆୟୋଜନ ହୋଇଯାଇଛି | ଏହି ରାଲି ରେ ବିଦ୍ୟାଳୟର କୁନି କୁନି ପିଲାମାନେ ଫୁଲୱାମାରେ ଶହୀଦ ହୋଇଥିବା ଶହୀଦଙ୍କ ଅମର ଆତ୍ମାର ସଦଗତି ନିମନ୍ତେ ହାତରେ କିଛି ପୋଷ୍ଟର ଧରି ପାପଡାହାଣ୍ଡି ଗ୍ରାମ ପରିକ୍ରମା କରିଥିଲେ | ଏହି ରାଲିରେ ବିଦ୍ୟାଳୟର ଶିକ୍ଷୟତ୍ରୀ ମନୀଷା ପାଇକ, ରଶ୍ମିତା ଭୋଇ, ଲକ୍ଷ୍ମୀ ନାୟକ ପିଲାମାନଙ୍କୁ ଧାଡି କରି ରାସ୍ତାର ବାମ ପଟେ ବହୁତ ସୁନ୍ଦର ଭାବରେ ଶାନ୍ତି ଶୃଙ୍ଖଳାର ସହ ନେଉଥିଲେ |କୁନି କୁନି ପିଲାମାନଙ୍କୁ ବ୍ଲକ ଉନ୍ନୟନ ଅଧିକାରୀ କପିଳ ଦେବ ସାହୁ, ବି ପି ସି ଶଶିକାନ୍ତ ଦାସ ଜି ପି ଓ ଅକ୍ଷୟ କୁମାର ପଟ୍ଟନାୟକ ଓ ବ୍ଲକ କର୍ମଚାରୀ ବସଷ୍ଟାଣ୍ଡ ଠାରେ ସ୍ୱାଗତ କରିଥିଲେ ଏବଂ ଶିଶୁଙ୍କୁ ଚକଲେଟ ମଧ୍ୟ ଦେଇଥିଲେ | ବିସ୍ପୋରଣ ଏତେ ଭୟଙ୍କର ଥିଲା ଯେ ଆଜକୁ ୬ବର୍ଷ ବିତିଗଲା ପରେ ମଧ୍ୟ କିଛି ମାଆ ସେମାନଙ୍କ ପୁଅକୁ, କିଛି ସ୍ତ୍ରୀ ସେମାନଙ୍କ ସ୍ୱାମୀକୁ ଓ କିଛି ଶିଶୁ ସେମାନଙ୍କ ବାପାକୁ ହରାଇ ସେହି ସ୍ମୃତିକୁ ଭୁଲି ପାରୁନାହାନ୍ତି | ଫେବୃଆରୀ ୧୪ କୁ ଭେଲେଣ୍ଟାଇନ ଡେ ଭାବେ ପାଳନ କରାଯାଉଛି, କିନ୍ତୁ ୨୦୧୯ ମସିହାରୁ ଫେବୃଆରୀ ୧୪ ତାରିଖକୁ ଭାରତୀୟ ରାଷ୍ଟ୍ରୀୟ ବଳିଦାନ ସମ୍ମାନ ସମାରୋହ ବା କଳା ଦିବସ ଭାବେ ମଧ୍ୟ ପାଳନ କରାଯାଉଛି |
ନବରଙ୍ଗପୁର ଜିଲ୍ଲାରୁ ରବି ନାରାୟଣ ମହାନ୍ତିଙ୍କ ରିପୋର୍ଟ ମସିହା ନିଉଜ୍
