ବାଲିଘାଟ ରେ ଚଢାଉ ୩ ଟ୍ରକ ଜବତ
ରାଉରକେଲା: ୬/୩/୨୫ : କାଲି ବିଳମ୍ବିତ ରାତିରେ ଉପଜିଲ୍ଲାୁପାଳ ପାନପୋଷ ବିଜୟ ନାୟକଙ୍କ ନେତୃତ୍ୱରେ ପାନପୋଷ ଉପଖଣ୍ଡ ଏନଫୋର୍ସମେଣ୍ଟ ସ୍କାର୍ଡ ଉପଖଣ୍ଡର ୪ଟି ବାଲିଘାଟରେ ଚଢାଉ କରି ବେଆଇନ ଚୋରି ଚାଲାଣରେ ୩ଟି ବାଲି ରେ ଭର୍ତ୍ତି ଟ୍ରକ କୁ ଜବତ କରିିଛି l
ମିଳିଥିବା ସୂଚନା ଅନୁସାରେ ରାତି ୧୧.୩୦ ରୁ ୧୨.୩୦ ଘଟିକାରେ ମଧ୍ୟରେ ଉପଖଣ୍ଡ ର ତୁମକେଲା ବାଲିଘାଟ, ବିଜୁବନ୍ଧ, ତାରକେରା ବାଲିଘାଟ ଓ ଅଟାଘାଟ ରେ ସ୍କାର୍ଡ ଦ୍ବାରା ଚଢାଉ କରାଯାଇଥିଲା l ଚଢାଉ ସମୟରେ ଅଟାଘାଟ ଅଂଚଳରେ ବାଲିରେ ଭରା ଥବା ୩ ଗୋଟି ଟ୍ରକ ଜବତ କରି ଲାଠକଟ ଥାନl ରେ ରଖାଯାଇଛି l ଗାଡି ନମ୍ବର OR 14 R 6786 ରୁ ୭.୭୯୨ କ୍ୟୁବିକ ମି.ବାଲି , OR 14 P 0465ରୁ ୮.୭୭୬ କ୍ୟୁବିକ ମି.ଓ OR 14 W 2784 ରୁ ୮.୬୧୨ କ୍ୟୁବିକ ମି. ବାଲି ଜବତ କରାଯାଇଛି l
ଏହି ସ୍କାର୍ଡ ରେ ଡେପୁଟି ଡାଇରେକ୍ଟର ମାଇନିଂ ବିମ୍ବାଧର ସେଠୀ , ତହସିଲଦାର ନିବେଦିତା ପ୍ରଧାନ , ଏସଡିପିଓ ପାନପୋଷ ଅମ୍ବିତ ମହାନ୍ତି, ଅତିରିକ୍ତ ତହସିଲଦାର ସୁଦକ୍ଷ ପଟେଲ ଓ ଅମୁଲ୍ୟ ରତନ ସାହୁ , ଉକ୍ତ ଅଂଚଳର ଥାନାଧିକାରୀ ଉପସ୍ଥିତ ଥିଲେ l
ରାଉରକେଲା ରୁ କୁଞ୍ଜ ବିହାରି ରାଉତ ଙ୍କ ରିପୋର୍ଟ୍
