ପ୍ରଶାନ୍ତଙ୍କ ହୃଦଘାତରେ ମୃତ୍ୟୁ
କେନ୍ଦ୍ରାପଡା ୨|୧୨ (ମସିହା ନ୍ୟୁଜ ) ପ୍ରଦୀପ କୁମାର ମଲ୍ଲିକ : କେନ୍ଦ୍ରାପଡା ଜିଲ୍ଲାର ଆଳି ବ୍ଲକ ଅନ୍ତର୍ଗତ ଅର୍ଗଳ ଗ୍ରାମର ନଟବର ମଲ୍ଲିକ ଙ୍କ ପୁତ୍ର ପ୍ରଶାନ୍ତ କୁମାର ମଲ୍ଲିକ (୫୩) ଙ୍କର ପରଲୋକ ହୋଇଯାଇଛି | ଛାତିରେ ଯନ୍ତ୍ରଣା ଅନୁଭବ କରିବାରୁ ତାଙ୍କୁ ଭୁବନେଶ୍ୱର ର ଏକ ଘରୋଇ ଚିକିତ୍ସାଳୟ ରେ ଭତ୍ତି କରାଯାଇଥିଲା | ସେଠାରେ ଚିକିତ୍ସାଧୀନ ଅବସ୍ଥାରେ ହୃଦଘାତରେ ସୋମବାର ସକାଳ ୬.୫୫ ମିନିଟ୍ ରେ ତାଙ୍କର ପରଲୋକ ହୋଇଥିଲା | ସେ ଜଣେ ମିଷ୍ଟାଭାଷୀ , ପରୋପକାରୀ ମଣିଷ ଥିଲେ | ଭୁବନେଶ୍ୱର ରୁ ମରଶରୀର ଅର୍ଗଳ ଗ୍ରାମରେ ପହଁଚିବା ପରେ ଶୋକାକୁଳ ପରିବେଶ ସୃଷ୍ଟି ହୋଇଥିଲା |ତାଙ୍କ୍ ଘରେ ବହୁବ୍ୟକ୍ତି ପହଁଚି ଶେଷଦର୍ଶନ କରିଥିଲେ |ମୃତ୍ୟୁଶଯ୍ୟା ନିକଟରେ ତାଙ୍କ ପରିବାର ଓ ବନ୍ଧୁବର୍ଗ ଉପସ୍ଥିତ ଥିଲେ | ଖବର ପାଇ କେନ୍ଦ୍ରାପଡା ଜିଲ୍ଲା ମହିଳା କଂଗ୍ରେସ ସଭାପତି ଦେବସ୍ମିତା ଶର୍ମା ଙ୍କ ସମେତ ବହୁ ମାନ୍ୟଗଣ୍ୟ ବ୍ୟକ୍ତି ପ୍ରମୁଖ ଉପସ୍ଥିତ ହୋଇ ଶୋକସନ୍ତପ୍ତ ପରିବାରକୁ ସମବେଦନା ଜଣାଇଛନ୍ତି | ମୃତଦେହକୁ ଶୋଭାଯାତ୍ରାରେ ଗ୍ରାମପରିକ୍ରମା କରାଯାଇ ଅନ୍ତିମ ସଂସ୍କାର କରାଯାଇଥିଲା | ଏକମାତ୍ର ପୁତ୍ର ସୂର୍ଯ୍ୟ ପ୍ରତାପ ମଲ୍ଲିକ ମୁଖାଗ୍ନି ଦେଇଥିଲେ |
