ଜଙ୍ଗଲରୁ ପଳାଇ ଆସିଥିବା ହରିଣ ଉଦ୍ଧାର
କୋଇଡା – ୧୩/୦୩ // ସୁନ୍ଦରଗଡ଼ ଜିଲ୍ଲାର କୋଇଡା ବନାଞ୍ଚଳ ଅଧିନସ୍ଥ ଭବାନୀ ପାହାଡ଼ ଜଙ୍ଗଲ ମଧ୍ୟରୁ ଜନବସତୀ ମଧ୍ୟକୁ ପଳାଇ ଆସିଥିବା ହରିଣ କୁ କୋଇଡା ବନ ବିଭାଗ ଉଦ୍ଧାର କରିଛି I ମିଳିଥିବା ସୂଚନା ଅନୁଯାଇ ବଣାଇ ବନଖଣ୍ଡ ଅଧିନସ୍ଥ କୋଇଡା ବନାଞ୍ଚଳ ର ଭବାନୀ ପାହାଡ଼ ସଂରକ୍ଷିତ ଜଙ୍ଗଲ ମଧ୍ୟରୁ ଏକ ୧୫ ବର୍ଷ ବୟସ୍କ ଅଣ୍ଡିରା ହରିଣ ବାଟବଣା ହୋଇ କୋଇଡା ଜନବସତୀ ଅଂଚଳ କୁ ଚାଲି ଅସିଥିଲା I କିଛି କୁକୁର ହରିଣ ଟିକୁ କାମୁଡି ଗୋଡ଼ାଇବା ସମୟରେ ସ୍ଥାନୀୟ ଜନତା ପ୍ରଥମେ କୁକୁର ଙ୍କ ଠାରୁ ହରିଣ ଟିକୁ ଉଦ୍ଧାର କରି ବନବିଭାଗ କୁ ଖବର ଦେଇଥିଲେ I ଖବର ପାଇ ବନ ବିଭାଗ ର ଏକ ଟିମ ଘଟଣା ସ୍ଥଳରେ ପହଂଚି ଆହତ ହରିଣ ଟିକୁ କୋଇଡା ବନାଞ୍ଚଳ ଅଧିକାରୀ ଙ୍କ କାର୍ଯ୍ୟାଳୟ କୁ ଆଣିଥିଲେ I କୋଇଡା ବନାଞ୍ଚଳ ଅଧିକାରୀ ପ୍ରସନ କୁମାର ଙ୍କ ଠାରୁ ଖବର ପାଇ କୋଇଡା ଗୋଷ୍ଟୀ ପ୍ରାଣୀ ଚିକିତ୍ସା ଅଧିକାରୀ ଡାକ୍ତର ସୁଜିତ କୁମାର ବେହେରା ପହଂଚି ଆହତ ହରିଣ ର ପ୍ରାଥମିକ ଚିକିତ୍ସା କରିଥିଲେ I ଜଙ୍ଗଲ ମଧ୍ୟରୁ ପଳାଇ ଆସିଥିବା ହରିଣ ଟି ସୁସ୍ଥ ହେବା ପରେ ଡ଼ିଏଫଓ ଙ୍କ ଆଦେଶ ଅନୁସାରେ ହିଁ ଜଙ୍ଗଲ ରେ ଛଡା ଯିବା ନେଇ କୋଇଡା ବନାଞ୍ଚଳ ଅଧିକାରୀ ପ୍ରସନ କୁମାର ପ୍ରଧାନ ସୂଚନା ଦେଇଛନ୍ତି I
କୋଇଡା ରୁ ଅକ୍ଷୟ ବିଶ୍ବାଳ ମସିହା ନିଉଜ
