ଶେରଗଡ଼ ଠାରେ ଜାତୀୟ ପଞ୍ଚାୟତିରାଜ ଦିବସ ସମାରୋହ ପାଳନ
ଶେରଗଡ଼ , ୨୪-୦୪-୨୦୨୬ : ଗଞ୍ଜାମ ଜିଲ୍ଲା ଶେରଗଡ଼ ବ୍ଲକ ପରିସର ମଧ୍ୟରେ ଜାତୀୟ ପଞ୍ଚାୟତିରାଜ ଦିବସ ପାଳିତ ହୋଇଯାଇଛି । ଏଥିରେ ମୁକ୍ଷ୍ୟ ଅତିଥି ଭାବରେ ଗୋଷ୍ଠି ଉନ୍ନୟନ ଅଧିକାରୀ ସୁଶ୍ରୀ ତୃପ୍ତିମଇ ଜେନା , ଏବିଡିଓ ନିରାକାର ଜେନା , ଗୋବିନ୍ଦପୁର ସରପଞ୍ଚ , ଗୋଠଗାଁ ସରପଞ୍ଚ , ବନ୍ଧଗୁଡ଼ା ସରପଞ୍ଚ , ସିଆରପି ଓ ଏମ୍ବିକେ ମାନଙ୍କ ସହିତ ସମସ୍ତ ବ୍ଲକ କର୍ମଚାରି ମାନେମଧ୍ୟ ଉପସ୍ଥିତ ରହିଥିଲେ ।
ଓଡ଼ିଶା ସରକାର ଏବେ ଜାତୀୟ ସ୍ତର ସହ ସମାନତା ରଖି ଏପ୍ରିଲ ୨୪ରେ ଏହି ଦିବସ ପାଳନ କରୁଛନ୍ତି । ଭାରତରେ ପଞ୍ଚାୟତି ରାଜ ବ୍ୟବସ୍ଥାକୁ ସାମ୍ବିଧାନିକ ମାନ୍ୟତା ଦେବା ପାଇଁ ୧୯୯୨ରେ ୭୩ତମ ସମ୍ବିଧାନ ସଂଶୋଧନ ପାଳନ ହୋଇଥିଲା, ଯାହା ୨୪ ଏପ୍ରିଲ ୧୯୯୩ ରୁ କାର୍ଯ୍ୟକାରୀ ହେଲା । ଏହି ଦିନକୁ ସ୍ମରଣ କରିବା ପାଇଁ, ୨୦୧୦ ମସିହାରୁ ତତ୍କାଳୀନ ପ୍ରଧାନମନ୍ତ୍ରୀ ମନମୋହନ ସିଂହଙ୍କ ଦ୍ୱାରା ଏପ୍ରିଲ ୨୪କୁ ଜାତୀୟ ପଞ୍ଚାୟତି ରାଜ ଦିବସ ଭାବେ ଘୋଷଣା କରାଯାଇଥିଲା । ଏହି ଦିବସର ମୁଖ୍ୟ ଉଦ୍ଦେଶ୍ୟ ହେଉଛି ଗ୍ରାମୀଣ ଅଞ୍ଚଳରେ ଲୋକଙ୍କ ଅଂଶ ଗ୍ରହଣକୁ ବୃଦ୍ଧି କରିବା, ସ୍ଥାନୀୟ ସ୍ୱୟଂ ଶାସନକୁ ସୁଦୃଢ଼ କରିବା ଏବଂ ଗାନ୍ଧିଜୀଙ୍କ “ଗ୍ରାମ ସ୍ୱରାଜ”ର ସ୍ୱପ୍ନକୁ ସାକାର କରିବା । ପୂର୍ବରୁ ଓଡ଼ିଶାରେ ଏହା ମାର୍ଚ୍ଚ ୫ (ବିଜୁ ପଟ୍ଟନାୟକଙ୍କ ଜନ୍ମଦିନ)ରେ ପଞ୍ଚାୟତି ରାଜ ଦିବସ ପାଳନ ହେଉଥିବାବେଳେ, ୨୦୨୫ରୁ ଏହାକୁ ଜାତୀୟ ସ୍ତର ସହ ସମାନ କରି ଏପ୍ରିଲ ୨୪କୁ ଓଡ଼ିଶା ସରକାର ପଞ୍ଚାୟତି ରାଜ ଦିବସ ଭାବେ ଘୋଷଣା କରିଛନ୍ତି । ଏହି ଅବସରରେ ଗ୍ରାମ ପଞ୍ଚାୟତ ଗୁଡ଼ିକୁ ସେମାନଙ୍କର ଉଲ୍ଲେଖନୀୟ କାର୍ଯ୍ୟ, ଯେପରିକି ଆୟ ବୃଦ୍ଧି, ସ୍ୱଚ୍ଛତା ଏବଂ ସାମାଜିକ ସଶକ୍ତିକରଣ ପାଇଁ ପୁରସ୍କୃତ କରାଯାଏ । ପଞ୍ଚାୟତି ରାଜ ବ୍ୟବସ୍ଥା ଭାରତର ଗଣତନ୍ତ୍ରର ମୂଳଦୁଆ, ଯାହା ଗ୍ରାମାଞ୍ଚଳର ବିକାଶରେ ପ୍ରତ୍ୟକ୍ଷ ଭୂମିକା ଗ୍ରହଣ କରିଥାଏ। ପରିଶେଷରେ ୭୨ଜଣ ହିତାଧିକାରୀଙ୍କୁ ମୁଖ୍ୟମନ୍ତ୍ରୀ ଆବାସ ଯୋଜନା ପକ୍କାଘର ଆସିଥିବା ବେଳେ ସେଥିରୁ ମଧ୍ୟରୁ ୧୦ ଜଣଙ୍କୁ ସମ୍ମାନୀତ କରାଯାଇଥିଲା । କୃଷ୍ଣ ଚନ୍ଦ୍ର ସାମନ୍ତରାୟ ଙ୍କ ରିପୋର୍ଟ।
