ଧରାକୋଟ ବ୍ଲକର ଦୁଇ ଶିକ୍ଷକ ପାଇଲେ ମୁଖ୍ୟମନ୍ତ୍ରୀ ପୁରସ୍କାର
ଆସିକା,୧୦/୯/୨୫ — ଧରାକୋଟ ବ୍ଲକର ରୁଗୁମୁ ଉଚ୍ଚ ପ୍ରାଥମିକ ବିଦ୍ୟାଳୟର ସହକାରୀ ଶିକ୍ଷକ ସୁଧାକର ରାଉତ ଏଲିମେଣ୍ଟାରି ବର୍ଗରେ ଓ ବାସୁଦେବ ନୋଡାଲ ଉଚ୍ଚ ବିଦ୍ୟାଳୟ ଢଉଗାଁ ର ସହକାରୀ ଶିକ୍ଷକ ହର ନାୟକ ମାଧ୍ୟମିକ ବର୍ଗରେ ଚଳିତ ବର୍ଷର ଗୁରୁ ଦିବସ ଅବସରରେ ମୁଖ୍ୟମନ୍ତ୍ରୀ ଶିକ୍ଷ୍ୟା ପୁରସ୍କାର ପାଇଛନ୍ତି । ଆଦର୍ଶ , କର୍ତବ୍ୟନିଷ୍ଠ ଶିକ୍ଷକ ସହ ଗୁଣାତ୍ମକ ଶିକ୍ଷା ପ୍ରଦାନ ପାଇଁ ସୁଧାକର ରାଉତ ଓ ସାମାଜିକ ବିଜ୍ଞାନ କ୍ଷେତ୍ରରେ ଉଲ୍ଲେଖନୀୟ ଅବଦାନ ପାଇଁ ହର ନାୟକ ଙ୍କୁ ଏହି ପୁରସ୍କାର ପ୍ରଦାନ ପାଇଁ ମନୋନୀତ କରାଯାଇଥିଲା । ଛତ୍ରପୁର ସ୍ଥିତ ଅନସ୍ଲୋ ଉଚ୍ଚ ବିଦ୍ୟାଳୟ ପରିସରରେ ଗଞ୍ଜାମ ଜିଲ୍ଲାପାଳ ଭି. କୀର୍ତ୍ତି ଭାସନ ଓ ଜିଲ୍ଲା ଶିକ୍ଷା ଅଧିକାରୀ ଅଜୟ ପାତ୍ରଙ୍କ ଠାରୁ ଉଭୟେ ଏହି ପୁରସ୍କାର ଗ୍ରହଣ କରିଥିଲେ। ସୁନ୍ଦର ଓ ସରଳୀକରଣ ପଦ୍ଧତିରେ ଶିକ୍ଷାଦାନ ସହ ପରିବେଶକୁ ସବୁଜ ସୁନ୍ଦର କରିବାରେ ଏମାନଙ୍କ ଅବଦାନ ଉଦାହରଣ ଯୋଗ୍ୟ । ଦୁଇ ଶିକ୍ଷକ ମୁଖ୍ୟମନ୍ତ୍ରୀ ପୁରସ୍କାର ପାଇଥିବାରୁ ସେମାନଙ୍କୁ ବ୍ଲକ ଶିକ୍ଷା ଅଧିକାରୀ ଅଭିମନ୍ୟୁ ସାହୁ, ବି ଆର ସି ସି ସୌରୀ ଶଙ୍କର ବେହେରା, ଏ ବି ଇ ଓ ବିଭୂତି ଭୂଷଣ ପାତ୍ର ଙ୍କ ସହ ସମସ୍ତ ଶିକ୍ଷକ,ଶିକ୍ଷୟତ୍ରୀ ଓ ଅଭିଭାବକ ସେମାନଙ୍କୁ ଶୁଭେଚ୍ଛା ଜଣାଇଛନ୍ତି ।
ଆସିକା ରୁ ଶିବ ଶଙ୍କର ମିଶ୍ର ଙ୍କ ରିପୋର୍ଟ ମସିହା ନ୍ୟୁଜ
