ଗାଁ ଦାଣ୍ଡରେ ଆତଙ୍କ ଦୁଇ ଗିରଫ
ହିଞ୍ଜିଳିକାଟୁ,ତା ୨୧/୦୪ ଗଞ୍ଜାମ ଜିଲ୍ଲା ବେଲଗାଁ ଥାନା ଅନ୍ତର୍ଗତ ଦୁର୍ବନ୍ଧ ଗ୍ରାମର ହରିଜନ ସାହିରେ ୨ ଜଣ ଯୁବକ ହାତରେ ଖଣ୍ଡା ଧରି ଗାଁ ଦାଣ୍ଡରେ ଆତଙ୍କ ଖେଳାଉଥିଲେ । ୨ ଯୁବକ ମଝି ଦାଣ୍ଡରେ ଗାଳି ଗୁଲଜ କରିବା ସହ ସମ୍ପୃକ୍ତ ସାହିରେ ଭୟର ବାତାବରଣ ସୃଷ୍ଟି କରୁଥିଲେ । ଭୟରେ ସାହି ବାସିନ୍ଦା ଘରର କବାଟ କିଳି ରହିଥିଲେ ବେଲଗାଁ ପୋଲିସ ପେଟ୍ରୋଲଙ୍ଗି କରୁଥିବା ବେଳେ ପୋଲିସ ଗାଡିକୁ ଦେଖି ୨ ଯୁବକ ଚମ୍ପଟ ମାରିବାକୁ ଚେଷ୍ଟା କରୁଥିଲେ । ପୋଲିସ ସେମାନଙ୍କ ପିଛା କରି କାବୁ କରିବା ସହ ଖଣ୍ଡାକୁ ଜବତ କରିଛି । ଗିରଫ ଅଭିଯୁକ୍ତ ମାନେ ହେଲେ ହିଞ୍ଜିଳି ଥାନା ବ୍ରାହ୍ମଣଛାଇ ଗ୍ରାମର ଗୌର ନାୟକ(୨୩) ଅନ୍ୟ ଜଣେ ବେଲଗାଁ ଥାନ ଦୟାପଲି ଗ୍ରାମର ଉଦ୍ଧବ ଦାସ(୨୪) ନେଇ ବେଲଗାଁ ଥାନ କେସ ନଂ ୫୮/୨୬ରେ ଏକ ମାମଲା ରୁଜୁ କରି ଦୁଇ ଯୁବକଙ୍କୁ ଅଦାଲତ ଚାଲାଣ କରାଯାଇଥିବା ଥାନା ଆଇଆଇସି ସ୍ମିତାଞ୍ଜଳି ପ୍ରଧାନ କହିଛନ୍ତି।ପ୍ରକାଶ ଥାଉକି ଦୟାପଲି ଗ୍ରାମର ଉଦ୍ଧବ ଦୁର୍ବନ୍ଧ ଗ୍ରାମର ଏକ ମହିଳାକୁ ପ୍ରେମ କରି ଆସୁଥିଲେ । ମହିଳା ଜଣକ ଏଥିରେ ଅରାଜି ହେବାରୁ ରବିବାର ସନ୍ଧ୍ୟାରେ ତାଙ୍କ ସାଙ୍ଗ ବ୍ରାହ୍ମଣଛାଇ ଗ୍ରାମର ଗୌରାକୁ ଡାକି ହାତରେ ଖଣ୍ଡା ଧରି ଗାଁ ଦାଣ୍ଡରେ ଆତଙ୍କ ସୃଷ୍ଟି କରିଥିଲେ।
