ଡିଜିଟାଲ୍ ସେବାର ସମ୍ପ୍ରସାରଣ ବିଏସଏନଏଲର ନୂତନ ପଦକ୍ଷେପ ୧ ଟଙ୍କାରେ ମିଳୁଛି ସିମ
କଳାହାଣ୍ଡି ଜିଲ୍ଲା,ଭବାନୀପାଟଣା ସଦର ଗତକାଲି ଏକ ସାମ୍ବାଦିକ ସମ୍ମିଳନୀରେ ଡିଜିଏମଙ୍କ ସୂଚନା କଳାହାଣ୍ଡି ଜିଲ୍ଲା ଓ ନୂଆପଡା ଜିଲ୍ଲାରେ ହେବ ୩୭ ଟି ଟାୱାର ଗଠିତ ହେବ I ଦେଶରେ ଦୁରସଞ୍ଚାର ସେବା ପ୍ରଦାନକାରୀ ସଂସ୍ଥା ଭାବରେ, ବିଏସଏନଏଲ୍ ସାରା ଦେଶରେ ନିର୍ଭରଯୋଗ୍ୟ,ସୁରକ୍ଷିତ,ସୁଲଭ ଭାବେ ଗଣନା ହେଉଥିବାବେଳେ ଏବେ ସମସ୍ତ ଗ୍ରାହକଙ୍କୁ ଅନ୍ତର୍ଭୁକ୍ତ କରିବା ପାଇଁ ଡିଜିଟାଲ୍ ସଂଯୋଗୀକରଣ ପ୍ରଦାନ କରିବା ଆରମ୍ଭ କରିଛି I ଏପରିସ୍ଥଳେ ୮୦ତମ ସ୍ୱାଧୀନତା ଦିବସ ଅବସରରେ ଭାରତ ସଞ୍ଚାର ନିଗମ ଲିମିଟେଡ୍ (ବିଏସଏନଏଲ୍) ନୂତନ ଗ୍ରାହକ କେନ୍ଦ୍ରିକ ଡିଜିଟାଲ୍ ପଦକ୍ଷେପ ଉପରେ ଘୋଷଣା କରିଛି I ଏ ନେଇ ଶୁକ୍ରବାର ଦିନ ଭବାନୀପାଟଣା ସ୍ଥିତ ମୁଖ୍ୟ କାର୍ଯ୍ୟାଳୟରେ ଆୟୋଜିତ ଏକ ସାମ୍ବାଦିକ ସମ୍ମିଳନୀରେ ବିଏସଏନଏଲ୍ ଡିଜିଏମ ପୁରୁଷୋତ୍ତମ ମାଝୀ ସୂଚନା ଦେଇଛନ୍ତି I “ଆତ୍ମନିର୍ଭର ଭାରତ” ଏବଂ “ଡିଜିଟାଲ୍ ଇଣ୍ଡିଆ”ର ସ୍ୱପ୍ନ ଦ୍ୱାରା ଅନୁପ୍ରାଣିତ ହୋଇ,ବିଏସଏନଏଲ୍ ସ୍ୱଦେଶୀ ଜ୍ଞାନକୌଶଳ ଏବଂ ଗ୍ରାହକ-କେନ୍ଦ୍ରିକ ନବସୃଜନ ସହାୟତାରେ ଏକ ସୁଦୃଢ଼ ତଥା ଭବିଷ୍ୟତ ଉପଯୋଗୀ ଦୂରସଞ୍ଚାର ନେଟୱର୍କ ଗଠନ କରିବାକୁ ସଂକଳ୍ପବଦ୍ଧ ରହିଛି I କଳାହାଣ୍ଡି ଓ ନୂଆପଡା ଜିଲ୍ଲାରେ ପୂର୍ବରୁ ବିଏସଏନଏଲ୍ ର ୧୪୦ ଟି ଟାୱାର ଥିବାବେଳେ ପରବର୍ତ୍ତୀ ସମୟରେ ଡିଜିଟାଲ ଭାରତ ନିଧି (ଡିବିଏନ) ଯୋଜନାରେ କଳାହାଣ୍ଡି