ଯୋଗାଣ ସହାୟକ ଙ୍କ କାର୍ଯ୍ୟବନ୍ଦ ଆନ୍ଦୋଳନ
ନବରଙ୍ଗପୁର:(୧୮|୭)(ରବି ନାରାୟଣ ମହାନ୍ତି)ରାଜ୍ୟ ଯୋଗାଣ ସହାୟକ ସଂଘର ଆହ୍ଵାନ କ୍ରମେ ଡାବୁଗାଁ ବ୍ଳକ ଯୋଗାଣ ସହାୟକ ସଂଘ ଚଳିତ ମାସ ଜୁଲାଇ ୧୦ ତାରିଖରେ ସାମୁହିକ ଛୁଟିରେ ରହି ଆନ୍ଦୋଳନରେ ସାମିଲ ହୋଇଛନ୍ତି l ସରକାରୀ ମାନ୍ୟତା ଦାବୀ ରେ ଯୋଗାଣ ସହାୟକ ମାନେ ଅନିର୍ଦ୍ଦିଷ୍ଟ କାଳ ପର୍ଯ୍ୟନ୍ତ ଆନ୍ଦୋଳନରେ ସାମିଲ ହୋଇଛନ୍ତି l ଗତ ୧୪ ବର୍ଷ ଧରି ଯୋଗାଣ ସହାୟକ ମାନେ ନିରବଚ୍ଛିନ୍ନ ଭାବେ ପିଡିଏସ୍ ମାଧ୍ୟମରେ ସାଧାରଣ ବଣ୍ଟନ,ସାମାଜିକ ସୁରକ୍ଷା ଭତ୍ତା ବଣ୍ଟନ,ନିର୍ବାଚନ କାର୍ଯ୍ୟ, କୋଭିଡ ସମୟରେ ଜନସେବା, ବର୍ତ୍ତମାନ ଚାଲିଥିବା କେୱାଇସି କାର୍ଯ୍ୟ ନିଷ୍ଠାର ସହ କରି ଆସୁଛନ୍ତି l୧୪ ବର୍ଷର ଅଭିଜ୍ଞତା ସତ୍ତ୍ୱେ ୮ ହଜାର ଟଙ୍କା ର ପାରିଶ୍ରମିକ ଦେଇ ସରକାର ପାତର ଅନ୍ତର ନୀତି ଅବଲମ୍ବନ କରୁଛନ୍ତି l ନବରଙ୍ଗପୁର ଯୋଗାଣ ସହାୟକ ସଂଘ ସଭାପତି ପ୍ରମୋଦ କୁମାର ମଲ୍ଲିକଙ୍କ ନେତୃତ୍ଵରେ ସାମୁହିକ ଭାବେ ଛୁଟି ନେଇ ଗତ ୧୦ ତାରିଖରୁ ଭୁବନେଶ୍ଵର ଲୋୟର ପିଏମଜି ଠାରେ ଆନ୍ଦୋଳନରେ ସାମିଲ ହୋଇଛନ୍ତି l ଏଥିଯୋଗୁଁ ଆଗକୁ ସାଧାରଣ ବଣ୍ଟନ ବ୍ୟବସ୍ଥା ପ୍ରଭାବିତ ହେବାର ଦେଖାଯାଇଛି l
ନବରଙ୍ଗପୁର ଜିଲ୍ଲାରୁ ରବି ନାରାୟଣ ମହାନ୍ତିଙ୍କ ରିପୋର୍ଟ ମସିହା ନିଉଜ୍
