ବିଦ୍ୟାଳୟ ପରିସରରେ ମଦ ମାଂସର ଆସର !
ଉମରକୋଟ:(୪|୮)(ରବି ନାରାୟଣ ମହାନ୍ତି)ବିଦ୍ୟାଳୟ ପରି ସ୍ଥାନରେ ମଦ ମାଂସର ଆସର,ଏ କଥା ଶୁଣିଲେ ମନ କୁ କଷ୍ଟ ଲାଗେ l କିନ୍ତୁ ଏଭଳି ଏକ ଦୃଶ୍ୟ ମୋବାଇଲ ରୁ ମୋବାଇଲ କୁ ଘୁରି ବୁଲୁଛି l ଏଭଳି ଏକ ଭିଡିଓ ନବରଙ୍ଗପୁର ଜିଲ୍ଲା ଉମରକୋଟ ବ୍ଳକ ଅନ୍ତର୍ଗତ କୁର୍ସି ପି ଏମ୍ ଶ୍ରୀ ସରକାରୀ ଉଚ୍ଚ ମାଧ୍ୟାମିକ ବିଦ୍ୟାଳୟର l ସୂଚନା ଅନୁଯାୟୀ ଏହି ବିଦ୍ୟାଳୟରେ ୩୦୦ ଶଯ୍ୟା ବିଶିଷ୍ଟ ଛାତ୍ରୀ ନିବାସ ରହିଛି l ଏକ ଭିଡିଓରେ କିଛି ଶିକ୍ଷକ ମଦ ମାଂସ ଖାଇବା ସହ ରାତ୍ରି ପ୍ରାୟ ୪ ଘଟିକା ସମୟରେ ଛାତ୍ରୀ ନିବାସରୁ ଛାତ୍ରୀ ମାନେ ବାହାରକୁ ଯାଉଥିବାର ଦୃଶ୍ୟ ଦେଖିବାକୁ ମିଳିଛି l ଏପରି ଭିଡିଓ ଭାଇରାଲ୍ ବିଷୟରେ ବିଦ୍ୟାଳୟ କମିଟିତା ୯|୭|୨୬ ତାରିଖରେ ଜିଲ୍ଳା ମଙ୍ଗଳ ଅଧିକାରୀ, ଜିଲ୍ଳା ଶିକ୍ଷା ଅଧିକାରୀ, ବ୍ଳକ ଶିକ୍ଷା ଅଧିକାରୀଙ୍କୁ ବିଦ୍ୟାଳୟ କମିଟି ଦ୍ଵାରା ଲିଖିତ ଅଭିଯୋଗ ଦେଇଥିବା ସତ୍ତ୍ୱେ ଆଜି ପର୍ଯ୍ୟନ୍ତ କୌଣସି କାର୍ଯ୍ୟାନୁଷ୍ଠାନ ଗ୍ରହଣ କରାଯାଇନାହିଁ l ସେପଟେ ଜିଲ୍ଳା ଶିକ୍ଷା ଅଧିକାରୀ ବିଦ୍ୟାଳୟ କତୃପକ୍ଷଙ୍କୁ ବିଦ୍ୟାଳୟ ଭିତରକୁ ପ୍ରବେଶ କରିବାକୁ ମନା କରିଛନ୍ତି l ବ୍ଳକ ଶିକ୍ଷା ଅଧିକାରୀ ଉକ୍ତ ବିଦ୍ୟାଳୟକୁ ଯାଇ ଶିକ୍ଷକ ମାନଙ୍କ ସହ କଥାବାର୍ତ୍ତା କରିଛନ୍ତି, ହେଲେ କୌଣସି ସୁଫଳ ମିଳି ପାରୁନାହିଁ l ଜିଲ୍ଳା ଶିକ୍ଷା ଅଧିକାରୀ ଓ ବ୍ଳକ ଶିକ୍ଷା ଅଧିକାରୀ କ୍ୟାମେରା ସାମ୍ନାରେ କୌଣସି ପ୍ରତିକ୍ରିୟା ମଧ୍ୟ ଦେଉନାହାନ୍ତି l ଏଥିରୁ ସ୍ପଷ୍ଟ ଅନୁମାନ କରାଯାଉଛି ଅଧିକାରୀ ଓ ସମ୍ପୃକ୍ତ ବିଦ୍ୟାଳୟ ଶିକ୍ଷକ ମାନଙ୍କ ମଧ୍ୟରେ ମଧୁଚନ୍ଦ୍ରିକାରେ ଛାତ୍ରୀ ମାନଙ୍କ ଭବିଷ୍ୟତ ଉପରେ ଖେଳ ଖେଳାଯାଉଛି l ଶିକ୍ଷା ବିଭାଗର ଅଧିକାରୀ ମାନେ ବିଦ୍ୟାଳୟରେ ମଦ ମାଂସ ଖାଉଥିବା ଶିକ୍ଷକଙ୍କ ପ୍ରତି ଏତେ ଅନୁକମ୍ପା କାହିଁକି ?ତାହା ଏବେ ଜନସାଧାରଣରେ ପ୍ରଶ୍ନବାଚୀ ସୃଷ୍ଟି କରୁଛି l ଏପରି ହେବା ଦ୍ଵାରା ଛାତ୍ରୀମାନେ ଆତ୍ମହତ୍ୟା କରିବାକୁ ବାଧ୍ୟ ହେଉଛନ୍ତି ବୋଲି ଜନସାଧାରଣରେ ଦୃଢ଼ ଦାବୀ କରୁଛନ୍ତି l ଏଭଳି ଶିକ୍ଷକଙ୍କ ଉପରେ କେବେ ଦୃଢ଼ କାର୍ଯ୍ୟାନୁଷ୍ଠାନ ନିଆଯିବ, ତାହା ଦେଖିବାକୁ ବାକି ରହିଲା !
ନବରଙ୍ଗପୁର ଜିଲ୍ଲାରୁ ରବି ନାରାୟଣ ମହାନ୍ତିଙ୍କ ରିପୋର୍ଟ ମସିହା ନିଉଜ୍
