ଚାନ୍ଦା ଆଦାୟ କରି ରାସ୍ତା ତିଆରି କରିଲେ ଚାଟିଗୁଡା ଗ୍ରାମ ବାସୀ
ଡାବୁଗାଁ ୩୦/୫ (ମ.ନି.ସ.)- ନବରଙ୍ଗପୁର ଜିଲା ଡ଼ାବୁଗାଁ ବ୍ଲକ ମେଦନା ପଞ୍ଚାୟତ ଅଧୀନ ଚାଟିଗୁଡା ଗ୍ରାମ ରେ ଖେଳ ପଡ଼ିଆ ଓ ଅଙ୍ଗନୱାଡ଼ି କେନ୍ଦ୍ର କୁ ଯିବାପାଇଁ ରାସ୍ତା ନଥିଲା । ସରକାର ଖେଳ ପଡ଼ିଆ ଓ ଅଙ୍ଗନୱାଡ଼ି କେନ୍ଦ୍ର ତିଆରି କରି ଦେଲେ କିନ୍ତୁ ପିଲା ମାନେ କେମିତି ଅଙ୍ଗନୱାଡ଼ି ଯିବେ ସେଥି ପ୍ରତି ଦୃଷ୍ଟି ଦେଲେ ନାହିଁ | ଗ୍ରାମବାସୀ ଙ୍କ ଅଭିଯୋଗ କି 
ବାରମ୍ବାର ଗ୍ରାମସଭା ପଲ୍ଲୀ ସଭାରେ ଲିଖିତ ଭାବରେ ଦେଲେ ମଧ୍ୟ ତାହା କେବଳ ଲିଖିତ ଭାବରେ ରହିଯାଉଛି । ଏମଜିଏନଆରଇଜିଏସ ରେ ମଧ୍ୟ କାର୍ଯ୍ୟ ହେବା ପାଇଁ ଲିଖିତ ଭାବରେ ଦିଆଯାଇଛି କିନ୍ତୁ ତାହା କାର୍ଯକାରୀ ହୋଇପାରୁନାହିଁ । ଗ୍ରାମବାସୀ ଙ୍କ ଅଭିଯୋଗ ଖେଳପଡ଼ିଆ ଥିଲେ ମଧ୍ୟ ରାସ୍ତା ନଥିବାରୁ ପିଲା ମାନଙ୍କ ର କୌଣସି କାର୍ଯ୍ୟ ରେ ଆସୁନଥିଲା । ଚାଷୀ ଏହି ବର୍ଷ ର ରବି ଫସଲ ମକା ଚାଷ କୁ ରଖିବା ପାଇଁ କୌଣସି ସରକାରି ବ୍ୟବସ୍ଥା ନ ଥିବାରୁ କାଳବୈଶାଖୀ ରେ ଡରରେ ପାଖାପାଖି ୫୦୦ ଟନ୍ ଶସ୍ୟ କୁ ଖେଳ ପଡିଆ କୁ ନେଇ ରଖିଥିଲେ । ଶେଷରେ ବାଧ୍ୟ ହୋଇ ଗ୍ରାମବାସୀ ମାନେ ଗ୍ରାମରେ ଚାନ୍ଦା ଆଦାୟ କରି ନିଜେ ରାସ୍ତା ତିଆରି କରିଥିବା ଦେଖିବାକୁ ମିଳିଛି । ଏଥିପ୍ରତି ସରକାର ଦୃଷ୍ଟିଦେବାକୁ ଗ୍ରାମବାସୀ ମାନେ ଅନୁରୋଧ କରିଛନ୍ତି ।
ଡାବୁଗାଁରୁ ପ୍ରଜ୍ଞାରଞ୍ଜନ ପରିଡାଙ୍କ ରିପୋର୍ଟ
