ମଠକରଗୋଳା ମହାବିଦ୍ୟାଳୟ
ଓଡ଼ିଆ ବିଭାଗର ନବୀନ ବରଣ ଉତ୍ସବ
କାମାକ୍ଷାନଗର (ମନିସ)22/8/25 — ମଠକରଗୋଳା ମହାବିଦ୍ୟାଳୟ ଓଡ଼ିଆ ଭାଷା ଓ ସାହିତ୍ୟ ବିଭାଗ ତରଫରୁ ପ୍ରଥମ ବର୍ଷର ଛାତ୍ର ଛାତ୍ରୀଙ୍କ ଉଦ୍ଦେଶ୍ୟରେ ନବୀନ ବରଣ ଉତ୍ସବ ଅନୁଷ୍ଠିତ ହୋଇଯାଇଛି। ମହାବିଦ୍ୟାଳୟର ସମ୍ମିଳନୀ କକ୍ଷରେ ଆୟୋଜିତ ଏହି କାର୍ଯ୍ୟକ୍ରମରେ ମହାବିଦ୍ୟାଳୟ ର ଅଧ୍ୟକ୍ଷ ପ୍ରଫେସର ଚିତ୍ତ ରଂଜନ ଦାଶ ସଭାପତିତ୍ବ କରିଥିଲେ। ପ୍ରାରମ୍ଭରେ ବିଭାଗୀୟ ମୂଖ୍ୟ ଅଧ୍ୟାପିକା ଅମିତାଞ୍ଜଳୀ ମିଶ୍ର ନବାଗତ ମାନଙ୍କୁ ସ୍ଵାଗତ ଜଣାଇବା ସହ ମହାବିଦ୍ୟାଳୟ ର ନୀତି ଓ ଆଦର୍ଶ ସମ୍ପର୍କରେ ସୂଚନା ଦେଇଥିଲେ। ବାଣିଜ୍ୟ ବିଭାଗର ଅଧ୍ୟାପକ ସୁଧାଂଶୁ ଶେଖର ପାତ୍ର ମୂଖ୍ୟ ବକ୍ତା ଭାବେ ଯୋଗଦେଇ ଛାତ୍ରଛାତ୍ରୀ ମାନେ ଓଡ଼ିଆ ଭାଷା ଓ ସାହିତ୍ୟ ରେ ପାରଦର୍ଶିତା ହାସଲ କରିବା ନିମନ୍ତେ ଆହ୍ଵାନ ଦେଇଥିଲେ। ଏଥି ନିମନ୍ତେ ଓଡ଼ିଶା ସରକାରଙ୍କ ବିଭିନ୍ନ ପ୍ରୋତ୍ସାହନ ସମ୍ପର୍କିତ ତଥ୍ୟ ପ୍ରଦାନ କରିଥିଲେ। ସମ୍ମାନିତା ଅତିଥି ଭାବେ ଯୋଗଦେଇ ଆଭ୍ୟନ୍ତରୀଣ ଗୁଣବତ୍ତା ପ୍ରକୋଷ୍ଠ ର ସଂଯୋଜିକା ଅଧ୍ୟାପିକା ସ୍ଵପ୍ନିତା ରାଉତ ଛାତ୍ରଛାତ୍ରୀ ମାନେ ପ୍ରତିଦ୍ବନ୍ଦିତା ମୂଳକ ପରୀକ୍ଷାରେ ସଫଳତା ହାସଲ ନିମନ୍ତେ ଓଡ଼ିଆ ଭାଷା କିପରି ସହାୟକ ହେବ ବର୍ଣ୍ଣନା କରିଥିଲେ। ଓଡ଼ିଆ ବିଭାଗର ଅଧ୍ୟାପକ ମନୋରଂଜନ ବେହେରା ଓ ଅଧ୍ୟାପିକା ଲକ୍ଷ୍ମୀପ୍ରିୟା ସାହୁ ନୂତନ ଜାତୀୟ ଶିକ୍ଷା ନୀତିରେ ଓଡ଼ିଆ ବିଷୟବସ୍ତୁ ଉପରେ ଆଲୋକପାତ କରିଥିଲେ। ପ୍ରଥମ ଶ୍ରେଣୀ ସମ୍ମାନ ରେ ନାମ ଲେଖାଇଥିବା ଛାତ୍ରଛାତ୍ରୀ ମାନେ ସ୍ଵପରିଚୟ ପ୍ରଦାନ କରିବା ସହ ଜୀବନ ର ଲକ୍ଷ୍ୟ ସମ୍ପର୍କରେ ମତବ୍ୟକ୍ତ କରିଥିଲେ। ଅଧ୍ୟକ୍ଷ ଶ୍ରୀ ଦାଶ ଓଡ଼ିଆ ସାହିତ୍ୟର ଇତିହାସ ଓ କ୍ରମବିକାଶ ସମ୍ପର୍କରେ ଆଲୋଚନା କରିବା ସହ ଏହା କିପରି ବିଶ୍ଵ ର ଅନ୍ୟ ସାହିତ୍ୟ ଠାରୁ ସ୍ଵତନ୍ତ୍ର ତାହା ବର୍ଣ୍ଣନା କରିଥିଲେ। ଏଥି ସହ ଭବିଷ୍ୟତପିଢି ମାତୃଭାଷା ଓ ମାତୃଭୂମି ପ୍ରତି ମମତା ରଖିବାକୁ ଆହ୍ୱାନ ଦେଇଥିଲେ। ବରିଷ୍ଠ ଛାତ୍ରଛାତ୍ରୀ ମାନଙ୍କ ନୃତ୍ୟ ସଙ୍ଗୀତ ପରିବେଷଣ ତଥା ନବାଗତ ଙ୍କ ଉଦ୍ଦେଶ୍ୟରେ କୌତୁକ ପ୍ରଶ୍ନ ପରିବେଶ କୁ ଋଦ୍ଧିମନ୍ତ କରିଥିଲା । ସୁମନ୍ତ ପ୍ରଧାନ ଶ୍ରେଷ୍ଠ ନବାଗତ ଏବଂ ସାଇଶ୍ରୀ ମହାରଣା ଶ୍ରେଷ୍ଠ ନବାଗତା ଘୋଷିତ ହୋଇ ରୌପ୍ୟ ମୁକୁଟ ରେ ଭୂଷିତ ହୋଇଥିଲେ। ବିଭାଗର ସମସ୍ତ ଛାତ୍ରଛାତ୍ରୀ ଙ୍କ ସହ ମହାବିଦ୍ୟାଳୟ ର ଅଧିକାଂଶ ଅଧ୍ୟାପକ ଅଧ୍ୟାପିକା ଉକ୍ତ କାର୍ଯ୍ୟକ୍ରମରେ ଯୋଗଦେଇଥିଲେ।
ପ୍ରହ୍ଲାଦ ମୁଦୁଲିଙ୍କ ରିପୋର୍ଟ
