ବିଶ୍ଵ ହସ ଦିବସ

 

ହସିବା ଟିକିଏ ଆସ

କାହିଁକି ରୁହ ବିରସ

ଆଜି ପରା ଅଟେ ପ୍ରଥମ ସଣ୍ଡେ

ପୃଥିବୀରେ ମଇ ମାସ।।

 

ହସି ଦିଅ ଖିଲି ଖିଲି

ଦୁଃଖ ଯାତନା କୁ ଭୁଲି

ହୃଦୟ ଖୋଲା ହସିଦେଲେ ଥରେ

ସବୁ ରୋଗ ଯିବ ଚାଲି।।

 

ଟିକିଏ ହସିବା ପାଇଁ

ଆମେ ସଦା ହାଇଁପାଇଁ

ସିନେମା ହଲରେ ଅପେରା ଦେଖାରେ

ସମୟ ଦେଉ ବିତାଇ।।

 

ହସ ପାଇଁ ଏକ ଦିନ

ଲକ୍ଷ ରଖି ବିଶ୍ଵ ଜନ

ବରଷ କୁ ଥରେ ହସିବା ନିମନ୍ତେ

ବାଛି ଛନ୍ତି ଛୁଟି ଦିନ।।

 

ଇକିଲି ମିକିଲି ଟିଆଁ

ହୁଅ ନାହିଁ ଅମାନିଆ

ହସି ହସାଇବା ସାରା ଜଗତକୁ

ମଉନ ରହୁଛ କିଆଁ।।

 

ହା ହା ହା………….।

କବି ରାମଚନ୍ଦ୍ର ମହାନ୍ତି