କାର୍ଯ୍ୟରେ ଯୋଗଦେଲେ ନୂତନ ସବ-ରେଜିଷ୍ଟ୍ରାର
ଖଇରା,୨୦/୧୨/୨୫- ଦୀର୍ଘଦିନ ଧରି ଖାଲି ପଡିଥିବା ଉପ-ନିବନ୍ଧକଙ୍କ ପଦବୀ ହୋଇଛି ପୂରଣ । ଆଜି ତା ୨୦/୧୨/୨୫ ରିଖରେ ଯୋଗ ଦେଇଛନ୍ତି ନୂତନ ସବ-ରେଜିଷ୍ଟ୍ରାର ବିଶ୍ବଜିତ୍ ରଣା । ରାଜସ୍ବ ବିଭାଗର ଚିଠି ନମ୍ବର ୪୭୨୬୪ ତା ୧୬.୧୨.୨୦୨୫ ମୂଳେ ଟି ଆର. ଓ. ତାଲିମ ପାଉଥିବା ଶ୍ରୀ ରଣା ଖଇରା ସବ୍ ରେଜିଷ୍ଟ୍ରାର ଅଫିସର ଭାବେ ନିଜ କାର୍ଯ୍ୟଭାର ଗ୍ରହଣ କରିଛନ୍ତି । ଏହା ପୂର୍ବରୁ ପ୍ରାୟ ୨ ବର୍ଷ ଧରି ଖଇରା ସବ୍ ରେଜିଷ୍ଟ୍ରାର ପଦବୀ ଖାଲି ପଡିଥିଲା, ଖାଲି ପଡିଥିବା ପଦବୀରେ ଖଇରା ତହସିଲଦାର ଏବଂ ଅତିରିକ୍ତ ତହସିଲଦାର ଭାରପ୍ରାପ୍ତ ଭାବେ କାର୍ଯ୍ୟ ତୁଲାଇ ଆସୁଥିଲେ । ଭାରପ୍ରାପ୍ତ ଅଧିକାରୀଙ୍କ ସମୟରେ ଜନସାଧାରଣ ମାନଙ୍କୁ ବହୁ ଅସୁବିଧାର ସମ୍ମୁଖିନ ହେବାକୁ ପଡୁଥିଲା, ଅଧିକାଂଶ ସମୟରେ ଜମି ବିକ୍ରେତା ଓ କ୍ରେତା ମାନଙ୍କୁ ଦିବା ୧୦ଟା ଠାରୁ ଅପରାହ୍ନ ୫ଟା ପର୍ଯ୍ୟନ୍ତ ଅପେକ୍ଷା କରିବାକୁ ପଡୁଥିଲା । ଏବେ ରେଗୁଲାର ସବ୍ ରେଜିଷ୍ଟ୍ରାର ଅଧିକାରୀ ଭାବେ ଯୁବ ସବ୍ ରେଜିଷ୍ଟ୍ରାର ଅଧିକାରୀ ବିଶ୍ବଜିତ ରଣା ଯୋଗଦାନ କରିବା ପରେ କର୍ମଚାରୀଙ୍କ ଖୁସି କହିଲେ ନ ସରେ । ସମସ୍ତଙ୍କ ସହଯୋଗ ମିଳିଲେ ସମସ୍ତ କାର୍ଯ୍ୟ ସୁରୁଖୁରୁରେ ଚାଲିବ ଏବଂ ସମସ୍ତେ ସେବା ପାଇବେ ବୋଲି କହିଛନ୍ତି ଶ୍ରୀ ରଣା । କର୍ମଚାରୀ ଏବଂ ମୋହରିର ସମସ୍ତଙ୍କ ମନରେ ଖୁସି ଖେଳିଯାଇଛି ।।
ବାଲେଶ୍ଵରରୁ ନରେନ୍ଦ୍ର ପ୍ରସାଦ ବେହେରାଙ୍କ ରିପୋର୍ଟ
