ପ୍ରଭୁ ପଶ୍ଚିମେଶ୍ୱରଙ୍କ ମନ୍ଦିରରେ କାର୍ତ୍ତିକ ପୂର୍ଣ୍ଣିମା ବା ରାସ ପୂର୍ଣ୍ଣିମା ଯାତ୍ରାରେ ୫୦ ହଜାରରୁ ଉର୍ଦ୍ଧ୍ବ ଶ୍ରଦ୍ଧାଳୁ ଭକ୍ତମାନଙ୍କ ସମାଗମ
ଢେ଼ଙ୍କାନାଳ (ମନିସ)5/11/25 — ପବିତ୍ର କାର୍ତ୍ତିକ ମାସ ଶେଷ ହୋଇଯାଇଛି । ବାବା ପଶ୍ଚିମେଶ୍ୱରଙ୍କ ଦର୍ଶନ କରିବା ସହିତ ମାସ ଯାକର ବ୍ରର୍ତ୍ତ ଭାଙ୍ଗିଥିଲେ ଶ୍ରଦ୍ଧାଳୁ । ଢେ଼ଙ୍କାନାଳ ଜିଲ୍ଲା ସଦର ବ୍ଲକ ଛଦେଶ ଅଞ୍ଚଳର ଆରାଧ୍ୟା ଦେବତା ପ୍ରଭୁ ବାବା ପଶ୍ଚିମେଶ୍ୱରଙ୍କର କାର୍ତ୍ତିକ ପୂର୍ଣ୍ଣିମା ବା ରାସ ପୂର୍ଣ୍ଣିମା ଯାତ୍ରା ଅତି ଧୁମ୍ ଧାମରେ ପାଳିତ ହୋଇଯାଇଛି । ପ୍ରଭୁ ମହାଦେବଙ୍କର ବିଭିନ୍ନ ରୀତିନୀତିର ସହିତ ପୂଜାପାଠ ପରେ ଶ୍ରଦ୍ଧାଳୁ ଓ ଭକ୍ତମାନେ ପ୍ରଭୁଙ୍କର ଦର୍ଶନ କରି ପ୍ରଭୁକୃପା ଲାଭ କରିଛନ୍ତି । କାର୍ତ୍ତିକ ପୂର୍ଣ୍ଣିମା ବା ରାସପୂର୍ଣ୍ଣିମା ଯାତ୍ରାରେ ୫୦ ହଜାରରୁ ଉର୍ଦ୍ଧ୍ବ ଭକ୍ତ ଓ ଶ୍ରଦ୍ଧାଳୁମାନେ ଲମ୍ବା ଲାଇନରେ ଠିଆ ହୋଇ ପ୍ରଭୁଙ୍କୁ ଦର୍ଶନ କରିଛନ୍ତି । ଏହି ଅବସରରେ ଏହି ସ୍ଥାନରେ ଏକ ବଡ ଧାରଣର ଯାତ୍ରା ଅନୁଷ୍ଠିତ ହୋଇଥାଏ । ଏଠାରେ ପ୍ରଭୁଙ୍କର ଦର୍ଶନ ସାଙ୍ଗକୁ ମିନାବଜାର,ଦୋଳି,ଆଇସକ୍ରିମ,ବିଭିନ୍ନ ପ୍ରକାର ଘରୋଇ କରଣ ଜିନିଷ କିଣିବା ସାଙ୍ଗକୁ ଚଟପଟା ଖାଦ୍ୟର ମଜ୍ଜାନେଇ ଥାଆନ୍ତି ଆସିଥିବା ଭକ୍ତ ଓ ଶ୍ରଦ୍ଧାଳୁମାନେ ।
ପ୍ରହ୍ଲାଦ ମୁଦୁଲିଙ୍କ ରିପୋର୍ଟ
