ପିକଅପ ଭ୍ୟାନ ଓଲଟି ୨୦ ରୁ ଉର୍ଦ୍ଧ୍ୱ ଆହତ
ହିଞ୍ଜିଳିକାଟୁ,ତା ୦୯/୦୫ ଗଞ୍ଜାମ ଜିଲ୍ଲା ହିଞ୍ଜିଳିକାଟୁ ନିକଟବର୍ତ୍ତୀ ବାଳକୃଷ୍ଣପୁର ମୁଖ୍ୟରାସ୍ତାର ଶନିବାର ଦିନ ରାଇସ ମିଲ ସମ୍ମୁଖରେ ଅସାବଧାନତା ବଶତଃ ଏକ ପିକଅପ ଭ୍ୟାନ ଓଲଟି ନନ୍ଦିକ ଗ୍ରାମର ୨୦ ରୁ ଉର୍ଦ୍ଧ୍ୱ କୈବର୍ତ୍ତ ଆହତ ହୋଇଛନ୍ତି। ସେମାନେ ଲକ୍ଷ୍ମୀପୁରସ୍ଥିତ ନାଉଳି ସ୍ଥାନକୁ ମାଛ ଧରିବାକୁ ଯାଉଥିବା ବେଳେ ସକାଳ ୬ ଘଣ୍ଟ ସମୟରେ ଅଘଟଣ ଘଟିଛି ଫଳରେ ସମସ୍ତଙ୍କୁ ହିଞ୍ଜିଳିକାଟୁ ଉପଖଣ୍ଡ ଚିକିତ୍ସାଳୟରେ ଭର୍ତ୍ତି କରାଯାଇଛି ।କିଛି ଲୋକ ଗୁରୁତର ଅଛନ୍ତି ସେମାନେ ହେଲେ ସୁରେନ୍ଦ୍ର ବେହେରା (୫୦), ସନ୍ତୋଷ ବେହେରା (୩୬) ଓ ମଙ୍ଗୁଳୁ ବେହେରା (୬୦)ଙ୍କ ଅଧିକ ଚିକିତ୍ସା ନିମନ୍ତେ ବ୍ରହ୍ମପୁର ବଡ଼ ମେଡିକାଲକୁ ସ୍ଥାନାନ୍ତର କରାଯାଇଥିବା ସୂଚନା ମିଳିଛି|
