ଘାଟି ରାସ୍ତାରେ ଟ୍ରକ୍ ଚକା ଫାଟି ଲାଗିଲା ନିଆଁ
କୋରାପୁଟ ଜିଲା ପଟ୍ଟାଙ୍ଗି ବ୍ଲକ୍ ରାଜପଥ ଘାଟି ରାସ୍ତାରେ ଚଳନ୍ତା ଟ୍ରକ୍ ଚକା ଫାଟି ନିଆଁ ଲାଗି ସମସ୍ତ ଚକା ଜଳିଯାଇଛି। ଏଥିରେ ଟ୍ରକ୍ ଡ୍ରାଇଭର ଓ ହେଲ୍ପର ଅଳ୍ପକେ ବର୍ତ୍ତିଯାଇଛନ୍ତି । ସୂଚନାନୁଯାୟୀ, ଶୁକ୍ରବାର ପଟ୍ଟାଙ୍ଗିରୁ ଆନ୍ଧ୍ର ଅଭିମୁଖେ ଯାଉଥିବା ଏକ ଟ୍ରକ୍ ଓଡ଼ିଶା ସୀମାନ୍ତ ସୁଙ୍କି ପଞ୍ଚାୟତ ମୁଙ୍ଗାରଗୁମି ଗ୍ରାମ ନିକଟ ଜାତୀୟ ରାଜପଥ ଉପରେ ଏହାର ବାମ ଚକା ଫାଟି ନିଆଁ ଲାଗିଥିଲା। ଏ ନେଇ ଡ୍ରାଇଭର ସୁଙ୍କି ଥାନାକୁ ଜଣାଇଥିଲେ। ଥାନାଧିକାରୀ ଚତୁର୍ଭୁଜ ନାୟକ ବ୍ଲକ ସଦର ମହକୁମାସ୍ଥିତ ଅଗ୍ନିଶମ ବିଭାଗକୁ ଖବର ଦେଇଥିଲେ। ଟ୍ରକ୍ରେ ନିଆଁ ଲାଗିଯାଇଥୁବାରୁ ପଟ୍ଟାଙ୍ଗି-ଆନ୍ଧ୍ର ଅଭିମୁଖେ ଆସୁଥିବା ସମସ୍ତ ଯାନବାହନ କିଛି ସମୟ ପାଇଁ ଅଟକି ରହିଥିଲା। ନିଆଁ ଆୟତ୍ତ ହେବା ପରେ ଚଳାଚଳ ସ୍ବାଭାବିକ ହୋଇଥିଲା। ସୁଙ୍କି ପୋଲିସ ଓ ଦମକଳ ବାହିନୀ ଘଟଣାସ୍ଥଳରେ ପହଞ୍ଚି ନିଆଁକୁ ଆୟତ୍ତ କରିଥିଲେ। ଟ୍ରକ୍ର ଅନ୍ୟ ଅଂଶଗୁଡ଼ିକରେ କୌଣସି କ୍ଷତି ହୋଇ ନ ଥିବା ଜଣାପଡିଛି। ଏ ନେଇ ସୁଙ୍କି ପୋଲିସ ଓ ଅଗ୍ନିଶମ ବିଭାଗ ତଦନ୍ତ ଆରମ୍ଭ କରିଥିବା ଜଣାପଡ଼ିଛି।
କୋରାପୁଟ ଜିଲ୍ଲାରୁ ଶ୳୲ମ ଖିଲ ଙ୍କ ରିପୋର୍ଟ୍
