ଲଲାଟ ଲିଖନ
ଭାଗ୍ୟତ ଲେଖିଛି ଲଲାଟ ଲିଖନ
କିଏବା କରିବ ଆନ,
ଯାହା ଲେଖାଅଛି ଭୋଗିବାକୁ ହେବ
ଏତ ବିଧିର ବିଧାନ।
କର୍ମ ଦ୍ଵାରା ଲେଖା ଭାଗ୍ୟ ସୁନ୍ଦରତା
ଭାଗ୍ୟ ଦ୍ଵାରା ସର୍ବେ ବନ୍ଦୀ,
କର୍ମର ସୂତାରେ ସବୁରି କପାଳ
ହେଉଥାଏ ଛନ୍ଦାଛନ୍ଦି।
କାହାକୁ ହସାଏ କାହାକୁ କନ୍ଦାଏ
କାହାକୁ ନଚାଉଥାଏ,
କାହାକୁ ନେଇକି ସରଗେ ବସାଏ
କିଏ ନର୍କେ ଘାଣ୍ଟି ହୁଏ।
ରାତି ପାହିଥିଲେ ରାଜା ହୋଇଥାନ୍ତେ
ମର୍ଯ୍ୟାଦା ପୁରୁଷୋତ୍ତମ,
ଲଲାଟ ଲିଖନେ ଗଲେ ବନବାସ
କିଏ ହେବ ତାଙ୍କ ସମ।
ସେମିତି ଭୋଗୁଛି କପାଳ ଲେଖାମୁଁ
ଭୋଗିବି ମରିବା ଯାଏ,
ପ୍ରଭୁ ଯଦି ମୋର ଭୋଗିଥିଲେ କଷ୍ଟ
ମୁଁ ଅବା ଏମିତି କିଏ।
ଦୁଃଖର ଗୋଲାପ ସୁବାସେ ତାହାର
ଭିଯାଉଛି ମତେ ନିତି,
ହାତ ପାହାନ୍ତାରୁ ଖୁସି ଯାଏ ଖସି
ଇଏ ମୋ ଜୀବନ ଗୀତି।
ଭୂମି ସ୍ପର୍ଶ ଠାରୁ ଲୀନ ହେବା ଯାଏ
ଯେତେ ସବୁ କର୍ମ ଫଳ,
ହସ ଲୁହ ସାଥେ ସମ୍ପର୍କ ବାନ୍ଧିକି
ପୁରିଯାଉ ମୋର କାଳ।
ଶୁଭଶ୍ରୀ ପ୍ରଧାନ
କୋଣାର୍କ , ପୁରୀ
