ମହର୍ଷି ଗୁରୁକୂଳ ର +୨ ପ୍ରଥମ ବର୍ଷ ଛାତ୍ରଛାତ୍ରୀ ଙ୍କୁ ସ୍ୱାଗତ ସମ୍ବର୍ଦ୍ଧନା ,ପିଲାଙ୍କ ସଫଳତା ପଛରେ ଶିକ୍ଷକଙ୍କ ଭୂମିକା ଗୁରୁତ୍ୱପୂର୍ଣ୍ଣ
ଗୁଣପୁର ୫/୯ ମହର୍ଷି ଗୁରୁକୂଳ ର +୨ ପ୍ରଥମ ବର୍ଷ ଛାତ୍ରଛାତ୍ରୀ ଙ୍କୁ ସ୍ୱାଗତ ସମ୍ବର୍ଦ୍ଧନା ଉତ୍ସବ ଅନୁଷ୍ଠିତ ହୋଇଯାଇଛି । ଗୁରୁବାର ଦିନ ଗୁଣୁପୁର ପଗଡ଼ବିଲି ଠାରେ ମହର୍ଷି ଗୁରୁକୂଳ କଲେଜ ରେ +୨ ପ୍ରଥମ ବାର୍ଷିର ନବାଗତ ଛାତ୍ରଛାତ୍ରୀଙ୍କୁ ଦ୍ଵିତୀୟ ବର୍ଷ ଛାତ୍ରଛାତ୍ରୀଙ୍କ ଙ୍କ ଦ୍ଵାରା ସ୍ୱାଗତ କରାଯାଇଥିଲା। ଏହି ଅଵସରରେ ମୁଖ୍ୟ ଅତିଥି ଭାବେ ଗୋଷ୍ଠୀ ଉନ୍ନୟନ ଅଧିକାରୀ ସ୍ୱସ୍ତିକ ଜମାଦାର ଯୋଗଦେଇ ଛାତ୍ରଛାତ୍ରୀ ଙ୍କୁ ପାଠପଢା ଓ ଭବିଷ୍ୟତ ଜୀଵନରେ କୃତକାର୍ଯ୍ୟ ପାଇଁ ସଫଳତା ର ମନ୍ତ୍ର ଦେଇଥିଲେ। ନିଜ ମସ୍ତିଷ୍କ ର ସ୍ଥିରତା ,ଶୃଙ୍ଖଳା ଓ ଆଗ୍ରହ ସହ ପଢ଼ିଲେ ନିଶ୍ଚିତ ଭାବେ ଭବିଷ୍ୟତ ରେ ନିଜର ଲକ୍ଷ ହାସଲ କରିପାରିବେ ବୋଲି ଶ୍ରୀ ଜମାଡାର ମତବ୍ୟକ୍ତ କରିଥିଲେ । ମୁଖ୍ୟବକ୍ତା ରୂପେ ଗୁଣୁପୁର କଲେଜ ର ଅବସର ପ୍ରାପ୍ତ ଅଧକ୍ଷ ଶଶୀଭୂଷଣ ମହାନ୍ତି ମୁଖ୍ୟ ବକ୍ତା ଭାବେ ଯୋଗଦେଇ ଛାତ୍ରଛାତ୍ରୀ ଏକାଗ୍ରତା ଦେଇ ଅଧ୍ୟୟନ କରିବା ପାଇଁ ପରାମର୍ଶ ଦେଇ ଉଜ୍ଵଳ ଭବିଷ୍ୟତ କାମନା କରିଥିଲେ। ଉତ୍ତମ ଛାତ୍ର ଗଠନରେ ଶିକ୍ଷକ ଓ ଶିକ୍ଷୟତ୍ରୀଙ୍କ ପରିଶ୍ରମ ଓ ଭୂମିକା ଗୁରୁତ୍ୱପୂର୍ଣ୍ଣ ବୋଲି ଶ୍ରୀ ମହାନ୍ତି କହିଥିଲେ। ଏହି ଅବସରରେ କଲେଜର ଟ୍ରଷ୍ଟ ଅଧ୍ୟକ୍ଷ ସନ୍ତୋଷ କୁମାର ଗୁରୁ , ସମ୍ପାଦକ ରାଜେଶ କୁମାର ପଣ୍ଡା, ନିର୍ଦେଶକ ଲୋକନାଥ ମିଶ୍ର, ଡୀନ ପ୍ରିୟବ୍ରତ ବିଷୋୟୀ ଓ ପ୍ରିନସିପାଲ ରାମକୃଷ୍ଣ ରଥ ନିଜର ବକ୍ତବ୍ୟ ପ୍ରଦାନ କରିଥିଲେ। ଶେଷରେ ଛାତ୍ରଛାତ୍ରୀ ମାନଙ୍କ ଦ୍ଵାରା ସାଂସ୍କୃତିକ କାର୍ଯ୍ୟକ୍ରମ ନାଚ ଗୀତ ଇତ୍ୟାଦି ପରିବେଷଣ କରାଯାଇଥିଲା। ଏହି କାର୍ଯ୍ୟକ୍ରମକୁ ଗୋପାଳ ବେହେରା, ପାର୍ଥ ସାରଥୀ, ମୋନିକା, ପୂଜା ପାଢ଼ୀ, ଶୁଭଶ୍ରୀ ଓ କାଳିନ୍ଦୀ ସଂଯୋଜନା କରିଥିଲେ ।
ଗୌରୀ ପଟ୍ଟନାୟକ ଙ୍କ ରିପୋର୍ଟ୍