ଜିଲ୍ଲା ପାଇଁ ୧୦୧ ଟି ଓ ନୂଆପଡା ଜିଲ୍ଲା ପାଇଁ ୩୨ ଟି ଟାୱାର କାର୍ଯ୍ୟକ୍ଷମ କରାଯାଇଛି। ବର୍ତ୍ତିମାନ ନୂତନ ଭାବେ କଳାହାଣ୍ଡି ଜିଲ୍ଲାରେ ୩୧ ଟି ଓ ନୂଆପଡା ଜିଲ୍ଲାରେ ଡିବିଏନ ଯୋଜନାରେ ୬ ଟି ଟାୱାର କାର୍ଯ୍ୟକ୍ଷମ ପାଇଁ ପ୍ରୟାସ ଆରମ୍ଭ ହୋଇଛି ବୋଲି କହିଛନ୍ତି I ଏହାଦ୍ବାରା ସ୍ଥାନୀୟ ଉପଭୋକ୍ତା ମାନେ ବିଏସଏନଏଲ୍ ସେବା ପାଇଁ ଉପକୃତ ହେବେ I ସେହିପରି ଗ୍ରାହକଙ୍କୁ ଆକୃଷ୍ଟ କରିବା ପାଇଁ ସ୍ୱାଧୀନତା ଦିବସ ସ୍ୱତନ୍ତ୍ର ଅଫର ଭାବେ ୧ ଟଙ୍କାରେ ସିମ ଦିଆଯିବା ସହ ଏଥିରେ ୨୪ ଦିନ ପ୍ରର୍ଯ୍ୟନ୍ତ ଦୈନିକ ୧ଜିବି ଡାଟା,ଶହେ ଏସଏମଏସ,ଅନ ଲିମିଟେଡ଼ ଭଏସ କଲ ସମେତ ୨୪ ଦିନ ଭେଳିଡିଟୀ ରହିଛି I ସେହିପରି ଫାଇବର ଅଫରରେ ମାସକୁ ୧୧୧୧ଟଙ୍କାରେ ଇଣ୍ଟରନେଟ ସ୍ପୀଡ଼ ୨ ଶହ ଏମବିପିଏସ,୫ହଜାର ଜିବି ଡାଟା ପ୍ରମୁଖ ସୁବିଧା ରହିଛି । ଏହି ଅଫର ଟି ଆସନ୍ତା ୧୨ ସେପ୍ଟେମ୍ବର ଯାଏ ରହିବ ବୋଲି ସୂଚନା ଦିଆଯାଇଛି I ଏହାର ଉଦ୍ଦେଶ୍ୟ ହେଉଛି ଗ୍ରାହକଙ୍କ ଅନୁଭୂତିକୁ ବଢ଼ାଇବା,ଡିଜିଟାଲ୍ ସେବାର ସମ୍ପ୍ରସାରଣ କରିବା ଏବଂ ଦେଶର ପ୍ରତ୍ୟେକ ନାଗରିକଙ୍କ ପାଇଁ ଅତ୍ୟାଧୁନିକ ସଂଯୋଗୀକରଣ ତଥା ମନୋରଞ୍ଜନକୁ ସହଜଲବ୍ଧ କରାଇବା I ସାମ୍ବାଦିକ ସମ୍ମିଳନୀରେ ଅନ୍ୟମାନଙ୍କ ମଧ୍ୟରେ ବିଏସଏନଏଲ୍ ଏଜିଏମ ବିପିନ ବିହାରୀ ପଟ୍ଟନାୟକ,ଏସଡିଇ କେ ବି ନାୟକ,ଜେଟିଓ ହିମାଂଶୁ କୁମାର ବେହେରା,ଅମ୍ରେଶ ପଣ୍ଡା ଓ ଜେଏଓ ପ୍ରମୋଦ କୁମାର କାଲୁ ପ୍ରମୁଖ ଉପସ୍ଥିତ ରହିଥିଲେ I
ବିଷ୍ଣୁ ଚରଣ ସ୍ୱାଇଁ ଙ୍କ ରିପୋର୍ଟ
