ସାମ୍ବାଦିକଙ୍କ ମାତୃ ବିୟୋଗ
ରାଇରଙ୍ଗପୁର: ୨୧\୪\୨୬ — ମୟୂରଭଞ୍ଜ ଜିଲ୍ଲା ର ବିଶିଷ୍ଟ ସାମ୍ବାଦିକ ଜଗତ ରଂଜନ ବେହେରାଙ୍କ ମାତା ମୁକ୍ତାମଣି ବେହେରା (୭୭) ତଥା ସ୍ବର୍ଗୀୟ ଲାଲମୋହନ ବେହେରାଙ୍କ ଧର୍ମପତ୍ନୀ ଏ ଇହଜଗତରେ ଆଉ ନାହାନ୍ତିଁ l ସେ ଗତ ୧୯ ତାରିଖ ଅପରାହ୍ନ ୪ଟା ୧୫ମି ସମୟରେ ବାମନଘାଟୀ ଉପଖଣ୍ଡ ରାଇରଙ୍ଗପୁର ସହର ଅନ୍ତର୍ଗତ ବାଇଦାପୋଷି ଗ୍ରାମରେ ଥିବା ନିଜ ବାସଭବନ ରେ ସମସ୍ତଙ୍କୁ ଛାଡି ଅଫେରା ଜଗତର ଯାତ୍ରୀ ହୋଇଯାଇଛନ୍ତି l ସେ ଜଣେ ଧର୍ମପରାୟଣା, ମିଷ୍ଟଭାଷୀ ଓ ପରୋପକାରୀ ବ୍ଯକ୍ତିତ୍ବ ମହିଳା ଥିଲେ l ତାଙ୍କର ସରଳ ଓ ଅମାୟିକ ଗୁଣ ହେତୁ ଆଜିଭି ରାଇରଙ୍ଗପୁର ସହରରେ ଲୋକେ ଯଶକୀର୍ତ୍ତୀ ମନେପକାଉଛନ୍ତି l କିନ୍ତୁ , ଏ ଧରା ଧାମକୁ ଯିଏ ଆସିଛି, ସିଏ ଦିନେ ନା ଦିନେ ଯିବାକୁ ପଡିବ l ଏ ଶରୀର ସିନା ଚାଲିଯାଏ, ଆତ୍ମା କେବଳ ପୋଷାକ ପରିବର୍ତ୍ତନ କରିଥାଏ l ତାଙ୍କ କଲାକର୍ମ ଓ ମାନସମ୍ମାନ କେବଳ ମାତ୍ର ରହିଯାଏ l ସେ ସାମ୍ବାଦିକ ଜଗତ ରଂଜନ ବେହେରାଙ୍କ ଅତିପ୍ରିୟ ଥିଲେ l ତାଙ୍କର ନୀତି ଓ ଗୁଣଗାରିମାକୁ ପାଥେୟ କରି ସାମ୍ବାଦିକ ଶ୍ରୀ ବେହେରା ଜଣେ ଆଦର୍ଶବାନ ଓ ସମାଜ ସଂସ୍କାରକ ଭାବେ ବେଶ ସୁନାମ ଅର୍ଜନ କରିଛନ୍ତି l ମୁତ୍ଯୁ ସମୟରେ ତାଙ୍କ ନିକଟରେ ତାଙ୍କର ପୁଅଝିଅ, ପୁତ୍ରବଧୂ, ନାତିନାତୁଣୀ ଏବଂ ପୁତୁରାଝିଆରୀ ଉପସ୍ଥିତ ରହିଥିଲେ l ଏ ଖବର ପ୍ରଚାର ହେବା ମାତ୍ରେ , ତାଙ୍କ ପରିବାର ତଥା ସହରରେ ଏକ ଶୋକର ଛାୟା ଖେଳିଯାଇଛି l
ରାଇରଙ୍ଗପୁର ରୁ ଅକ୍ଷୟ ବିଶ୍ବାଳ
