ରୋଟାରୀ କ୍ଲବ ଅଫ ରାଉରକେଲା ଷ୍ଟିଲ ସିଟି ପକ୍ଷରୁ ଡିଜିଟାଲ ମାର୍କେଟିଙ୍ଗ ସମ୍ପର୍କିତ ଆଲୋଚନା ଚକ୍ର ଅନୁଷ୍ଠିତ
ରାଉରକେଲା: ରୋଟାରୀ କ୍ଲବ ଅଫ ରାଉରକେଲା ଷ୍ଟିଲ ସିଟି ଓ ଟେକୱାଲା କେ 3 ସଲ୍ୟୁସନ ପ୍ରାଇଭେଟ ଲିମିଟେଡ଼ ର ମିଳିତ ଆନୁକୂଲ୍ୟରେ ଡିକୋଡ଼ିଙ୍ଗ ଡିଜିଟାଲ ମାର୍କେଟିଙ୍ଗ ସମ୍ପର୍କିତ ଏକ ଆଲୋଚନାଚକ୍ର ସ୍ଥାନୀୟ ମାକ୍ସମୁଲାର ହଲ ଠାରେ ଅନୁଷ୍ଠିତ ହୋଇଯାଇଛି l ଏଥିରେ ମୁଖ୍ୟ ଅତିଥି ଭାବେ ରୋଟାରୀୟାନ ଏଫ. ସି. ମହାନ୍ତି ମୁଖ୍ୟ ଅତିଥି ଓ ଆରଏସପି ଟାଉନ ସର୍ଭିସ ଓ ସିଏସଆର ବିଭାଗ ସିଜିଏମ ଟି. ଜି. କନେକର, କେ 3 ସଲ୍ୟୁସନର ନିର୍ଦ୍ଦେଶକ ମୃତ୍ୟୁଞ୍ଜୟ ଚାଟାର୍ଜି ପ୍ରମୁଖ ସମ୍ମାନିତ ଅତିଥି ଭାବେ ମଂଚାସୀନ ଥିଲେ l ଅତିଥି ମାନେ ଡିଜିଟାଲ ମିଡ଼ିଆ ର ଆବଶ୍ୟକତା ସମ୍ପର୍କ ରେ ଆଲୋଚନା କରି ସଂସ୍ଥା ର 
ବ୍ରାଣ୍ଡିଙ୍ଗ, ପ୍ରଡକ୍ଟ ମାର୍କେଟିଙ୍ଗ ଦ୍ୱାରା ବ୍ୟବସାୟ ରେ ସଫଳତା ମିଳିପାରିବ ବୋଲି କହିଥିଲେ l ବିଶେଷ କରି ଏହି ଡି. କୋଡ଼ିଙ୍ଗ ବ୍ୟବସ୍ଥା ଉଦ୍ୟୋଗୀ ମାନଙ୍କ ପାଇଁ ବେଶ ସହାୟ ହେବ ବୋଲି ମତ ଦେଇଥିଲେ l ଏଥିରେ କ୍ଲବ ର ସଭାପତି ରୋଟାରୀଆନ ବୀଣାପାଣି ରଥ ଅଧ୍ୟକ୍ଷତା କରିଥିଲେ l ରୋଟାରୀୟାନ ରାହୁଲ ପୁତୁଲ ସଭା ସଂଚାଳନ କରିଥିଲେ l ଉପଦେଷ୍ଟା ରୋଟାରୀୟାନ ଅଞ୍ଜନା ମୈତ୍ର ଅନ୍ୟତମ ଅତିଥି ଭାବେ ଯୋଗ ଦେଇଥିଲେ l ବୈଷୟିକ ପର୍ଯ୍ୟାୟ ରେ କେ 3 ସଲ୍ୟୁସନର ନିର୍ଦ୍ଦେଶିକା ବ୍ରିନ୍ଦା ଦାସ ଓ ଅନ୍ୟତମ ନିର୍ଦ୍ଦେଶକ କିଶୋର ନାଗ ଆଲୋଚ୍ୟ ବିଷୟ ଉପରେ ବିଷଦ ଭାବେ ଆଲୋଚନା କରି ଏହାର ବ୍ୟବହାର, ଚାହିଦା, ସୁଯୋଗ ପ୍ରଭୃତି ଦିଗ ସମ୍ପର୍କ ରେ ସଚେତନ କରାଇଥିଲେ l ଯୁବ ପିଢ଼ି ଏହାକୁ ବୃତ୍ତି ଭାବେ ମଧ୍ୟ ଗ୍ରହଣ କରିପାରିବେ ବୋଲି କହିଥିଲେ l ଅନ୍ୟମାନଙ୍କ ମଧ୍ୟରେ ରୋଟାରୀୟାନ ଡ଼ଃ ସରିତା ମଲ୍ଲ, ବିଜୟ ବୈଭବ, ସନ୍ଧ୍ୟାରାଣୀ ବରାଳ,ଟୁନି ଦେବୀ, ରଶ୍ମି ନାୟକ, ନମିତା ଆଚାର୍ଯ୍ୟ, ଆନ୍ନାବେଲ ଡିସୌଜା, ଆଲେକଜାଣ୍ଡାର ଡିସୌଜା, ଦେବଜିତ ବାନେର୍ଜୀ,ସୁରଜ ନାୟକ, ଆଶିଷ ନାୟକ ,ୟଶ ମିଶ୍ର, k3 ସଲ୍ୟୁସନ ର ଡୋୟେଲ ଭଟ୍ଟାଚାର୍ଯ୍ୟ ପ୍ରମୁଖ ଉପସ୍ଥିତ ଥିଲେ l ଶେଷରେ ଅଞ୍ଜନା ମୈତ୍ର ଧନ୍ୟବାଦ ଅର୍ପଣ କରିଥିଲେ l
ରାଉରକେଲା ରୁ କୁଞ୍ଜ ବିହାରି ରାଉତ ଙ୍କ ରିପୋର୍ଟ୍
