ଧରାକୋଟ ରେ ନୂଆଁ ବି ଡି ଓ
ଆସିକା, ୧୪/୧୦/୨୬ (ଶିବ ଶଙ୍କର ମିଶ୍ର ) ଦୀର୍ଘ ଛଅ ମାସ ଧରି ଖାଲି ପଡିଥିବା ଧରାକୋଟ ବ୍ଲକ ଗୋଷ୍ଠୀ ଉନ୍ନୟନ ଅଧିକାରୀ ପଦବୀ ପୂରଣ ହୋଇଛି । ଏଠାରେ କାର୍ଯ୍ୟରତ ବି ଡି ଓ ସଂଗ୍ରାମ କେଶରୀ ଜେନା ଗତ ଏପ୍ରିଲ ମାସରେ ଅବସର ଗ୍ରହଣ ପରେ ଶେରଗଡ ବି ଡି ଓ ତୃପ୍ତିମୟୀ ଜେନା ଧରାକୋଟ ର ଅତିରିକ୍ତ ଦାୟିତ୍ୱ ତୁଲାଇ ଆସୁଥିଲେ । ଯାହା ଫଳରେ ବ୍ଲକ ପ୍ରଶାସନ ଏକ ରକମ କୋମା ଅବସ୍ଥାକୁ ଚାଲି ଆସିଥିଲା । ସଂପ୍ରତି ମାଲକାନଗିରି ଜିଲ୍ଲାର ଅତିରିକ୍ତ ଜିଲ୍ଲାପାଳ ଭାବରେ ଅବସ୍ଥାପିତ ଥିବା ଶ୍ରୀମତୀ ଲିପିନା ଦାସ ଗଞ୍ଜାମ ଜିଲ୍ଲା ଧରାକୋଟ ବ୍ଲକର ନୂତନ ବି ଡି ଓ ଭାବରେ ବୁଧବାର କାର୍ଯ୍ୟରେ ଯୋଗ ଦେଇଛନ୍ତି । ଆଜି ବ୍ଲକ କାର୍ଯ୍ୟାଳୟରେ ପହଞ୍ଚିବା ପରେ ଭାରପ୍ରାପ୍ତ ଏ ବି ଡି ଓ ସୁଶାନ୍ତ କୁମାର ପାତ୍ର,ସହକାରୀ ନିର୍ବାହୀ ଯନ୍ତ୍ରୀ ଜ୍ଞାନ ରଞ୍ଜନ ପ୍ରଧାନ, ସହକାରୀ ଯନ୍ତ୍ରୀ ପି କେ ନାହାକ, ପି ଏମ ସାହୁ,ପ୍ରମୋଦ କୁମାର ଶତପଥୀ,ସହକାରୀ ଯନ୍ତ୍ରୀ ଚିନ୍ମୟୀ ରାଉତ,ସି ପି ଲମ୍ବୋଦର ଗୌଡ, ବି ପି ସି କୃଷ୍ଣକାନ୍ତ ପଣ୍ଡା, ଏ ପି ଓ ନନ୍ଦିନୀ ଦାସ ପ୍ରମୁଖ ସାକ୍ଷାତ କରି ଶୁଭେଛା ଜଣାଇଥିଲେ । ଏହି ଅବସରରେ ଧରାକୋଟ ପ୍ରେସ କ୍ଲବ ତରଫରୁ ନୂତନ ବି ଡି ଓ ଙ୍କୁ ପୁଷ୍ପଗୁଚ୍ଛ ଦେଇ ସ୍ବାଗତ କରାଯାଇଥିଲା । ନିଜ ବକ୍ତବ୍ୟରେ ବ୍ଲକ ପ୍ରଶାସନ କୁ କର୍ମତତ୍ପର କରାଯିବା ସହ ସରକାରୀ ଯୋଜନା ଗୁଡିକର ଲାଭ ଯେପରି ସାଧାରଣ ଲୋକ ପାଇବେ ସେଦିଗରେ ପ୍ରାଥମିକତା ଦିଆଯିବ ବୋଲି ପ୍ରକାଶ କରିଥିଲେ ।
ଗଡଦାମୋଦର ପଲ୍ଲୀ ରେ ଶିଶୁ ମହୋତ୍ସବ ସୁରଭି
