ଶ୍ରୀରାମ ମନ୍ଦିର ପୂଜାରୀ ଙ୍କ ହୃଦ୍ ଘାତ ରେ ପରଲୋକ
ଧର୍ମଗଡ:ଧର୍ମଗଡ ମହିଳା ମହାବିଦ୍ୟାଳୟ ନିକଟ ରେ ଥିବା ଶ୍ରୀ ରାମ ମନ୍ଦିର ର ପୂଜକ ବାଘାମ୍ବର ଶତପଥି (୬୬) ଙ୍କ ହୃଦଘାତ ରେ ପରଲୋକ ହୋଇଯାଇଛି। ସ୍ବର୍ଗତ ଶତପଥି ଗତ କିଛି ମାସ ତଳେ ହୃଦରୋଗ ସମସ୍ୟା ର ଉପଚାର କରାଇ ଫେରି ଥିବା ବେଳେ ସମ୍ପୂର୍ଣ୍ଣ ସୁସ୍ଥ ଥିଲେ । ସବୁ ଦିନ ପରି ମନ୍ଦିର ପୂଜା ମଧ୍ଯ କରି ଥିଲେ । ତେବେ ହଠାତ ଆଜି ଦିନ ପ୍ରାୟ ୧୧ ଘଣ୍ଟା ସମୟ ରେ ସେ ଅସୁସ୍ଥ ହୋଇ ପଡ଼ି ଥିଲେ ତାଙ୍କୁ ତୁରନ୍ତ ଧର୍ମଗଡ ଉପଖଣ୍ଡ ଚିକିତ୍ସାଳୟରେ ଭର୍ତ୍ତି କରା ଯାଇଥିଲା । ତେବେ ଚିକିତ୍ସାଧୀନ ଅବସ୍ଥାରେ ସେଠାରେ ତାଙ୍କର ମୃତ୍ୟୁ ହୋଇ ଯାଇ ଥିଲା । ଶୋକାକୁଳ ପରିବେଶ ରେ ତାଙ୍କ ନିଜ ଗାଁ ଥନଟ ଠାରେ ତାଙ୍କ ଶେଷକୃତ୍ୟ ସମ୍ପନ୍ନ କରାଯାଇ ଥିଲା । ଏକ ମାତ୍ର ପୁତ୍ର ରାମ ଚନ୍ଦ୍ର ଶତପଥି ମୁଖାଗ୍ନି ଦେଈ ଥିଲେ । ସେ ଜଣେ ଧର୍ମପରାୟଣ ଅମାୟିକ ବ୍ୟକ୍ତି ଥିଲେ ତାଙ୍କ ର ଦେହାନ୍ତ ରେ ଅଞ୍ଚଳ ରେ ଶୋକ ର ଛାୟା ଖେଳି ଯାଇଛି ।
ବିଦ୍ୟାଧର ସାହୁଙ୍କ ରିପୋର୍ଟ….
