ଆଦିବାସୀ ଲୋକଙ୍କୁ ଜଙ୍ଗଲର ଶାଳପତ୍ର ଯୋଗାଉଛି ରୋଜଗାର
ନବରଙ୍ଗପୁର:(୨୪|୧୦)(ରବି ନାରାୟଣ ମହାନ୍ତି)ନବରଙ୍ଗପୁର ଜିଲ୍ଲା ଗ୍ରାମାଞ୍ଚଳରେ ବସବାସ କରୁଥିବା ଆଦିବାସୀ ବିଭିନ୍ନ ଜଙ୍ଗଲ ଜାତ ଦ୍ରବ୍ୟ ଜଙ୍ଗଲ ରୁ ସଂଗ୍ରହ କରି ବେଶ୍ ଦିପଇସା ରୋଜଗାର କରି ଜିବିକା ନିର୍ବାହ କରି ପାରିବାର ପ୍ରତି ପୋଷଣ କରିଥାନ୍ତି l ଜଙ୍ଗଲ ଜାତ ଦ୍ରବ୍ୟ ବାଦେ ଜଙ୍ଗଲର ଶାଳ ପତ୍ର ସଂଗ୍ରହ କରି ବିଡ଼ା ବାନ୍ଧି ବଜାରରେ ବିକ୍ରି କରିଥାନ୍ତି l ବାଉଁଶ ସରୁ ସରୁ କାଠିରେ ଶାଳ ପତ୍ର କୁ ସିଲେଇ କରି ଖଲି ପତ୍ର ତିଆରି କରି ବିକ୍ରି କରି ରୋଜଗାର କରିଥାନ୍ତି l ଏହାସହ ଶାଳ ଓ କରଞ୍ଜ ଗଛ ର କାଠି କୁ ଦାନ୍ତ କାଠି ଭାବେ ବିକ୍ରି କରିଥାନ୍ତି l ଏହାଦ୍ୱାରା ସେମାନେ ଦିନକୁ ୫୦୦ ରୁ ୬୦୦ ଟଙ୍କା ରୋଜଗାର କରିଥାନ୍ତି l ପର୍ବ ପର୍ବାଣୀ ରେ ବିକ୍ରି ଅଧିକା ହେଉଥିବା ଯୋଗୁଁ ଅଧିକ ରୋଜଗାର କରିଥାନ୍ତି l ପର୍ବ ପର୍ବାଣୀ ରୁ ଆରମ୍ଭ କରି ଗ୍ରାମରେ ଘରୋଇ ଭୋଜି ଭାତ ଓ ହୋଟେଲ ମାନଙ୍କରେ ଖଲିପତ୍ର ଆଦର ଓ ଚାହିଦା ଅଧିକ ରହୁଛି, ଯାହା ଦ୍ୱାରା ଲୋକେ ଏହି ଖଲିପତ୍ରରେ ଭୋଜନ କରିବାକୁ ଆଗ୍ରହ ପ୍ରକାଶ କରିଥାନ୍ତି l ଏତଦବ୍ୟତୀତ ଠାକୁରଙ୍କ ପାଖରେ ଶାଳପତ୍ରରେ ଭୋଗ ଲାଗି କରାଯାଇଥାଏ l ଏପରିକି ନବରଙ୍ଗପୁର ବିଭିନ୍ନ ହୋଟେଲରେ ଏହି ଶାଳ ପତ୍ର ରେ ଖାଦ୍ୟ ପରସିଥାନ୍ତି l ଏହି ପତ୍ର ବ୍ୟବହାର ରେ ପରିବେଶ ନଷ୍ଟ ହେଉ ନଥିବା ବେଳେ ଏହି ପତ୍ରରେ ଖାଇବା ଦ୍ୱାରା ସ୍ଵାସ୍ଥ୍ୟ ପାଇଁ ଉପକାରୀ ଦେଇଥାଏ l ନବରଙ୍ଗପୁର ଜିଲ୍ଲାରେ ଜଙ୍ଗଲରେ ଥିବା ଶାଳଗଛ ଆଦିବାସୀ ଲୋକଙ୍କୁ ରୋଜଗାରକ୍ଷମ କରାଇଥାଏ l କୋରାପୁଟର କଫି ଭଳି ନବରଙ୍ଗପୁରର ଶାଳପତ୍ର ଏକ ସ୍ଵତନ୍ତ୍ର ପରିଚୟ ସୃଷ୍ଟି କରି ପାରିଛ ବୋଲି କୁହନ୍ତି ନବରଙ୍ଗପୁର ଜିଲ୍ଲାବାସୀ l ଜଙ୍ଗଲ ଲୋକମାନଙ୍କୁ ରୋଜଗାର ଦେଇଥିବାରୁ ଜଙ୍ଗଲ ବୃଦ୍ଧି ପାଇଁ ସରକାର ଦୃଷ୍ଟି ଦେଲେ ନବରଙ୍ଗପୁର ଜିଲ୍ଲାର ବନବାସୀ ମାନଙ୍କ ରୋଜଗାର ବୃଦ୍ଧି ପାଇ ପାରିବ ବୋଲି ଜନସାଧାରଣ ରେ ମତ ପ୍ରକାଶ ପାଇଛି l
ନବରଙ୍ଗପୁର ଜିଲ୍ଲାରୁ ରବି ନାରାୟଣ ମହାନ୍ତିଙ୍କ ରିପୋର୍ଟ ମସିହା