ଆସିକା, ୧୪/୧୦/୨୬(ଶିବ ଶଙ୍କର ମିଶ୍ର ) ମୁଣ୍ଡମରାଇ କ୍ଲଷ୍ଟର ସ୍ତରୀୟ ଶିଶୁ ମହୋତ୍ସବ ସୁରଭି କାର୍ଯ୍ୟକ୍ରମ ନୂତନ ଉଚ୍ଚ ପ୍ରାଥମିକ ବିଦ୍ୟାଳୟ ଗଡଦାମୋଦର ପଲି ପରିସରରେ ଅନୁଷ୍ଠିତ ହୋଇଯାଇଛି । ସି ଆର ସି ସି ପ୍ରମୋଦ କୁମାର ସେଠୀ ଙ୍କ ସଂଯୋଜନା ଓ ଶିକ୍ଷକ ବୁଲୁ ବେହେରା ଙ୍କ ପରିଚାଳନାରେ ଆୟୋଜିତ ଏହି ସମାରୋହରେ ମୁଖ୍ୟ ଅତିଥିଭାବେ ବି ଆର ସି ସି ସୌରୀ ଶଙ୍କର ବେହେରା, ଏ ବି ଇ ଓ ବିଭୁତି ଭୂଷଣ ପାତ୍ର ,ଏସ ଏମ ସି ସଭାପତି ଗୀତାଞ୍ଜଳୀ ସାହୁ ଉପସ୍ଥିତ ରହିଥିବା ବେଳେ ପ୍ରଧାନଶିକ୍ଷୟିତ୍ରୀ ଶ୍ରୀମତୀ ଛାୟା ଦେବୀ ଏଥିରେ ସଭାପତିତ୍ୱ କରିଥିଲେ। ଉପସ୍ଥିତ ଅତିଥି ମାନେ ଛାତ୍ର ଛାତ୍ରୀ ମାନଙ୍କୁ ଶୃଙ୍ଖଳା ,ଚରିତ୍ର ଗଠନ ଓ ଭଲ ପାଠ ପଢିବା ପାଇଁ ଉତ୍ସାହିତ କରିଥିଲେ । ଏହି ମହୋତ୍ସବ ରେ ରାଣୀ ପାର୍ବତୀ ପ୍ରାଥମିକ ବିଦ୍ୟାଳୟ, ଦେଓ ପାଟଣା ପ୍ରାଥମିକ ବିଦ୍ୟାଳୟ, ମୁଣ୍ଡମରାଇ ବାଳିକା ଉଚ୍ଚ ବିଦ୍ୟାଳୟ,ପୋଡ଼ାପଲି ପ୍ରାଥମିକ ବିଦ୍ୟାଳୟ,ଘୋଡାପଲି , ତାଳପାଟଣା ପ୍ରାଥମିକ ବିଦ୍ୟାଳୟ ଓ ସୋମନାଥ ବିଜ୍ଞାନ ଉଚ୍ଚ ମାଧ୍ୟମିକ ବିଦ୍ୟାଳୟ ର ପ୍ରାୟ 250 ଜଣ ଛାତ୍ରଛାତ୍ରୀ ଅଂଶ ଗ୍ରହଣ କରିଥିଲେ। ବିଚାରକ ଭାବରେ ବାହାରପୁର ସି ଆର ସି ସି ଅଜିତ କୁମାର ସାହୁ, ମଛାକୋଟ ସି ଆର ସି ସି ପ୍ରଭାତ କିରଣ ସାହୁ ଓ ଢ଼ଉଗାଁ ସି ଆର ସି ସି ଶର୍ମିଷ୍ଠା ପାତ୍ର ପ୍ରମୁଖ ଦାୟିତ୍ୱ ତୁଲାଇଥିଲେ। ଏହି ଅବସରରେ 50 ଜଣ ଛାତ୍ର ଛାତ୍ରୀ ଙ୍କୁ ପୁରସ୍କାର ପ୍ରଦାନ କରାଯାଇଥିଲା । ଶିକ୍ଷକ ପ୍ରଫୁଲ ବେହେରା,ନିରଞ୍ଜନ ପଟ୍ଟନାୟକ, ଶ୍ରୀମତୀ ନମିତା ଦାସ,ଦୀପ୍ତି ନାୟକ, ପ୍ରଭାତୀ କାମ୍ପ ପ୍ରମୁଖ ସହଯୋଗ ପ୍ରଦାନ କରିଥିଲେ। ଧରାକୋଟ ସି ଆର ସି ସି ଜଗନ୍ନାଥ ପଢ଼ିହାରି ଧନ୍ୟବାଦ ଅର୍ପଣ କରିଥିଲେ।
