ପଦ୍ମବଜାର ମାଣ୍ଡବା ସାହିରେ ୨୭ତମ କାର୍ତିକେଶ୍ବର ପୂଜା ଉପଲକ୍ଷେ କଳସଯାତ୍ରା
ଢେଙ୍କାନାଳ, ୩୧/୧୦: ଢେଙ୍କାନାଳ ପଦ୍ମ ବଜାର ମାଣ୍ଡବା ସାହିରେ ୨୭ତମ କାର୍ତିକେଶ୍ୱର ପୂଜା ଉପଲକ୍ଷେ ଆଜି ପବିତ୍ର ଅଁଳା ନବମୀରେ ସ୍ଥାନୀୟ କମଗରା ଘାଟ ଠାରୁ ପୂଜାର୍ଚ୍ଚନା କରାଯାଇ ୨୧ରୁ ଉର୍ଦ୍ଧ୍ବ ମହିଳା ଓ ପୁରୁଷ କଳସ ଧରି ବାଦ୍ୟ ଦ୍ବାରା ସହର ପରିକ୍ରମା କରାଯାଇ ମଣ୍ଡପରେ ପହଁଚିଥିଲେ । ପରେ କାର୍ତିକେଶ୍ୱରଙ୍କର ଅଧୁବାସ ପୂଜା ଆରମ୍ଭ ହୋଇଥିଲା । ପ୍ରତ୍ୟେକ ଦିନ ସକାଳୁ ନୀତି ପୂଜା, ମଧ୍ୟାହ୍ନ ପୂଜା, ସଂଧ୍ୟା ଆଳତି ସହିତ ବିଭିନ୍ନ ଭୋଗ କାର୍ତିକେଶ୍ୱରଙ୍କ ପାଖରେ ଲାଗି କରାଯିବ। ପ୍ରତ୍ୟେକ ଦିନ ପ୍ରତଃପୂଜା ଓ ହୋମ ସହିତ ଆସନ୍ତା ୫ ତାରିଖ କାର୍ତିକ ପୂର୍ଣ୍ଣିମା ଦିନ ପୂର୍ଣାହୁତି ଅନୁଷ୍ଠିତ ହେବ । ମୁଖ୍ୟ ପୂଜକ ସିଦ୍ଧେଶ୍ଵର ମିଶ୍ର ଓ କର୍ତା ସୁଜିତ୍ କୁମାର ସାହୁ ଏବଂ କର୍ତୀ ଝୁନୁ ସାହୁ ସମସ୍ତ ପୂଜାକୁ ସଂପାଦନ କରିଥିବାବେଳେ କର୍ମକର୍ତା ଦେବବ୍ରତ ସାହୁ, ଶ୍ରୀନିବାସ ସାହୁ, ସାନୁ ପୃଷ୍ଟି, ସଞ୍ଜୟ ସାହୁ, ସାଗତ କୁମାର ସାହୁ, ବିଚିତ୍ର ସାହୁ, ଅନିଲ୍ ସାହୁ, ଲିଙ୍କୁ ସାହୁ ଓ ଜିଲୁ ସାହୁଙ୍କ ସମେତ ବହୁ କର୍ମକର୍ତା ସାହାଯ୍ୟ କରିଥିଲେ।
ଶୁଭମ୍ ପାଣି ଙ୍କ ରିପୋର୍ଟ୍
