କର୍ଲାମୁଣ୍ଡା ବ୍ଲକରେ ନୂତନ ବିଡ଼ିଓ ଙ୍କ ଯୋଗଦାନ
କର୍ଲାମୁଣ୍ଡା, (ସୁଶାନ୍ତ ରଣା): କଳାହାଣ୍ଡି ଜିଲ୍ଲା କର୍ଲାମୁଣ୍ଡା ବ୍ଲକ କାର୍ଯ୍ୟାଳୟ ରେ ଗୋଷ୍ଠୀ ଉନ୍ନୟନ ଅଧିକାରୀ ଭାବେ ସୁଶ୍ରୀ ସୁଚରିତା ମୁଗ୍ରୀ ବୁଧବାର ଦିନ କାର୍ଯ୍ଯରେ ଯୋଗଦାନ କରିଛନ୍ତି I ସେ ପୂର୍ବରୁ ବଲାଙ୍ଗିର ଜିଲ୍ଲା ରେ ଡେପୁଟି କଲେକ୍ଟର ଭାବରେ କାର୍ଯ୍ୟରତ ଥିଲେ I ଏଥିରେ ବ୍ଲକ ଭାଜପା କମିଟି, ସଭାପତି ଡୋଳାମଣି ଭୋଇ, ଯୋରାଡବରା ମଣ୍ଡଳ ସଭାପତି ଯତିଦ୍ର ସାହୁ ନେତୃତ୍ବରେ ଶତାଧିକ କର୍ମକର୍ତ୍ତା ସ୍ବାଗତ ସମ୍ବର୍ଦ୍ଧନା ଜଣାଇଥିଲେ I ସେହିପରି ବିଜୁଜନତା ଦଳର ବ୍ଲକ ସଭାପତି ଯଶୋବନ୍ତ ସାହୁ, ଯୁଗଳ କିଶୋର ନାଏକ ଙ୍କ ସମେତ ଶତାଧିକ କର୍ମକର୍ତ୍ତା ଏବଂ ସରପଞ୍ଚ ସଂଘର ସଭାପତି ବରୁଣ ଛତ୍ରିଆ ସମେତ ଏଗାରଟି ପଞ୍ଚାୟତ ର ସରପଞ୍ଚ ମାନେ ମଧ୍ୟ ସ୍ବାଗତ ଜଣାଇଛନ୍ତି I ବିଭାଗୀୟ ପଦୋନ୍ନତି ପାଇବା ପରେ ବିଡ଼ିଓ ସୁଚରିତା ମୁଗ୍ରୀ ପ୍ରଥମେ ମୁଖ୍ୟମନ୍ତ୍ରୀ ଓ ଜିଲ୍ଲାପାଳ ଙ୍କୁ କୃତଜ୍ଞତା ଜଣାଇଛନ୍ତି I ଅଞ୍ଚଳରେ ବେଆଇନ ଦୁର୍ନିତି, ଅସାମାଜିକ କାର୍ଯ୍ୟକଳାପ ଉପରେ କଡା ନଜର ରଖି ଜନସାଧାରଣଙ୍କ ସହ ମିଶି ସମସ୍ୟା ଗୁଡିକର ସମାଧାନ କରିବା ମୋର ପ୍ରଥମ ଲକ୍ଷ୍ୟ ରହିବ ବୋଲି ପ୍ରତିକ୍ରିୟା ରେ ସୁଶ୍ରୀ ବିଡ଼ିଓ ସୁଚରିତା ମୁଗ୍ରୀ କହିଛନ୍ତି I ଆଜି କାର୍ଯ୍ଯରେ ଯୋଗଦାନ ପରେ ବିଭିନ୍ନ ମହଲରୁ ସ୍ବାଗତ କରାଯାଇଛି I ପ୍ରକାଶ ଥାଉକି ସୁଶ୍ରୀ ସୁଚରିତା ମୁଗ୍ରୀ ତା.୦୨.୧୦.୨୦୨୨ ରୁ ୩୧.୧.୨୦୨୪ ପର୍ଯ୍ୟନ୍ତ କର୍ଲାମୁଣ୍ଡା ବ୍ଲକରେ ବିଡ଼ିଓ ଭାବେ କାର୍ଯ୍ଯ କରିଥିଲେ I ବର୍ତ୍ତମାନ ଦ୍ବିତୀୟ ଥର ପୁନଃ ଯୋଗଦାନ କରିଛନ୍ତି I
କର୍ଲାମୁଣ୍ଡାରୁ ସୁଶାନ୍ତ ରଣାଙ୍କ ରିପୋର୍ଟ, ମସୀହା
